U-18 Chonburi ឈ្នះពាន RSN Youth Cup 2015 នៅកីឡដ្ឋាន RSN របស់ភ្នំពេញក្រោន

ក្រុមបាល់ទាត់យុវជនមកពីប្រទេសថៃ U-18 Chonburi បានឈ្នះពានរង្វាន់យុវជនអន្តរជាតិ RSN Youth Cup កាលពីម្សិលមិញនៅកីឡដ្ឋាន RSN Stadium របស់ក្លិបបាល់ទាត់ភ្នំពេញក្រោន។

ការប្រកួតនេះគឺប្រកួតលក្ខណៈវិលជុំដើម្បីសន្សំពិន្ទុស្វែងរកជើងឯក ដោយក្រុមបាល់ទាត់ U-18 Chonburi ប្រកួតបីប្រកួត ឈ្នះ២ ស្មើ ១ មាន ៧ ពិន្ទុ។ បីប្រកួតរបស់ក្រុមនេះ គឺឈ្នះ U-18 Muangthong Utd ៥-១, ស្មើ U-18 ភ្នំពេញក្រោន ០-០ និងឈ្នះ Frenz Unted ៤-១ ។

ចំណែកចំណាត់ថ្នាក់លេខ ២ បានមកលើក្រុម U-18 Frenz United មាន៤ ពិន្ទុ ក្រោយឈ្នះ ១ ចាញ់ ១ និងស្មើ ១ គឺស្មើ U-18 ភ្នំពេញក្រោន ០-០, ឈ្នះ U -18 Muangthong Utd ៣-១ និងចាញ់ក្រុម U-18 Chonburi ១-៤។ សម្រាប់លេខ៣ បានទៅលើម្ចាស់ផ្ទះ U-18 ភ្នំពេញក្រោន ដោយប្រកួត បីប្រកួត ស្មើទាំង បីប្រកួតគឺស្មើ Frenz Unted ០-០, ស្មើ Chonburi ០-០ និងស្មើ Muangthong Utd ១-១ ។ ចំពោះលេខ ៤បានមកក្រុម U-18 Muangthong Utd ដោយប្រកួតបីប្រកួតមាន ១ ពិន្ទុ ក្នុងនោះស្មើ១ ចាញ់ ២ ។

ពានរង្វាន់នេះជាការបង្កើតឡើងរបស់ក្រុមបាល់ទាត់ ភ្នំពេញក្រោន ក្នុងគោលបំណងប្រមូលថវិកាពីការលក់សំបុត្រជូនដល់មន្ទីរពេទ្យគន្ធបុប្ផា ក៏ដូចជាត្រៀមខ្លួនប្រកួតពានរង្វាន់ថ្នាក់តំបន់នាពេលខាងមុខ៕