កំពូលអ្នកប្រដាល់ទាំង១០ មានជាងគេបំផុត ក្នុងពិភពលោក ឆ្នាំ២០១៥

កីឡាបែបប្រយុទ្ធត្រូវបានគេចាត់ទុកថា ជាផ្នែកមួយនៃកីទ្បាដ៏ពេញនិយមបំផុតរបស់ពិភពលោក ។ ក្នុងនោះ គេសង្កេតឃើញថា មានកីឡាករប្រដាល់ជំនាញ ជា ច្រើន ដែលកំពុងតែទទួលបានភាពលេចធ្លោ និងការគាំទ្រយ៉ាងច្រើន កុះករពីទស្សនិកជន ព្រមទាំងបានក្លាយជាអ្នកប្រដាល់ ដ៏ល្បីល្បាញបំផុតក្នុងពិភពលោក ។ ជាក់ស្ដែងខាងក្រោមនេះ ជាកំពូលអ្នកប្រដាល់ទាំង១០ដែលមានជាងគេបំផុត ក្នុងពិភពលោក ឆ្នាំ២០១៥៖

១. កីឡាករអាម៉េរិក Floyd Mayweather Jr.

ត្រូវបានគេចាត់ទុកថា ជាអ្នកប្រដាល់មានតម្លៃខ្លួនខ្ពស់ និងមានជាងគេបំផុត ព្រមទាំងជាម្ចាស់ជើងឯកប្រដាល់ពិភព លោកដ៏ល្បីល្បាញមួយ រូបរបស់សហរដ្ឋ អាម៉េរិក ។ បច្ចុប្បន្ននេះលោកមានទ្រព្យសម្បត្តិសុទ្ធចំនួន ៣៨០ លានដុល្លារ អាម៉េរិក ។

២. លោក George Foreman

ជាអ្នកជំនាញប្រដាល់ចូលនិវត្តន៍ (Retire) និងជាអ្នកនិពន្ធ សហគ្រិន តារាសម្តែង និងជារដ្ឋមន្រ្តីដ៏មានស្ដុកស្ដម្ភម្នាក់ របស់សហរដ្ឋអាម៉េរិក ដែលបច្ចុប្បន្ន នេះ លោក មាន ទ្រព្យសម្បត្តិសុទ្ធចំនួន ២៥០ លានដុល្លារអាម៉េរិក ។

៣. កីឡាករហ្វីលីពីន Manny Pacquiao

ត្រូវបានគេស្គាស់ថា ជាអ្នកជំនាញប្រដាល់វិជ្ជាជីវៈម្នាក់ របស់ប្រទេសហ្វីលីពីន ដែលប្រកួតចំនួន ៦៥ដង ឈ្នះបានចំនួន ៥៤ ដង ។ បច្ចុប្បន្ននេះលោក Pacquiao មានទ្រព្យសម្បត្តិសុទ្ធចំនួន ២០០ លានដុល្លារអាម៉េរិក ។

៤. លោក Oscar De La Hoya

ជាអ្នកជំនាញប្រដាល់ចូលនិវត្តន៍ម្នាក់របស់អាម៉េរិក ដែលមានសញ្ជាតិម៉ិចស៊ិកហើយបច្ចុប្បន្ននេះលោកមានទ្រព្យសម្បត្តិសុទ្ធចំនួន ២០០ លានដុល្លារអាម៉េរិក ។

៥. លោក Lennox Lewis

ជាអ្នកជំនាញប្រដាល់ម្នាក់ ដែលមានសញ្ជាតិពីរ គឺអង់គ្លេស និងកាណាដា ហើយលោក Lennox Lewis ក៏ជាតារា សម្ដែង និងជាអតីតម្ចាស់ជើងឯកទម្ងន់ ធ្ងន់ ផងដែរ ។ បច្ចុប្បន្ននេះលោកមានទ្រព្យសម្បត្តិសុទ្ធចំនួន ១៣០ លានដុល្លារ អាម៉េរិក ។

៦. លោក Sugar Ray Leonard

ជាអតីតអ្នកជំនាញប្រដាល់ និងជាវាគ្មិនលើកទឹកចិត្តម្នាក់ ព្រមទាំងជាតារាសម្តែងម្តងម្កាលរបស់សហរដ្ឋអាម៉េរិក ដែលបច្ចុប្បន្ននេះលោកមានទ្រព្យសម្បត្តិ សុទ្ធចំនួន ១២០ លានដុល្លារ ។

៧. លោក Vitali Klitschko

ជាអ្នកជំនាញប្រដាល់ប្រភេទទម្ងន់ធ្ងន់ និងជាអ្នកនយោបាយម្នាក់របស់ប្រទេសអ៊ុយក្រែន ដែលលោកមានទ្រព្យសម្បត្តិ សុទ្ធចំនួន ៦៥ លានដុល្លារ ។

៨. លោក Muhammad Ali

ត្រូវបានគេស្គាល់ថា ជាអ្នកជំនាញប្រដាល់ និងជាសកម្មជនស្នេហាជាតិ របស់សហរដ្ឋអាម៉េរិកមួយរូប ដែលលោកមាន ទ្រព្យសម្បត្តិសុទ្ធចំនួន ៥០ លានដុល្លារ ។

៩. លោក Marvin Hagler

ជាអតីតអ្នកជំនាញប្រដាល់ និងជាម្ចាស់ជើងឯកទម្ងន់មធ្យមរបស់អាម៉េរិក ដែលមានទ្រព្យសម្បត្តិសុទ្ធចំនួន ៤៥ លាន ដុល្លារ ។

១០. លោក Bernard Hopkins

ជាអ្នកជំនាញប្រដាល់ប្រភេទទម្ងន់មធ្យម និងធ្ងន់របស់សហរដ្ឋអាម៉េរិក ដែលបានឈ្នះការប្រកួតចំនួន ៥១ ដងក្នុង ចំណោមការប្រកួតចំនួន ៥៩ ដង ។ បច្ចុប្បន្ននេះលោកមានទ្រព្យសម្បត្តិសុទ្ធចំនួន ៤០ លានដុល្លារអាម៉េរិក ៕