សហព័ន្ធកីឡាកាយសម្ព័ន្ធកម្ពុជា បានទទួលនូវការជួយឧបត្ថម្ភជាសម្ភារ ពីសហព័ន្ធកីឡាកាយសម្ព័ន្ធអន្តរជាតិ ដែលមានតម្លៃប្រមាណ ៨០០០០ ដុល្លារ គឺមុនពេលសហព័ន្ធមួយនេះបានបញ្ជូនគ្រូបង្វឹកជម្រើសជាតិ ១ រូប និងកីឡាករ ១ រូបចេញទៅបោះជំរំហ្វឹកហាត់នៅប្រទេសជប៉ុន ដើម្បីត្រៀមការប្រកួតស៊ីហ្គេម នៅប្រទេសសិង្ហបុរី ឆ្នាំ ២០១៥ នេះ។
លោក ណយ ផាណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា បានប្រាប់ឲ្យដឹងថា សម្ភារ ដែលទទួលបានពីសហព័ន្ធកីឡាកាយសម្ព័ន្ធអន្តរជាតិ ជាលើកដំបូងនេះគឺមាន កម្រាលសម្រាប់ហ្វឹកហាត់បែបស្តង់ដារមួយសម្រាប់ ដែលមានតម្លៃជិត ៦០០០០ ដុល្លារ និងឧបករណ៍សេះលោតបែបស្តង់ដារ ដែលមានតម្លៃជាង ១០០០០ ដុល្លារ ប៉ុន្តែវាមិនមែនជាងរឿងងាយស្រួលនោះទេ ទម្រាំងតែយើងទទួលបាននៅសម្ភារទាំងនេះ។
លោក ណយ ផាណា បានគូសបញ្ជាក់ថា៖ «ឯកឧត្តម ថោង ខុន ប្រធានសហព័ន្ធកីឡាកាយសម្ព័ន្ធកម្ពុជា និងលោកឧកញ៉ា សុខ ហុង ដែលជាអនុប្រធានសហព័ន្ធ បានធ្វើការស្នើសុំសម្ភារទាំងនេះពីសហព័ន្ធកីឡាកាយសម្ព័ន្ធអន្តរជាតិយូរណាស់មកហើយ ប៉ុន្តែគេទើបតែសម្រេចផ្តល់ឲ្យយើង នៅក្នុងមហាសន្និបាតសហព័ន្ធកីឡាកាយសម្ព័ន្ធអន្តរជាតិ កាលពីចុងឆ្នាំ ២០១៤ ទេ»។
លោកបានបន្ថែមថា៖ «ការសម្រេចឲ្យនេះ ដោយសារតែគេមើលទៅលើសកម្មភាព និងកាតព្វកិច្ចដែលយើងបានធ្វើ គឺយើងមិនដែលខកខានចំពោះការគោរពច្បាប់ បទបញ្ញា និងអ្វីៗដែលសហព័ន្ធកីឡាកាយសម្ព័ន្ធអន្តរជាតិ តម្រូវឲ្យយើងអនុវត្តនោះទេ ហើយប្រាក់សមាជិកភាព យើងតែងតែបង់បានទាន់ពេលវេលាជានិច្ច ដោយមានការជួយពីក្រសួងអប់រំ យុវជន និងកីឡា ពិសេសខាងផ្នែកបច្ចេកទេសគឺកាយសម្ព័ន្ធរបស់យើងមានការរីកចម្រើនគួរឲ្យកត់សម្គាល់។
បន្ថែមលើនេះយើងបានខិតខំកសាងថ្នាលបន្តវេនតាំងពីភ្នំពេញរហូតដល់ខេត្តដាច់ស្រយាល ហើយរាល់សកម្មភាពទាំងនេះ យើងតែងផ្ញើទៅឲ្យសហព័ន្ធកីឡាកាយសម្ព័ន្ធអន្តរជាតិ ធ្វើការពិនិត្យ ទើបពួកគេជឿ និងផ្តល់សម្ភារឲ្យយើងបែបនេះ»។
