ម៉ឺន សុភា អ្នកប្រដាល់ជើងខ្លាំងរបស់កម្ពុជា នៃសមាគមប្រដាល់ក្រសួងការពារជាតិ បានប្រើកណ្ដាប់ដៃផ្ដួលអ្នកប្រដាល់ថៃ Photsaphol Thongplew មុនស្នូរជួងបញ្ចប់ទឹកទី ១ ក្នុងការជួបប្រកួតលើសង្វៀន TV3 នាល្ងាចថ្ងៃទី៧ ខែមិថុនា ឆ្នាំ២០១៥។
Photsaphol Thongplew នេះ គេបញ្ចេញស្នៀតជើងទាត់បានល្អ តែនៅពេលសុភាបញ្ចេញកណ្ដាប់ដៃវាយសង្គ្រប់ចំកណ្ដាលមុខពេញៗប៉ុន្មានដៃនោះ ធ្វើឲ្យអ្នកប្រដាល់ថៃរូបនេះ សន្លប់ក្រោកលែងរួចតែម្ដង។ កណ្តាប់ដៃឆ្វេងរបស់សុភាខ្លាំងណាស់ ឲ្យតែត្រូវហើយ កម្រមានអ្នកប្រដាល់ណាក្រោករួចនោះឡើយ។
ចំពោះ អ្នកប្រដាល់ហុន ឈុនហេង ក្លិបសម្រែករាជសីហ៍បង្ក្រាបគ្រឿងញៀនវិញ គេបានប្រកួតឈ្នះអ្នកប្រដាល់ថៃ Banjong Prombut ដោយពិន្ទុ។ Banjong Prombut អ្នកប្រដាល់ថៃរូបនេះ គេនៅចាំបានថា ធ្លាប់ប្រកួតឈ្នះអ្នកប្រដាល់កម្ពុជា គឺ បាង កាយ៉ាក់ អ្នកប្រដាល់ក្លិបខេត្តកោះកុងដោយពិន្ទុ ប៉ុន្តែពេលជួបជាមួយឈុនហេង គេបែរជាវាយចេញអត់រួចទៅវិញ។ ក្នុងការប្រកួត ៥ ទឹកនោះ ឈុនហេងហាក់ដូចជាមានប្រៀបឈ្នះសឹងតែភាគច្រើន។ ទោះជាយ៉ាងណា បន្ទាប់ពីប្រកួត ៥ ទឹកចប់នោះ ជ័យជំនះធ្លាក់មកក្នុងកណ្ដាប់ដៃហុន ឈុនហេងដោយពិន្ទុ។
ផាន់ សារុន អ្នកប្រដាល់ក្លិបគុជសាកីឡា បានប្រកួតចាញ់អ្នកប្រដាល់ស្រករក្រោយ សោម វិឆ័យ ក្លិបសាលវ័ន្តកីឡាដោយពិន្ទុ ក្រោយពីប្រកួតគ្នាយ៉ាងតឹងតែងពេញប្រាំទឹកនោះ។ សោម វិឆ័យពីដំបូង គេផ្គូអោយជួបជាមួយវៀត ប៊ុនឌឿន អ្នកប្រដាល់សមាគមប្រដាល់ក្រសួងការពារជាតិទេ តែដោយសារគេជាប់មានធុរៈ ទើបប្តូរដាក់ឲ្យ ផាន់ សារុនឡើងប្រកួតជំនួសវិញ។
នូវ ស៊ីថា អ្នកប្រដាល់ក្លិបតាឡីដំរីមានរិទ្ធ បានបំបាក់អ្នកប្រដាល់ប្រាក់ ចាន់ស៊ីន ក្លិបមិត្តប៉ូលិស នៅក្នុងទឹកទី៤។ ប្រាក់ ចាន់ស៊ីន ត្រូវអាជ្ញាកណ្តាលរាប់៨ដល់ទៅ២ដងក្នុងទឹកទី៣ ដោយសារត្រូវនឹងកណ្តាប់ដៃរបស់ស៊ីថា ដាល់ត្រូវមុខផ្ទួនៗនោះ។ នៅទឹកទឹកទី៤ ចាន់ស៊ីន ក៏មិនអាចទប់ទល់ជាមួយកណ្តាប់ដៃរបស់ស៊ីថាបានដែរ ធ្វើឲ្យអាជ្ញាកណ្តាលសម្រេចបញ្ឈប់គេលែងឲ្យប្រកួតតែម្តង ព្រោះគ្មានសមត្ថភាពអាចតតាំងជាមួយប្រាក់ ចាន់ស៊ីនបាននោះឡើយ។
