ព្រឹត្តិការណ៍ប្រកួតប្រដាល់ដណ្ដើមខ្សែក្រវាត់Leo វគ្គ២ ទម្ងន់៦៧គ.ក្រ នៅលើសង្វៀនរោងសៀកមុខរដ្ឋសភា នឹងចាប់ផ្ដើមជម្រុះហើយ នៅថ្ងៃសៅរ៍ ទី០៤ ខែកក្កដា ឆ្នាំ២០១៥នេះ។
សម្រាប់ថ្ងៃជម្រុះដំបូងនេះ មានចំនួន២គូ ដែលជាការប្រកួតរវាង ធានុរាជ អ្នកប្រដាល់ក្លិបពោធិជ័យកីឡា និង វី សេរីចាន់ឌីន អ្នកប្រដាល់ក្លិបខ្លារខិនមានរិទ្ធ និងមួយគូទៀត ជាការជួបគ្នារវាងហ៊ឹម សារ៉ាន់ អ្នកប្រដាល់សមាគមកីឡាក្រសួងការពារជាតិ និង ឯម វិចិត្រ អ្នកប្រដាល់ក្លិបឫទ្ធីពោធិសែនជ័យ។
ព្រឹត្តិការណ៍ប្រកួតប្រដាល់ដណ្ដើមខ្សែក្រវាត់Leo វគ្គ២ មានអ្នកប្រដាល់ចំនួន៨រូបដែលត្រូវធ្វើការប្រកួតជំរុះវិលជុំសន្សំពិន្ទុ រួមមាន ធានុរាជ អ្នកប្រដាល់ក្លិបពោធិជ័យកីឡា- វី សេរីចាន់ឌីន អ្នកប្រដាល់ក្លិបខ្លារខិនមានរិទ្ធ-ហ៊ឹម សារ៉ាន់ អ្នកប្រដាល់សមាគមកីឡាក្រសួងការពារជាតិ-ឯម វិចិត្រ អ្នកប្រដាល់ក្លិបឫទ្ធីពោធិសែនជ័យ-សល់ ប៊ុនហ៊ូវ អ្នកប្រដាល់ក្លិបកុសលកីឡា-ពុទ្ធផន កុសល អ្នកប្រដាល់ក្លិបពុទ្ធសេរីវង្សកីឡា-ផង់ សុភ័ស្ស អ្នកប្រដាល់ក្លិបរាជសីហ៍ខេត្តរតនគិរី និងភុស សោភ័ណ្ឌ អ្នកប្រដាល់ក្លិបនាគរាជមានជ័យ។
ការប្រកួតជម្រុះវិលជុំនេះ អ្នកប្រដាល់ទាំង៨នាក់នេះ ត្រូវជួបគ្នាទាំងអស់ គឺក្នុងម្នាក់ៗត្រូវប្រកួត៧ប្រកួត ដោយអ្នកដែលមានពិន្ទុច្រើនជាងគេ ពីលេខ១ ដល់លេខ៤ នឹងត្រូវបានឡើងទៅប្រកួតបន្តវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ។
ធា នុរាជ និង វី សេរីចាន់ឌីន មិនដែលជួបគ្នាទេកន្លងមក។ រវាងពួកគេទាំងពីរប៉ះគ្នាថ្ងៃដំបូងនេះ បើតាមការកត់សម្គាល់ពីសមត្ថភាពឡើងប្រកួតកន្លងមកនោះ គឺ វីសេរីចាន់ឌីន មិនអាចឈ្នះ ធា នុរាជ នោះឡើយ។ មុនជួបគ្នានេះ ធា នុរាជ វាយចាញ់អ្នកប្រដាល់ថៃ Kao Phong Chai Phum ដោយពិន្ទុ រីឯវី សេរីចាន់ឌីន គេវាយឈ្នះ សេក ណារ៉ាក់ អ្នកប្រដាល់ក្លិបអង្គរមានជ័យដោយពិន្ទុ។
