អ្នកប្រដាល់ថៃ៥រូប ដែលឆ្លងដែនមកវាយជាមួយអ្នកប្រដាល់កម្ពុជា នៅលើសង្វៀន SEA-TV កាលពីអាទិត្យថ្ងៃទី៧មិថុនា២០១៥នោះ មានម្នាក់ប៉ុណ្ណោះដែលឈ្នះហើយម្នាក់ទៀតស្មើ និង៣នាក់ចាញ់អ្នកប្រដាល់កម្ពុជាយើង។
អ្នកប្រដាល់ថៃដែលវាយឈ្នះនោះ គឺ Pheat Serik ដោយបានវាយឈ្នះអ្នកប្រដាល់ពុទ្ធ ឆាយរិទ្ធី ក្លិបពុទ្ធសេរីវង្សកីឡាដោយពិន្ទុដាច់តែម្តង បន្ទាប់ពីប្រកួតប្រាំទឹកពេញនោះ។ ស្ថានភាពប្រកួតពេលនោះ រិទ្ធីដែលខ្ពស់ជាងនោះ ខំវាយសម្រុកទាំងកម្រោលលើអ្នកប្រដាល់ថៃ Pheat Serik តែបន្ទាប់ពីឆ្លងកាត់បាន ២ ទឹក គេមិនអាចផ្ដួលអ្នកប្រដាល់ថៃបាននោះ ឆាយរិទ្ធីចាប់ផ្តើមស្រុតកម្លាំង ហើយដកថយ និង ការពារវិញម្ដង។
ផ្ទុយពី Pheat Serik ដែលសម្រុកចូលតាំងពីទឹកទី ១ ដល់ទឹកទី ៥ ហើយទីបំផុតគេជាអ្នកឈ្នះពិន្ទុពុទ្ធ ឆាយរិទ្ធី។ រឿម វណ្ណៈ អ្នកប្រដាល់សមាគមកីឡាប្រដាល់ក្រសួងការពារជាតិ ប្រកួតឈ្នះអ្នកប្រដាល់ថៃ Yort Yuth ដោយពិន្ទុទាំងត្រដាបត្រដួស។
ពីរទឹកដំបូង ជាឱកាសរបស់វណ្ណៈគេបានបញ្ចេញសន្ទុះជើងទាត់ទៅលើអ្នកប្រដាល់ថៃយ៉ាងខ្លាំងនិងញាប់រន្ថើន តែបន្ទាប់ពីទឹកទី ៣ទៅYort Yuthជាអ្នកដេញវាយរឿម វណ្ណះ វិញ ធ្វើឲ្យវណ្ណះដកថយ និង ការពារវិញ។ ប្រកួតចប់ទឹកទី ៥ រឿម វណ្ណៈឈ្នះពិន្ទុ Yort Yuth ដែលនេះជាជ័យជំនះទាំងលំបាក។ បើកុំតែបាន ២ ទឹកដំបូងយោងនោះ វណ្ណៈប្រហែលជាមិនបានត្រូវអាជ្ញាកណ្តាលលើកដៃឈ្នះនោះឡើយ ។
ឯម សុធី អ្នកប្រដាល់ក្លិបឫទ្ធីពោធិ៍សែនជ័យ ប្រកួតស្មើពិន្ទុជាមួយអ្នកប្រដាល់ថៃ KHAM បន្ទាប់ពីពួកគេតស៊ូជាមួយគ្នា ៥ ទឹកពេញនោះ។ អ្នកប្រដាល់ទាំង ២ រូបនេះ ប្រកួតគ្នាល្អមើល គឺវាយគ្នាសងទៅសងមកយ៉ាងជក់ចិត្ត មិនតែប៉ុណ្ណោះពួកគេហាក់ដូចជាមានប្រៀបលើគ្នាម្ដងម្នាក់ ។ដោយសារតែវាយទៅវាយមកបែបនេះ ទើបបន្ទាប់ពីប្រកួតគ្នាចប់ ៥ ទឹក លទ្ធផលគឺស្មើគ្នា។
