Real បំបាក់Eibar ៣-០ រកបាន ៣ពិន្ទុ ឯ Barca និង AT Madrid ២ស្មើដូចគ្នា ( Video Inside )

ក្រុមស្ដេចស Real Madrid វាយសន្ធប់លើក្រុម Eibar មិនឲ្យតដៃបាន ដោយលទ្ធផល ៣-០ ឡើងមកកៀកក្រុមកំពូលតារាងដែលជាគូប្រជែងដ៏ធំ និងគ្រោះថ្នាក់បំផុតលីកក្នុងស្រុក Barcelona (La Liga) បន្ទាប់ពីក្រុមអ្នកមានបុណ្យរកបានតែ ១ពិន្ទុ ពីក្រុមខ្លាំង Sevilla បន្ថែមទៀតក្រោយបញ្ចប់ដោយលទ្ធផល ២ស្មើ និងបន្តតំណែងឈរនៅកំពូលតារាង ខណៈដែលក្រុមខ្លាំងមួយក្រុមទៀតគឺ AT Madrid បានត្រឹមស្មើ Malaga ដែរ។

ហ្វ្រីឃីក ១គ្រាប់បើកឆាក របស់ខ្សែប្រផុតមុតស្រួច Ronaldo ដែលប៊ិះនឹងអវត្តមាន ១ប្រកួត ក្រោយទទួលកាតលឿងពីរដង (ចុងក្រោយជាមួយក្រុម Rayo) ប៉ុន្តែសំណាងល្អ Ancelotti តវ៉ាស្ដារភាពអយុត្តិធម៌ពីអាជ្ញាកណ្ដាល Mario Melero Lopez បានសម្រេច នៅនាទី ២១។ ឯពីរគ្រាប់ទៀតJavier Hernandez នៅនាទីទី ៣១ និងនាទីទី ៨៣ ដោយJese Rodriguez។

មួយជើងឆ្វេងកោងយ៉ាងស្អាតរបស់Messi បានបំប៉ោងសំណាញ់ទី របស់ Sevilla ត្រឹមនាទីទី ១៤ បន្ទាប់ពីទទួលបាល់យ៉ាងល្អពីNeymar។ គិតត្រឹមនាទីទី ៣១ Barcelona នាំមុខម្ចាស់ផ្ទះ ២-០ (នាទី ៣១ Real នាំមុខ Eibar ២-០ដែរ) ដោយNeymar ដោយបាល់ហ្វ្រីឃីក។

យ៉ាងមិញ ក្ដីសង្ឃឹម ៣ពិន្ទុ ដើម្បីបង្កើនគម្លាតពីReal Madrid ដែលកំពុងតាមយ៉ាងប្រកិតពីក្រោយខ្លួននោះ ត្រូវបានបញ្ចប់ទាំងស្រុងត្រឹមនាទីទី ៨៤ ដោយKevin Gameiro ដែលទើបនឹងដូរចូលនាទីទី ៧៥ ជំនួស ខ្សែប្រយុទ្ធ Kevin Gameiro ។

ក្រុមភ្ញៀវមួយក្រុមទៀត ដែលជាបេក្ខភាពដណ្ដើមពាន La Liga ពី Barcelona និង Real Madrid គឺ AT Madrid មិនត្រឹមតែ មិនអាចយកឈ្នះម្ចាស់កីឡដ្ឋាន Estadio La Rosaleda របស់ Malaga នោះទេ ប៉ុន្តែបែរជាម្ចាស់ផ្ទះនាំមុខ ២-១ រហូតដល់នាទីទី ៧៨ទៅវិញ។ គ្រាប់បាល់២-២ របស់ Antonie Griezmann អាចជួយ Atletico Madrid ១ពិន្ទុ។

ថ្វីត្បិតតែមានឱកាសច្រើន តែTorres មិនបានរកគ្រាប់បាល់ រក៣ពិន្ទុ ឲ្យAT Madrid បានទេ ហើយថែមទាំងត្រូវប្ដូរចេញនៅនាទីទី ៦៨។