ចំណែក ហ៊ឹម សារ៉ាន់ និង ឯម វិចិត្រ បើទោះបីជា សារ៉ាន់ វាយរាងខ្លាំងក៏ដោយ ក៏មិនប្រាកដថាឈ្នះ វិចិត្រ ដែរ ព្រោះ វិចិត្រ គេមានផ្លែល្អជាង។ តែទោះជាយ៉ាងណា ឯម វិចិត្រ ប្រកួតចុងក្រោយវាយឈ្នះអ្នកប្រដាល់ថៃChheang krai ដោយពិន្ទុ ឯ ហ៊ឹម សារ៉ាន់ ប្រកួតចុងក្រោយ វាយស្មើជាមួយ ផង់ សុភាព អ្នកប្រដាល់ក្លិបកងពលតូចទ័ពឆ័ត្រយោង៩១១។
ព្រឹត្តិការណ៍ប្រកួតដណ្ដើមខ្សែក្រវាត់Leo វគ្គ២ ទម្ងន់៦៧គ.ក្រនេះ អ្នកដែលទទួលបានលេខ១ នឹងបានរង្វាន់ជាទឹកប្រាក់សុទ្ធចំនួន២,៥០០ដុល្លារអាម៉េរិក និងបានប្រាក់ខែ៣ខែ ក្នុងមួយខែ១៥០ ដុល្លារអាមេរិក។
ឆាយ មាស អ្នកប្រដាល់ក្លិបសំរោងកោងខេត្តបាត់ដំបង នឹងត្រូវជួបប្រកួតជាមួយ គង់ សំបូរ អ្នកប្រដាល់ក្លិបបូរីរាជសីហ៍មានរិទ្ធ ៖
ពីរនាក់នេះ មិនធ្លាប់ប៉ះគ្នាទេកាលពីពេលកន្លងមក។ តាមពិតរវាងអ្នកប្រដាល់ទាំងពីរនេះ បើគិតពីប្រវត្តិប្រកួតនោះ គង់ សំបូរ មិនដល់ ឆាយ មាសទេ ដោយ ឆាយ មាស គេឡើងប្រកួតជាង៧០ដងឯណោះ ខណៈដែល គង់ សំបូរ គេឡើងប្រកួតបានជាងពាក់កណ្ដាលនឹង ឆាយ មាសប៉ុណ្ណោះ។ តែបើមើលពីការសម្បទាវិញ ឆាយ មាស ចាស់ជាង គង់ សំបូរ។
គង់ សំបូរ គេជាជើងខ្លាំងស្រករក្រោយមួយរូបដែរ។ គេមានស្នៀតប្រដាល់ល្អ និងខ្លាំង ហើយក៏មិនមាននរណាងាយយកឈ្នះលើរូបគេបាននោះដែរក្នុងប្រភេទទម្ងន់ដូចគ្នានោះ។ ការប្រកួតចុងក្រោយ សំបូរ បានវាយចាញ់អ្នកប្រដាល់ថៃ(Chhou Chhai) ក្នុងទឹកទី៥។
ឆាយ មាស យ៉ាប់តែមួយមុខទេ គឺកម្លាំងស៊ុហ្វឆាប់ធ្លាក់ ដែលធ្វើឲ្យការប្រកួតរបស់គេធ្លាក់ចុះនៅចុងទឹកនោះ។ ការប្រកួតលើកចុងក្រោយនេះ ឆាយ មាស វាយចាញ់ ង៉ែត្រ រដ្ឋា អ្នកប្រដាល់ក្លិបតាព្រហ្មមានជ័យដោយពិន្ទុ។
សម្រាប់ការឡើងប្រកួតលើកនេះ ឆាយ មាស តាមមើលក៏ប្រហែលជាមិនអាចឈ្នះ សំបូរបានដែរ ព្រោះថា សំបូរ គេមានផ្លែល្អជាង និងស៊ុហ្វខ្លាំងជាង។ ចាំមើល តើ ឆាយ មាស អាចតស៊ូជាមួយ គង់ សំបូរ បានឬអត់?៕
