Suarez ៖ ​ជា​កីឡាករ​ទី​៦ ចេញ​ពី Liverpool ហើយ​ឈ្នះ UCL

កាល​ពី​យប់​ថ្ងៃ​សៅរ៍ ​ខ្សែ​ប្រយុទ្ធ Luis Suarez ​បាន​ក្លាយ​ជា​កីឡាករ​ទី​៦​ហើយ ដែល​​ចាក​ចេញ​ពី​ក្លិប​ Liverpool ​ហើយ​​ឈ្នះ​ពាន​រង្វាន់ UEFA Champions League បើ​គិត​តាំង​ពី​ឆ្នាំ​២០០៩​មក។

ចង់​ដឹង​មាន​កីឡាករ​ណា​ខ្លះ សូម​ទស្សនា​ខាង​ក្រោម៖

១. Javier Mascherano

Mascherano ចាក​ចេញ​ពី​ Liverpool ​កាល​ពី​ឆ្នាំ​២០១០ និង​ឈ្នះ​ពាន​ Champions League ជាមួយ Barcelona ២​សម័យ​កាល (២០១១, ២០១៥)។ កីឡាករ​ជម្រើស​ជាតិ​អាហ្សង់ទីន បាន​ផ្ទេរ​ពី​ហង្ស​ក្រហម ទៅ​កាន់​អ្នក​មាន​បុណ្យ ក្នុង​តម្លៃ ១៧,៥​លាន​ផោន (ជាង​២៦,៨​លាន​ដុល្លារ) កាល​ពី​ឆ្នាំ​២០១០។

២. Xabi Alonso

Alonsoចាក​ចេញ​ពី​ Liverpool ​កាល​ពី​ឆ្នាំ​២០០៩ និង​ឈ្នះ​ពាន​ Champions League ជាមួយ Real Madrid ​កាល​ពី​ឆ្នាំ​២០១៤។ ខ្សែ​បម្រើ​ជម្រើស​ជាតិ​អេស្ប៉ាញ ​ផ្ទេរ​ពី​ Anfield ទៅ​កាន់​ Santiago Bernabéu ​ក្នុង​តម្លៃ ៣០​លាន​ផោន (ជាង​៤៦​លាន​ដុល្លារ)។

៣. Álvaro Arbeloa

ខ្សែ​ការពារ​ស្ដាំ​អេស្ប៉ាញ ​បាន​ចាក​ចេញ​ពី Liverpool ទៅ​កាន់ Real Madrid កាល​ពី​ឆ្នាំ​២០០៩ និង​បាន​ឈ្នះ​​ UEFA Champions League ជាមួយ​ស្ដេច​ស កាល​ពី​ឆ្នាំ​២០១៤។

៤. Fernando Torres

ខ្សែ​ប្រយុទ្ធ​អេស្ប៉ាញ បាន​ចាក​ចេញ​ពី Liverpool ទៅ Chelsea ​ក្នុង​តម្លៃ​៥០លានផោន (ជាង​៧៦​លាន​ដុល្លារ) ​កាល​ពី​ឆ្នាំ​២០១១ និង​ឈ្នះ​ពាន​ UEFA Champions League ជាមួយ​តោ​ខៀវ កាល​ឆ្នាំ​២០១២។

៥. Raul Meireles

ខ្សែ​បម្រើ​ព័រទុយហ្គាល់ បាន​ចាក​ចេញ​ពី Liverpool ទៅ Chelsea ​ក្នុង​តម្លៃ​១២លានផោន (ជាង១៨,៤​លាន​ដុល្លារ) ​កាល​ពី​ឆ្នាំ​២០១១ និង​ឈ្នះ​ពាន​ UEFA Champions League ជាមួយ​តោ​ខៀវ កាល​ឆ្នាំ​២០១២ ដូច​គ្នា។

៦. Luis Suarez

ខ្សែ​ប្រយុទ្ធ​អ៊ុយរុយហ្គាយ បាន​ចាក​ចេញ​ពី​ Liverpool ផ្ទេរ​ទៅ​ Barcelona ឆ្នាំ​២០១៤ ​តម្លៃ​៧៥​លាន​ផោន (ជាង​១១៥​លាន​ដុល្លារ) ​និង​​លើក​ពាន​ UEFA Champions League ជាមួយ Barca ឆ្នាំ​២០១៥​នេះ​ផង​ដែរ។