អ្នកប្រដាល់ស្រករក្រោយ សុខ វិស័យ ក្លិបសំរោងកោងខេត្តបាត់ដំបង នឹងឡើងសាកកណ្ដាប់ដៃជាមួយអ្នកប្រដាល់ជើងចាស់ ឯម លីថូ ក្លិបឫទ្ធីពោធិសែនជ័យ ដែលជាជើងខ្លាំងស្រករមុននោះ។
ពួកគេទាំងពីរនាក់នេះ នឹងប្រកួតគ្នាក្នុងទម្ងន់៦៣,៥០០គីឡូក្រាម នៅល្ងាចថ្ងៃសុក្រ ទី១២ ខែមិថុនា ឆ្នាំ២០១៥នេះ នៅលើសង្វៀនស្ទឹងមានជ័យ។
សុខ វិស័យ ជាអ្នកប្រដាល់ដែលមិនសូវជាមានឈ្មោះល្បីនោះទេ តែគេជាអ្នកប្រដាល់ម្នាក់ដែលមានស្នៀតប្រដាល់ល្អ ពិសេសមានកណ្ដាប់ដៃល្អ ហើយសំខាន់ជាងនេះទៀតគឺមានចិត្តប្រដាល់ធំ និងស៊ូចំពោះការប្រកួតណាស់។
អ្នកប្រដាល់រូបនេះ ក្រោយពីវិលត្រឡប់មកសង្វៀនវិញ គេបង្ក្រាបអ្នកប្រដាល់អស់២នាក់ហើយ ហើយការប្រកួតចុងក្រោយនេះ វិស័យ បានវាយស្មើជាមួយ ទី ពន្លែត អ្នកប្រដាល់ក្លិបអង្គរមានជ័យខេត្តសៀមរាប។
ឯម លីថូ ជាជើងខ្លាំងម្នាក់ ដែលនរណាៗក៏ស្គាល់រូបគេដែរ ដោយសារតែគេជាជើងខ្លាំងម្នាក់ ប្រកួតមិនងាយចាញ់នោះទេនាពេលកន្លងមក។ ប៉ុន្តែមួយរយៈចុងក្រោយនេះ ឯម លីថូ ហាក់ដូចជាស្រុតធ្លាក់ចុះ ដោយវាយចាញ់២ប្រកួតជាប់ៗគ្នា។ ការចាញ់ពីរប្រកួតនេះ ធ្វើឲ្យគេដាក់ការសង្ស័យថា គេមានបញ្ហា។ លីថូ គេមានស្នៀតកណ្ដាប់ដៃល្អ ជើងទាត់ និងជង្គង់ក៏ល្អដែរ។
ចាំមើល ឯម លីថូ អាចយកឈ្នះ សុខ វិស័យ បានឬអត់? លីថូ ប្រកួតចុងក្រោយនេះ គឺវាយចាញ់ រឿម វណ្ណះ ក្លិបក្រសួងការពារជាតិក្នុងទឹកទី២។
ឌុម កែវដា អ្នកប្រដាល់ក្លិបកងទ័ពជើងគោក ត្រូវគេផ្គូឲ្យជួបប្រកួតជាមួយ សេង ស្រឿន អ្នកប្រដាល់ជើងខ្លាំងនៃក្លិបព្រះខ័នរាជ។ ពីរនាក់នេះជួបគ្នាក្នុងប្រភេទទម្ងន់៦០គីឡូក្រាម។
កែវដា ថ្វីត្បិតតែជាជើងខ្លាំងស្រករក្រោយ ប៉ុន្តែមិនប្រាកដថាឈ្នះ សេង ស្រឿន នោះទេ ព្រោះ សេង ស្រឿន គេមានផ្លែល្អជាង និងខ្លាំងជាង។ កាលពីថ្ងៃទី០៥ ខែមិថុនាកន្លងមកនេះ គេបានផ្ដួលជើងខ្លាំងស្រករក្រោយគឺ ឯម សាវឿន ក្លិបឫទ្ធីពោធិសែនជ័យឲ្យសន្លប់ក្នុងទឹកទី៤ និងប្រកួតចុងក្រោយនេះ គេបានផ្ដួល ម៉ន ចាន់នី ក្លិបការិយាល័យទី៥ កងទ័ពជើងគោក ក្នុងទឹកទី២។
ដូច្នេះ ឌុម កែវដា មិនអាចមើលស្រាលចំពោះ សេង ស្រឿន បានទេ ប្រយ័ត្នមានលទ្ធផលដូច ឯម សាវឿន និងម៉ន ចាន់នី នោះ។ កែវដា ប្រកួតចុងក្រោយនេះបានយកឈ្នះ ប៉ូ វណ្ណសក្តិ អ្នកប្រដាល់ក្លិបព្រៃទទឹងខេត្តបាត់ដំបងក្នុងទឹកទី២។
ចាំមើល រវាង សេង ស្រឿន និង ឌុម កែវដា តើនរណាជាអ្នកឈ្នះសម្រាប់ការជួបគ្នាលើកដំបូងនេះ?