សម្រាប់ថ្ងៃជម្រុះដំបូងនេះ មានចំនួន២គូ ដែលជាការប្រកួតរវាង ធានុរាជ អ្នកប្រដាល់ក្លិបពោធិជ័យកីឡា និង វី សេរីចាន់ឌីន អ្នកប្រដាល់ក្លិបខ្លារខិនមានរិទ្ធ និងមួយគូទៀត ជាការជួបគ្នារវាងហ៊ឹម សារ៉ាន់ អ្នកប្រដាល់សមាគមកីឡាក្រសួងការពារជាតិ និង ឯម វិចិត្រ អ្នកប្រដាល់ក្លិបឫទ្ធីពោធិសែនជ័យ។
ព្រឹត្តិការណ៍ប្រកួតប្រដាល់ដណ្ដើមខ្សែក្រវាត់Leo វគ្គ២ មានអ្នកប្រដាល់ចំនួន៨រូបដែលត្រូវធ្វើការប្រកួតជំរុះវិលជុំសន្សំពិន្ទុ រួមមាន ធានុរាជ អ្នកប្រដាល់ក្លិបពោធិជ័យកីឡា- វី សេរីចាន់ឌីន អ្នកប្រដាល់ក្លិបខ្លារខិនមានរិទ្ធ-ហ៊ឹម សារ៉ាន់ អ្នកប្រដាល់សមាគមកីឡាក្រសួងការពារជាតិ-ឯម វិចិត្រ អ្នកប្រដាល់ក្លិបឫទ្ធីពោធិសែនជ័យ-សល់ ប៊ុនហ៊ូវ អ្នកប្រដាល់ក្លិបកុសលកីឡា-ពុទ្ធផន កុសល អ្នកប្រដាល់ក្លិបពុទ្ធសេរីវង្សកីឡា-ផង់ សុភ័ស្ស អ្នកប្រដាល់ក្លិបរាជសីហ៍ខេត្តរតនគិរី និងភុស សោភ័ណ្ឌ អ្នកប្រដាល់ក្លិបនាគរាជមានជ័យ។
ការប្រកួតជម្រុះវិលជុំនេះ អ្នកប្រដាល់ទាំង៨នាក់នេះ ត្រូវជួបគ្នាទាំងអស់ គឺក្នុងម្នាក់ៗត្រូវប្រកួត៧ប្រកួត ដោយអ្នកដែលមានពិន្ទុច្រើនជាងគេ ពីលេខ១ ដល់លេខ៤ នឹងត្រូវបានឡើងទៅប្រកួតបន្តវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រ។
ធា នុរាជ និង វី សេរីចាន់ឌីន មិនដែលជួបគ្នាទេកន្លងមក។ រវាងពួកគេទាំងពីរប៉ះគ្នាថ្ងៃដំបូងនេះ បើតាមការកត់សម្គាល់ពីសមត្ថភាពឡើងប្រកួតកន្លងមកនោះ គឺ វីសេរីចាន់ឌីន មិនអាចឈ្នះ ធា នុរាជ នោះឡើយ។ មុនជួបគ្នានេះ ធា នុរាជ វាយចាញ់អ្នកប្រដាល់ថៃ Kao Phong Chai Phum ដោយពិន្ទុ រីឯវី សេរីចាន់ឌីន គេវាយឈ្នះ សេក ណារ៉ាក់ អ្នកប្រដាល់ក្លិបអង្គរមានជ័យដោយពិន្ទុ។