ចំណែក យ៉ាម ឡយ អ្នកប្រដាល់ក្លិបរស្មីកុមារកំព្រា បានវាយឈ្នះឆេង ពន្លក អ្នកប្រដាល់ក្លិបតាព្រហ្មមានជ័យដោយពិន្ទុ បន្ទាប់ពីប្រកួតគ្នា៥ទឹកពេញនោះ៕
Photsaphol Thongplew នេះ គេបញ្ចេញស្នៀតជើងទាត់បានល្អ តែនៅពេលសុភាបញ្ចេញកណ្ដាប់ដៃវាយសង្គ្រប់ចំកណ្ដាលមុខពេញៗប៉ុន្មានដៃនោះ ធ្វើឲ្យអ្នកប្រដាល់ថៃរូបនេះ សន្លប់ក្រោកលែងរួចតែម្ដង។ កណ្តាប់ដៃឆ្វេងរបស់សុភាខ្លាំងណាស់ ឲ្យតែត្រូវហើយ កម្រមានអ្នកប្រដាល់ណាក្រោករួចនោះឡើយ។
ចំពោះ អ្នកប្រដាល់ហុន ឈុនហេង ក្លិបសម្រែករាជសីហ៍បង្ក្រាបគ្រឿងញៀនវិញ គេបានប្រកួតឈ្នះអ្នកប្រដាល់ថៃ Banjong Prombut ដោយពិន្ទុ។ Banjong Prombut អ្នកប្រដាល់ថៃរូបនេះ គេនៅចាំបានថា ធ្លាប់ប្រកួតឈ្នះអ្នកប្រដាល់កម្ពុជា គឺ បាង កាយ៉ាក់ អ្នកប្រដាល់ក្លិបខេត្តកោះកុងដោយពិន្ទុ ប៉ុន្តែពេលជួបជាមួយឈុនហេង គេបែរជាវាយចេញអត់រួចទៅវិញ។ ក្នុងការប្រកួត ៥ ទឹកនោះ ឈុនហេងហាក់ដូចជាមានប្រៀបឈ្នះសឹងតែភាគច្រើន។ ទោះជាយ៉ាងណា បន្ទាប់ពីប្រកួត ៥ ទឹកចប់នោះ ជ័យជំនះធ្លាក់មកក្នុងកណ្ដាប់ដៃហុន ឈុនហេងដោយពិន្ទុ។
ផាន់ សារុន អ្នកប្រដាល់ក្លិបគុជសាកីឡា បានប្រកួតចាញ់អ្នកប្រដាល់ស្រករក្រោយ សោម វិឆ័យ ក្លិបសាលវ័ន្តកីឡាដោយពិន្ទុ ក្រោយពីប្រកួតគ្នាយ៉ាងតឹងតែងពេញប្រាំទឹកនោះ។ សោម វិឆ័យពីដំបូង គេផ្គូអោយជួបជាមួយវៀត ប៊ុនឌឿន អ្នកប្រដាល់សមាគមប្រដាល់ក្រសួងការពារជាតិទេ តែដោយសារគេជាប់មានធុរៈ ទើបប្តូរដាក់ឲ្យ ផាន់ សារុនឡើងប្រកួតជំនួសវិញ។
នូវ ស៊ីថា អ្នកប្រដាល់ក្លិបតាឡីដំរីមានរិទ្ធ បានបំបាក់អ្នកប្រដាល់ប្រាក់ ចាន់ស៊ីន ក្លិបមិត្តប៉ូលិស នៅក្នុងទឹកទី៤។ ប្រាក់ ចាន់ស៊ីន ត្រូវអាជ្ញាកណ្តាលរាប់៨ដល់ទៅ២ដងក្នុងទឹកទី៣ ដោយសារត្រូវនឹងកណ្តាប់ដៃរបស់ស៊ីថា ដាល់ត្រូវមុខផ្ទួនៗនោះ។ នៅទឹកទឹកទី៤ ចាន់ស៊ីន ក៏មិនអាចទប់ទល់ជាមួយកណ្តាប់ដៃរបស់ស៊ីថាបានដែរ ធ្វើឲ្យអាជ្ញាកណ្តាលសម្រេចបញ្ឈប់គេលែងឲ្យប្រកួតតែម្តង ព្រោះគ្មានសមត្ថភាពអាចតតាំងជាមួយប្រាក់ ចាន់ស៊ីនបាននោះឡើយ។
ចំណែក យ៉ាម ឡយ អ្នកប្រដាល់ក្លិបរស្មីកុមារកំព្រា បានវាយឈ្នះឆេង ពន្លក អ្នកប្រដាល់ក្លិបតាព្រហ្មមានជ័យដោយពិន្ទុ បន្ទាប់ពីប្រកួតគ្នា៥ទឹកពេញនោះ៕
Post a Comment