ចំពោះអ្នកប្រដាល់សុខ ធី មកពីក្លិបក្រុងប៉ោយប៉ែត បានយកឈ្នះអ្នកប្រដាល់ថៃKhum Lek ដោយពិន្ទុ ក្នុងកម្មវិធីប្រដាល់Black Cat។ ពីរនាក់នេះ វាយគ្នាទៅវិញទៅមកពេញទាំង៥ទឹក តែដោយសុខ ធី គេវាយចូល ត្រូវចំគោលដៅច្រើនជាង ទើបបានទទួលជ័យជំនះដោយពិន្ទុនេះ ។
អ្នកប្រដាល់វ័យក្មេង សុខ ធី ដែលជាកូនសិស្សអតីតជើងខ្លាំងជាយដែនសាន សៅយ៉ាន់ ក្លិបក្រុងប៉ោយប៉ែតនេះ មានកំណត់ត្រាប្រកួតចំនួន ៧៥ លើក ឈ្នះ៦៨លើក ចាញ់០៧លើក និងមិនដែលស្មើ គឺលើសKhum Lekដែលប្រកួតបាន៤៦លើក ឈ្នះ៤២លើក ចាញ់០៣លើក និងស្មើ០១លើក។ Khumlek នេះ គេធ្លាប់មកប្រកួតនៅស្រុកខ្មែរម្តងហើយលើសង្វៀនSEA-TVនេះ ដោយត្រូវអ្នកប្រដាល់កម្ពុជាម៉ន វិរះ ក្លិបការិយាល័យទី៥ កងទ័ពជើងគោក វាយអោយសន្លប់ក្នុងទឹកទី២ កាលពីថ្ងៃទី១២មេសា២០១៥ ។ឥឡូវមកចាញ់សុខ ធី ដោយពិន្ទុទៀត។
ចំពោះ អ៊ុង វិរះ អ្នកប្រដាល់ជើងខ្លាំងនៃក្លិបកងពលតូចទ័ពឆ័ត្រយោង៩១១ ក៏បានវាយឈ្នះអ្នកប្រដាល់ថៃEntrey Thang ដោយពិន្ទុដែរ ក្រោយប្រកួតគ្នាប្រាំទឹកពេញនោះ។ វិរះ លើកនេះ ប៉ះចំជើងខ្លាំង ដោយ Entrey Thang នេះ មិនត្រឹមតែខ្ពស់ទេ គឺមានកំណត់ត្រាប្រកួតច្រើនគួរសមដែរ គឺ ៩៨ លើក ឈ្នះ៨៤លើក ចាញ់១២លើក និង ស្មើ០២លើក ហើយថែមទាំងធ្លាប់ផ្តួលដៃគូប្រកួតអោយសន្លប់ជាច្រើនដងថែមទៀត។
នៅក្នុងទឹកទី៣ វិរះធ្វេសប្រហែស ធ្វើឲ្យអ្នកប្រដាល់ថៃរូបនោះ ធាក់ត្រូវមុខ មួយជើងសឹងតែដាច់ផ្ងារក្រោយ ប៉ុន្តែយ៉ាងណាមិនបានធ្វើឲ្យអ៊ុង វិរះ ខ្លាចនោះឡើយ។ ជាការសងសឹកវិញ វិរះ ក្នុងទឹកទី៤បានប្រើជង្គង់ហោះបុក Entrey Thang វិញ បណ្តាលឲ្យដួលលើរេញត្រូវអាជ្ញាកណ្តាលរាប់ដល់៨ហើយក្នុងទឹក៥ បានដាល់ត្រូវមុខ Entrey Thangពេញៗថែមទៀត។ បញ្ចប់ការប្រកួត អ៊ុង វិរះ ឈ្នះ Entrey Thangដោយពិន្ទុ។