ចំណែក ហ៊ឹម សារ៉ាន់ និង ឯម វិចិត្រ បើទោះបីជា សារ៉ាន់ វាយរាងខ្លាំងក៏ដោយ ក៏មិនប្រាកដថាឈ្នះ វិចិត្រ ដែរ ព្រោះ វិចិត្រ គេមានផ្លែល្អជាង។ តែទោះជាយ៉ាងណា ឯម វិចិត្រ ប្រកួតចុងក្រោយវាយឈ្នះអ្នកប្រដាល់ថៃChheang krai ដោយពិន្ទុ ឯ ហ៊ឹម សារ៉ាន់ ប្រកួតចុងក្រោយ វាយស្មើជាមួយ ផង់ សុភាព អ្នកប្រដាល់ក្លិបកងពលតូចទ័ពឆ័ត្រយោង៩១១។
ព្រឹត្តិការណ៍ប្រកួតដណ្ដើមខ្សែក្រវាត់Leo វគ្គ២ ទម្ងន់៦៧គ.ក្រនេះ អ្នកដែលទទួលបានលេខ១ នឹងបានរង្វាន់ជាទឹកប្រាក់សុទ្ធចំនួន២,៥០០ដុល្លារអាម៉េរិក និងបានប្រាក់ខែ៣ខែ ក្នុងមួយខែ១៥០ ដុល្លារអាមេរិក។
ឆាយ មាស អ្នកប្រដាល់ក្លិបសំរោងកោងខេត្តបាត់ដំបង នឹងត្រូវជួបប្រកួតជាមួយ គង់ សំបូរ អ្នកប្រដាល់ក្លិបបូរីរាជសីហ៍មានរិទ្ធ ៖
ពីរនាក់នេះ មិនធ្លាប់ប៉ះគ្នាទេកាលពីពេលកន្លងមក។ តាមពិតរវាងអ្នកប្រដាល់ទាំងពីរនេះ បើគិតពីប្រវត្តិប្រកួតនោះ គង់ សំបូរ មិនដល់ ឆាយ មាសទេ ដោយ ឆាយ មាស គេឡើងប្រកួតជាង៧០ដងឯណោះ ខណៈដែល គង់ សំបូរ គេឡើងប្រកួតបានជាងពាក់កណ្ដាលនឹង ឆាយ មាសប៉ុណ្ណោះ។ តែបើមើលពីការសម្បទាវិញ ឆាយ មាស ចាស់ជាង គង់ សំបូរ។
គង់ សំបូរ គេជាជើងខ្លាំងស្រករក្រោយមួយរូបដែរ។ គេមានស្នៀតប្រដាល់ល្អ និងខ្លាំង ហើយក៏មិនមាននរណាងាយយកឈ្នះលើរូបគេបាននោះដែរក្នុងប្រភេទទម្ងន់ដូចគ្នានោះ។ ការប្រកួតចុងក្រោយ សំបូរ បានវាយចាញ់អ្នកប្រដាល់ថៃ(Chhou Chhai) ក្នុងទឹកទី៥។
ឆាយ មាស យ៉ាប់តែមួយមុខទេ គឺកម្លាំងស៊ុហ្វឆាប់ធ្លាក់ ដែលធ្វើឲ្យការប្រកួតរបស់គេធ្លាក់ចុះនៅចុងទឹកនោះ។ ការប្រកួតលើកចុងក្រោយនេះ ឆាយ មាស វាយចាញ់ ង៉ែត្រ រដ្ឋា អ្នកប្រដាល់ក្លិបតាព្រហ្មមានជ័យដោយពិន្ទុ។
សម្រាប់ការឡើងប្រកួតលើកនេះ ឆាយ មាស តាមមើលក៏ប្រហែលជាមិនអាចឈ្នះ សំបូរបានដែរ ព្រោះថា សំបូរ គេមានផ្លែល្អជាង និងស៊ុហ្វខ្លាំងជាង។ ចាំមើល តើ ឆាយ មាស អាចតស៊ូជាមួយ គង់ សំបូរ បានឬអត់?៕
Post a Comment