ជើងថ្មី គង់ ហ៊ូវ អ្នកប្រដាល់ក្លិបមជ្ឈមណ្ឌលកីឡាខ.ភ.ម នឹងជួបប្រកួតជាមួយជើងចាស់ យិន បូរិន្ទ អ្នកប្រដាល់ក្លិបអាស៊ីកីឡា។ ពីរនាក់នេះពុំធ្លាប់ដែលប៉ះគ្នាទេកន្លងមក។
គង់ ហ៊ូវ ជាអ្នកប្រដាល់ជើងថ្មី ឯ យិន បូរិន្ទ ជាអ្នកប្រដាល់ស្រករមុន។ ដូច្នេះការជួបប្រកួតគ្នានេះ ហាក់ដូចជាការជួបគ្នារវាងអ្នកថ្មី និងអ្នកចាស់អីចឹងដែរ។
ប៉ុន្តែ បូរិន្ទ ចាញ់កម្ពស់ គង់ ហ៊ូវ។ ហេតុនេះការប្រកួតជាមួយ គង់ ហ៊ូវ បូរិន្ទ គឺមានការពិបាកហើយ បើទោះជា គង់ ហ៊ូវ នៅស្ទើរជាងបូរិន្ទក៏ដោយ។ យិន បូរិន្ទ ប្រកួតចុងក្រោយនេះវាយចាញ់ អ៊ុង ស៊ីណា អ្នកប្រដាល់ក្លិបសុភានូមានជ័យដោយពិន្ទុ។ ចំណែកការប្រកួតចុងក្រោយរបស់ គង់ ហ៊ូវវិញ គឺវាយឈ្នះ រស់ វិបុល អ្នកប្រដាល់ក្លិបសាលវ័ន្តកីឡា ក្នុងទឹកទី២។
ឯម ខ្លឹមសរ អ្នកប្រដាល់ក្លិបឫទ្ធីពោធិសេនាជ័យ ត្រូវប្រកួតជាមួយ សំណាង ចាន់នឿន អ្នកប្រដាល់ក្លិបដួងសែនសុខគុនខ្មែរ ដោយប្រកួតក្នុងទម្ងន់៥៤គីឡូក្រាម។ ទោះជាយ៉ាងណា អ្នកណាឈ្នះ អ្នកណាចាញ់នោះ មិនអាចទាយមុនបានឡើយ៕
សុខ វិស័យ ជាអ្នកប្រដាល់ដែលមិនសូវជាមានឈ្មោះល្បីនោះទេ តែគេជាអ្នកប្រដាល់ម្នាក់ដែលមានស្នៀតប្រដាល់ល្អ ពិសេសមានកណ្ដាប់ដៃល្អ ហើយសំខាន់ជាងនេះទៀតគឺមានចិត្តប្រដាល់ធំ និងស៊ូចំពោះការប្រកួតណាស់។
អ្នកប្រដាល់រូបនេះ ក្រោយពីវិលត្រឡប់មកសង្វៀនវិញ គេបង្ក្រាបអ្នកប្រដាល់អស់២នាក់ហើយ ហើយការប្រកួតចុងក្រោយនេះ វិស័យ បានវាយស្មើជាមួយ ទី ពន្លែត អ្នកប្រដាល់ក្លិបអង្គរមានជ័យខេត្តសៀមរាប។
ឯម លីថូ ជាជើងខ្លាំងម្នាក់ ដែលនរណាៗក៏ស្គាល់រូបគេដែរ ដោយសារតែគេជាជើងខ្លាំងម្នាក់ ប្រកួតមិនងាយចាញ់នោះទេនាពេលកន្លងមក។ ប៉ុន្តែមួយរយៈចុងក្រោយនេះ ឯម លីថូ ហាក់ដូចជាស្រុតធ្លាក់ចុះ ដោយវាយចាញ់២ប្រកួតជាប់ៗគ្នា។ ការចាញ់ពីរប្រកួតនេះ ធ្វើឲ្យគេដាក់ការសង្ស័យថា គេមានបញ្ហា។ លីថូ គេមានស្នៀតកណ្ដាប់ដៃល្អ ជើងទាត់ និងជង្គង់ក៏ល្អដែរ។
ចាំមើល ឯម លីថូ អាចយកឈ្នះ សុខ វិស័យ បានឬអត់? លីថូ ប្រកួតចុងក្រោយនេះ គឺវាយចាញ់ រឿម វណ្ណះ ក្លិបក្រសួងការពារជាតិក្នុងទឹកទី២។