*សោភ័ណ្ឌឈ្នះលឿងរ៉ា សង្ឃឹមឈ្នះគង់រាជ
តក់ សោភ័ណ្ឌ អ្នកប្រដាល់ក្លិបម្កុដរាជសីហ៍ ប្រកួតឈ្នះអ្នកប្រដាល់ឡុង លឿងរ៉ា ក្លិបខ្លារខិនមានរិទ្ធដោយពិន្ទុ ក្នុងការជួបគ្នាក្នុងកម្មវិធីប្រដាល់ស្រាបៀរកម្ពុជា។ តក់ សោភ័ណ្ឌ ឥឡូវនេះមិននៅក្នុងក្លិបអេភូថងកីឡាទៀតនោះទេ គឺបានមកនៅក្លិបម្កុដរាជសីហ៍វិញហើយ។ សម្រាប់ការជួបជាមួយឡុង លឿងរ៉ានេះ តក់ សោភ័ណ្ឌឈ្នះដោយវេទនាដែរទេ។
ឡុង លឿងរ៉ា ក្នុងទឹកទី៤ត្រូវសោភ័ណ្ឌវាយកែងត្រូវ បណ្តាលឲ្យបែកឈាមចុងភ្នែកឆ្វេង តែពុំបានរំខានដល់ការប្រកួតរបស់លឿងរ៉ានោះទេ គឺរឹតតែសម្រុកវាយសោភ័ណ្ឌថែមទៀត ។ ដោយសារតែការសម្រុកចូលរបស់លឿងរ៉ា ហាក់ដូចជាចូលទៅឲ្យសោភ័ណ្ឌវាយនោះ ទើបក្រោយបញ្ចប់ការប្រកួត លឿងរ៉ាចាញ់ពិន្ទុបែបនេះ។
ឆាយ ម៉េត អ្នកប្រដាល់ក្លិបសំរោងកោងខេត្តបាត់ដំបង ឡើងសងសឹកគឿម សុវណ្ណនឿត អ្នកប្រដាល់ក្លិបឃ្លាំងមឿងខេត្តពោធិ៍សាត់ មិនបានសម្រេចនោះឡើយ ។ ពួកគេពីរនាក់នេះ វាយខ្លាំងដូចគ្នា គ្រាន់តែសុវណ្ណនឿតគេវាយត្រូវចំគោលដៅល្អជាង ។ ដូច្នេះហើយ បន្ទាប់ពីវាយគ្នាចប់ប្រាំទឹកនោះ ឆាយ ម៉េត ចាញ់សុវណ្ណនឿតដោយពិន្ទុម្តងទៀត ។ បឺត សង្ឃឹម អ្នកប្រដាល់ក្លិបរ៉ាហាប់ស្វាយប៉ាក បានវាយឈ្នះចាន់ គង់រាជ អ្នកប្រដាល់ក្លិបតាព្រហ្មមានជ័យដោយពិន្ទុដែរ។
*ឱម សំរេច និង ថុល មករា ជ្រុះធ្លាក់ពីការប្រកួត
ព្រឹត្តិការណ៍ K-Cement ទម្ងន់៦០គីឡូក្រាមលើសង្វៀន SEA-TV កាលពីនារសៀលថ្ងៃទី៦មិថុនាបានបញ្ចប់ការប្រកួតជុំទី ២ ហើយ ហើយក៏រកឃើញអ្នកដែលត្រូវឡើងទៅប្រកួតនៅជុំទី ៣ និងអ្នកដែលជ្រុះធ្លាក់ចេញពីការប្រកួតដែរ។
មាស ច័ន្ទមាន សមាគមប្រដាល់ក្រសួងការពារជាតិ បានប្រកួតឈ្នះអ្នកប្រដាល់ឱម សំរេច ក្លិបកងពលតូចទ័ពឆ័ត្រយោង៩១១ដោយពិន្ទុក្នុងការប្រកួតលើកចុងក្រោយនេះ ។ ការបរាជ័យនេះធ្វើឲ្យ ៥ប្រកួតរបស់សម្រេចក្នុងជុំទី ២ចាញ់ទាំង ៥ ប្រកួតគឺត្រូវហាលអាវជាស្ថាពរ ។ ចំពោះច័ន្ទមាន ៥ ប្រកួតឈ្នះ ២ ប្រកួតចាញ់ ៣ ប្រកួតនោះបានឡើងទៅប្រកួតនៅជុំទី ៣ទាំងត្រដាបត្រដួសដោយឈរក្នុងតំណែងលេខ ៤ ។
លាស់ យីន ក្លិបសម្រែករាជសីហ៍បង្ក្រាបគ្រឿងញៀន វាយចាញ់សូត្រ ប៊ុនធីក្លិបបក្សីស្លាបដែកនៅទឹកទី ២បន្ទាប់ពីប៊ុនធីអុកនឹងជង្គង់ចំមុខ និងទាត់ចំ ក នោះ ។ លាស់ យីន ៥ ប្រកួតឈ្នះ ៣ ប្រកួតចាញ់ ២ ប្រកួតបានឡើងប្រកួតបន្តនៅជុំទី ៣ក្នុងតំណែងលេខ ៣ ឯប៊ុនធី ៥ ប្រកួតឈ្នះ ៤ ប្រកួតចាញ់ ១ ប្រកួតបានឡើងលេងបន្តជុំទី ៣ក្នុងតំណែងលេខ ២ ។
ឃីម បូរ៉ាក្លិបរស្មីភូមិគាបខេត្តបន្ទាយមានជ័យប្រកួតឈ្នះថុល មករាក្លិបឃ្លាំងមឿងកីឡាដោយពិន្ទុ ។ ជាមួយនឹងជ័យជំនះនេះធ្វើឲ្យ៥ ប្រកួតរបស់បូរ៉ាក្នុងជុំទី ២ ឈ្នះទាំង ៥ ប្រកួតឈរនៅតំណែងលេខ ១ ។ ចំពោះថុល មករា ជ្រុះធ្លាក់ចេញពីការប្រកួតហើយដោយ៥ ប្រកួតឈ្នះ ១ ប្រកួតចាញ់៤ប្រកួតនោះ៕
អ្នកប្រដាល់ថៃដែលវាយឈ្នះនោះ គឺ Pheat Serik ដោយបានវាយឈ្នះអ្នកប្រដាល់ពុទ្ធ ឆាយរិទ្ធី ក្លិបពុទ្ធសេរីវង្សកីឡាដោយពិន្ទុដាច់តែម្តង បន្ទាប់ពីប្រកួតប្រាំទឹកពេញនោះ។ ស្ថានភាពប្រកួតពេលនោះ រិទ្ធីដែលខ្ពស់ជាងនោះ ខំវាយសម្រុកទាំងកម្រោលលើអ្នកប្រដាល់ថៃ Pheat Serik តែបន្ទាប់ពីឆ្លងកាត់បាន ២ ទឹក គេមិនអាចផ្ដួលអ្នកប្រដាល់ថៃបាននោះ ឆាយរិទ្ធីចាប់ផ្តើមស្រុតកម្លាំង ហើយដកថយ និង ការពារវិញម្ដង។
ផ្ទុយពី Pheat Serik ដែលសម្រុកចូលតាំងពីទឹកទី ១ ដល់ទឹកទី ៥ ហើយទីបំផុតគេជាអ្នកឈ្នះពិន្ទុពុទ្ធ ឆាយរិទ្ធី។ រឿម វណ្ណៈ អ្នកប្រដាល់សមាគមកីឡាប្រដាល់ក្រសួងការពារជាតិ ប្រកួតឈ្នះអ្នកប្រដាល់ថៃ Yort Yuth ដោយពិន្ទុទាំងត្រដាបត្រដួស។