ឌុម កែវដា អ្នកប្រដាល់ក្លិបកងទ័ពជើងគោក ត្រូវគេផ្គូឲ្យជួបប្រកួតជាមួយ សេង ស្រឿន អ្នកប្រដាល់ជើងខ្លាំងនៃក្លិបព្រះខ័នរាជ។ ពីរនាក់នេះជួបគ្នាក្នុងប្រភេទទម្ងន់៦០គីឡូក្រាម។
កែវដា ថ្វីត្បិតតែជាជើងខ្លាំងស្រករក្រោយ ប៉ុន្តែមិនប្រាកដថាឈ្នះ សេង ស្រឿន នោះទេ ព្រោះ សេង ស្រឿន គេមានផ្លែល្អជាង និងខ្លាំងជាង។ កាលពីថ្ងៃទី០៥ ខែមិថុនាកន្លងមកនេះ គេបានផ្ដួលជើងខ្លាំងស្រករក្រោយគឺ ឯម សាវឿន ក្លិបឫទ្ធីពោធិសែនជ័យឲ្យសន្លប់ក្នុងទឹកទី៤ និងប្រកួតចុងក្រោយនេះ គេបានផ្ដួល ម៉ន ចាន់នី ក្លិបការិយាល័យទី៥ កងទ័ពជើងគោក ក្នុងទឹកទី២។
ដូច្នេះ ឌុម កែវដា មិនអាចមើលស្រាលចំពោះ សេង ស្រឿន បានទេ ប្រយ័ត្នមានលទ្ធផលដូច ឯម សាវឿន និងម៉ន ចាន់នី នោះ។ កែវដា ប្រកួតចុងក្រោយនេះបានយកឈ្នះ ប៉ូ វណ្ណសក្តិ អ្នកប្រដាល់ក្លិបព្រៃទទឹងខេត្តបាត់ដំបងក្នុងទឹកទី២។
ចាំមើល រវាង សេង ស្រឿន និង ឌុម កែវដា តើនរណាជាអ្នកឈ្នះសម្រាប់ការជួបគ្នាលើកដំបូងនេះ?
ជើងថ្មី គង់ ហ៊ូវ អ្នកប្រដាល់ក្លិបមជ្ឈមណ្ឌលកីឡាខ.ភ.ម នឹងជួបប្រកួតជាមួយជើងចាស់ យិន បូរិន្ទ អ្នកប្រដាល់ក្លិបអាស៊ីកីឡា។ ពីរនាក់នេះពុំធ្លាប់ដែលប៉ះគ្នាទេកន្លងមក។
គង់ ហ៊ូវ ជាអ្នកប្រដាល់ជើងថ្មី ឯ យិន បូរិន្ទ ជាអ្នកប្រដាល់ស្រករមុន។ ដូច្នេះការជួបប្រកួតគ្នានេះ ហាក់ដូចជាការជួបគ្នារវាងអ្នកថ្មី និងអ្នកចាស់អីចឹងដែរ។
ប៉ុន្តែ បូរិន្ទ ចាញ់កម្ពស់ គង់ ហ៊ូវ។ ហេតុនេះការប្រកួតជាមួយ គង់ ហ៊ូវ បូរិន្ទ គឺមានការពិបាកហើយ បើទោះជា គង់ ហ៊ូវ នៅស្ទើរជាងបូរិន្ទក៏ដោយ។ យិន បូរិន្ទ ប្រកួតចុងក្រោយនេះវាយចាញ់ អ៊ុង ស៊ីណា អ្នកប្រដាល់ក្លិបសុភានូមានជ័យដោយពិន្ទុ។ ចំណែកការប្រកួតចុងក្រោយរបស់ គង់ ហ៊ូវវិញ គឺវាយឈ្នះ រស់ វិបុល អ្នកប្រដាល់ក្លិបសាលវ័ន្តកីឡា ក្នុងទឹកទី២។
ឯម ខ្លឹមសរ អ្នកប្រដាល់ក្លិបឫទ្ធីពោធិសេនាជ័យ ត្រូវប្រកួតជាមួយ សំណាង ចាន់នឿន អ្នកប្រដាល់ក្លិបដួងសែនសុខគុនខ្មែរ ដោយប្រកួតក្នុងទម្ងន់៥៤គីឡូក្រាម។ ទោះជាយ៉ាងណា អ្នកណាឈ្នះ អ្នកណាចាញ់នោះ មិនអាចទាយមុនបានឡើយ៕
Post a Comment