ពីរទឹកដំបូង ជាឱកាសរបស់វណ្ណៈគេបានបញ្ចេញសន្ទុះជើងទាត់ទៅលើអ្នកប្រដាល់ថៃយ៉ាងខ្លាំងនិងញាប់រន្ថើន តែបន្ទាប់ពីទឹកទី ៣ទៅYort Yuthជាអ្នកដេញវាយរឿម វណ្ណះ វិញ ធ្វើឲ្យវណ្ណះដកថយ និង ការពារវិញ។ ប្រកួតចប់ទឹកទី ៥ រឿម វណ្ណៈឈ្នះពិន្ទុ Yort Yuth ដែលនេះជាជ័យជំនះទាំងលំបាក។ បើកុំតែបាន ២ ទឹកដំបូងយោងនោះ វណ្ណៈប្រហែលជាមិនបានត្រូវអាជ្ញាកណ្តាលលើកដៃឈ្នះនោះឡើយ ។
ឯម សុធី អ្នកប្រដាល់ក្លិបឫទ្ធីពោធិ៍សែនជ័យ ប្រកួតស្មើពិន្ទុជាមួយអ្នកប្រដាល់ថៃ KHAM បន្ទាប់ពីពួកគេតស៊ូជាមួយគ្នា ៥ ទឹកពេញនោះ។ អ្នកប្រដាល់ទាំង ២ រូបនេះ ប្រកួតគ្នាល្អមើល គឺវាយគ្នាសងទៅសងមកយ៉ាងជក់ចិត្ត មិនតែប៉ុណ្ណោះពួកគេហាក់ដូចជាមានប្រៀបលើគ្នាម្ដងម្នាក់ ។ដោយសារតែវាយទៅវាយមកបែបនេះ ទើបបន្ទាប់ពីប្រកួតគ្នាចប់ ៥ ទឹក លទ្ធផលគឺស្មើគ្នា។
ចំពោះអ្នកប្រដាល់សុខ ធី មកពីក្លិបក្រុងប៉ោយប៉ែត បានយកឈ្នះអ្នកប្រដាល់ថៃKhum Lek ដោយពិន្ទុ ក្នុងកម្មវិធីប្រដាល់Black Cat។ ពីរនាក់នេះ វាយគ្នាទៅវិញទៅមកពេញទាំង៥ទឹក តែដោយសុខ ធី គេវាយចូល ត្រូវចំគោលដៅច្រើនជាង ទើបបានទទួលជ័យជំនះដោយពិន្ទុនេះ ។
អ្នកប្រដាល់វ័យក្មេង សុខ ធី ដែលជាកូនសិស្សអតីតជើងខ្លាំងជាយដែនសាន សៅយ៉ាន់ ក្លិបក្រុងប៉ោយប៉ែតនេះ មានកំណត់ត្រាប្រកួតចំនួន ៧៥ លើក ឈ្នះ៦៨លើក ចាញ់០៧លើក និងមិនដែលស្មើ គឺលើសKhum Lekដែលប្រកួតបាន៤៦លើក ឈ្នះ៤២លើក ចាញ់០៣លើក និងស្មើ០១លើក។ Khumlek នេះ គេធ្លាប់មកប្រកួតនៅស្រុកខ្មែរម្តងហើយលើសង្វៀនSEA-TVនេះ ដោយត្រូវអ្នកប្រដាល់កម្ពុជាម៉ន វិរះ ក្លិបការិយាល័យទី៥ កងទ័ពជើងគោក វាយអោយសន្លប់ក្នុងទឹកទី២ កាលពីថ្ងៃទី១២មេសា២០១៥ ។ឥឡូវមកចាញ់សុខ ធី ដោយពិន្ទុទៀត។
ចំពោះ អ៊ុង វិរះ អ្នកប្រដាល់ជើងខ្លាំងនៃក្លិបកងពលតូចទ័ពឆ័ត្រយោង៩១១ ក៏បានវាយឈ្នះអ្នកប្រដាល់ថៃEntrey Thang ដោយពិន្ទុដែរ ក្រោយប្រកួតគ្នាប្រាំទឹកពេញនោះ។ វិរះ លើកនេះ ប៉ះចំជើងខ្លាំង ដោយ Entrey Thang នេះ មិនត្រឹមតែខ្ពស់ទេ គឺមានកំណត់ត្រាប្រកួតច្រើនគួរសមដែរ គឺ ៩៨ លើក ឈ្នះ៨៤លើក ចាញ់១២លើក និង ស្មើ០២លើក ហើយថែមទាំងធ្លាប់ផ្តួលដៃគូប្រកួតអោយសន្លប់ជាច្រើនដងថែមទៀត។
នៅក្នុងទឹកទី៣ វិរះធ្វេសប្រហែស ធ្វើឲ្យអ្នកប្រដាល់ថៃរូបនោះ ធាក់ត្រូវមុខ មួយជើងសឹងតែដាច់ផ្ងារក្រោយ ប៉ុន្តែយ៉ាងណាមិនបានធ្វើឲ្យអ៊ុង វិរះ ខ្លាចនោះឡើយ។ ជាការសងសឹកវិញ វិរះ ក្នុងទឹកទី៤បានប្រើជង្គង់ហោះបុក Entrey Thang វិញ បណ្តាលឲ្យដួលលើរេញត្រូវអាជ្ញាកណ្តាលរាប់ដល់៨ហើយក្នុងទឹក៥ បានដាល់ត្រូវមុខ Entrey Thangពេញៗថែមទៀត។ បញ្ចប់ការប្រកួត អ៊ុង វិរះ ឈ្នះ Entrey Thangដោយពិន្ទុ។
*សោភ័ណ្ឌឈ្នះលឿងរ៉ា សង្ឃឹមឈ្នះគង់រាជ
តក់ សោភ័ណ្ឌ អ្នកប្រដាល់ក្លិបម្កុដរាជសីហ៍ ប្រកួតឈ្នះអ្នកប្រដាល់ឡុង លឿងរ៉ា ក្លិបខ្លារខិនមានរិទ្ធដោយពិន្ទុ ក្នុងការជួបគ្នាក្នុងកម្មវិធីប្រដាល់ស្រាបៀរកម្ពុជា។ តក់ សោភ័ណ្ឌ ឥឡូវនេះមិននៅក្នុងក្លិបអេភូថងកីឡាទៀតនោះទេ គឺបានមកនៅក្លិបម្កុដរាជសីហ៍វិញហើយ។ សម្រាប់ការជួបជាមួយឡុង លឿងរ៉ានេះ តក់ សោភ័ណ្ឌឈ្នះដោយវេទនាដែរទេ។
ឡុង លឿងរ៉ា ក្នុងទឹកទី៤ត្រូវសោភ័ណ្ឌវាយកែងត្រូវ បណ្តាលឲ្យបែកឈាមចុងភ្នែកឆ្វេង តែពុំបានរំខានដល់ការប្រកួតរបស់លឿងរ៉ានោះទេ គឺរឹតតែសម្រុកវាយសោភ័ណ្ឌថែមទៀត ។ ដោយសារតែការសម្រុកចូលរបស់លឿងរ៉ា ហាក់ដូចជាចូលទៅឲ្យសោភ័ណ្ឌវាយនោះ ទើបក្រោយបញ្ចប់ការប្រកួត លឿងរ៉ាចាញ់ពិន្ទុបែបនេះ។
ឆាយ ម៉េត អ្នកប្រដាល់ក្លិបសំរោងកោងខេត្តបាត់ដំបង ឡើងសងសឹកគឿម សុវណ្ណនឿត អ្នកប្រដាល់ក្លិបឃ្លាំងមឿងខេត្តពោធិ៍សាត់ មិនបានសម្រេចនោះឡើយ ។ ពួកគេពីរនាក់នេះ វាយខ្លាំងដូចគ្នា គ្រាន់តែសុវណ្ណនឿតគេវាយត្រូវចំគោលដៅល្អជាង ។ ដូច្នេះហើយ បន្ទាប់ពីវាយគ្នាចប់ប្រាំទឹកនោះ ឆាយ ម៉េត ចាញ់សុវណ្ណនឿតដោយពិន្ទុម្តងទៀត ។ បឺត សង្ឃឹម អ្នកប្រដាល់ក្លិបរ៉ាហាប់ស្វាយប៉ាក បានវាយឈ្នះចាន់ គង់រាជ អ្នកប្រដាល់ក្លិបតាព្រហ្មមានជ័យដោយពិន្ទុដែរ។
*ឱម សំរេច និង ថុល មករា ជ្រុះធ្លាក់ពីការប្រកួត
ព្រឹត្តិការណ៍ K-Cement ទម្ងន់៦០គីឡូក្រាមលើសង្វៀន SEA-TV កាលពីនារសៀលថ្ងៃទី៦មិថុនាបានបញ្ចប់ការប្រកួតជុំទី ២ ហើយ ហើយក៏រកឃើញអ្នកដែលត្រូវឡើងទៅប្រកួតនៅជុំទី ៣ និងអ្នកដែលជ្រុះធ្លាក់ចេញពីការប្រកួតដែរ។
មាស ច័ន្ទមាន សមាគមប្រដាល់ក្រសួងការពារជាតិ បានប្រកួតឈ្នះអ្នកប្រដាល់ឱម សំរេច ក្លិបកងពលតូចទ័ពឆ័ត្រយោង៩១១ដោយពិន្ទុក្នុងការប្រកួតលើកចុងក្រោយនេះ ។ ការបរាជ័យនេះធ្វើឲ្យ ៥ប្រកួតរបស់សម្រេចក្នុងជុំទី ២ចាញ់ទាំង ៥ ប្រកួតគឺត្រូវហាលអាវជាស្ថាពរ ។ ចំពោះច័ន្ទមាន ៥ ប្រកួតឈ្នះ ២ ប្រកួតចាញ់ ៣ ប្រកួតនោះបានឡើងទៅប្រកួតនៅជុំទី ៣ទាំងត្រដាបត្រដួសដោយឈរក្នុងតំណែងលេខ ៤ ។
លាស់ យីន ក្លិបសម្រែករាជសីហ៍បង្ក្រាបគ្រឿងញៀន វាយចាញ់សូត្រ ប៊ុនធីក្លិបបក្សីស្លាបដែកនៅទឹកទី ២បន្ទាប់ពីប៊ុនធីអុកនឹងជង្គង់ចំមុខ និងទាត់ចំ ក នោះ ។ លាស់ យីន ៥ ប្រកួតឈ្នះ ៣ ប្រកួតចាញ់ ២ ប្រកួតបានឡើងប្រកួតបន្តនៅជុំទី ៣ក្នុងតំណែងលេខ ៣ ឯប៊ុនធី ៥ ប្រកួតឈ្នះ ៤ ប្រកួតចាញ់ ១ ប្រកួតបានឡើងលេងបន្តជុំទី ៣ក្នុងតំណែងលេខ ២ ។
ឃីម បូរ៉ាក្លិបរស្មីភូមិគាបខេត្តបន្ទាយមានជ័យប្រកួតឈ្នះថុល មករាក្លិបឃ្លាំងមឿងកីឡាដោយពិន្ទុ ។ ជាមួយនឹងជ័យជំនះនេះធ្វើឲ្យ៥ ប្រកួតរបស់បូរ៉ាក្នុងជុំទី ២ ឈ្នះទាំង ៥ ប្រកួតឈរនៅតំណែងលេខ ១ ។ ចំពោះថុល មករា ជ្រុះធ្លាក់ចេញពីការប្រកួតហើយដោយ៥ ប្រកួតឈ្នះ ១ ប្រកួតចាញ់៤ប្រកួតនោះ៕
Post a Comment