បន្ទាប់ទទួលបានសម្ភារហ្វឹកហាត់ទាំងនេះ លោក ណយ ផាណា ដែលជាគ្រូបង្វឹកជម្រើសជាតិផងដែរ បានរួមដំណើរជាមួយកីឡាករ សំ រីម ទៅកាន់ទីក្រុងតូក្យូ ប្រទេសជប៉ុន ដើម្បីបោះជំរំហ្វឹកហាត់នៅទីនោះរយៈពេល ១ ខែ គឺចាប់ពីថ្ងៃទី ១៨ ខែមេសារហូតដល់ថ្ងៃទី ១៨ ខែឧសភា ដោយខាងសហព័ន្ធកីឡាកាយសម្ព័ន្ធជប៉ុន ជួយផ្ដល់ការស្នាក់នៅ ការហូបចុក និងកន្លែងហ្វឹកហាត់ ខណៈក្រសួងអប់រំ យុវជន និងកីឡាកម្ពុជា ជួយឧបត្ថម្ភប្រាក់ហោប៉ាវ និងថ្លៃសំបុត្រយន្ដហោះ ហើយការចេញទៅហ្វឹកហាត់នេះជាមូលដ្ឋានគ្រឹះយ៉ាងរឹងមាំដល់កីឡាករ សំ រីម ដើម្បីត្រៀមការប្រកួតស៊ីហ្គេម លើកទី ២៨ នៅសិង្ហបុរី ឆ្នាំ២០១៥នេះ៕
លោក ណយ ផាណា បានបង្ហាញពីសម្ភារ ដែលសហព័ន្ធកីឡាកាយសម្ព័ន្ធអន្តរជាតិ ផ្តល់ឲ្យ
លោក ណយ ផាណា អគ្គលេខាធិការសហព័ន្ធកីឡាកាយសម្ព័ន្ធកម្ពុជា បានប្រាប់ឲ្យដឹងថា សម្ភារ ដែលទទួលបានពីសហព័ន្ធកីឡាកាយសម្ព័ន្ធអន្តរជាតិ ជាលើកដំបូងនេះគឺមាន កម្រាលសម្រាប់ហ្វឹកហាត់បែបស្តង់ដារមួយសម្រាប់ ដែលមានតម្លៃជិត ៦០០០០ ដុល្លារ និងឧបករណ៍សេះលោតបែបស្តង់ដារ ដែលមានតម្លៃជាង ១០០០០ ដុល្លារ ប៉ុន្តែវាមិនមែនជាងរឿងងាយស្រួលនោះទេ ទម្រាំងតែយើងទទួលបាននៅសម្ភារទាំងនេះ។
លោក ណយ ផាណា បានគូសបញ្ជាក់ថា៖ «ឯកឧត្តម ថោង ខុន ប្រធានសហព័ន្ធកីឡាកាយសម្ព័ន្ធកម្ពុជា និងលោកឧកញ៉ា សុខ ហុង ដែលជាអនុប្រធានសហព័ន្ធ បានធ្វើការស្នើសុំសម្ភារទាំងនេះពីសហព័ន្ធកីឡាកាយសម្ព័ន្ធអន្តរជាតិយូរណាស់មកហើយ ប៉ុន្តែគេទើបតែសម្រេចផ្តល់ឲ្យយើង នៅក្នុងមហាសន្និបាតសហព័ន្ធកីឡាកាយសម្ព័ន្ធអន្តរជាតិ កាលពីចុងឆ្នាំ ២០១៤ ទេ»។
លោកបានបន្ថែមថា៖ «ការសម្រេចឲ្យនេះ ដោយសារតែគេមើលទៅលើសកម្មភាព និងកាតព្វកិច្ចដែលយើងបានធ្វើ គឺយើងមិនដែលខកខានចំពោះការគោរពច្បាប់ បទបញ្ញា និងអ្វីៗដែលសហព័ន្ធកីឡាកាយសម្ព័ន្ធអន្តរជាតិ តម្រូវឲ្យយើងអនុវត្តនោះទេ ហើយប្រាក់សមាជិកភាព យើងតែងតែបង់បានទាន់ពេលវេលាជានិច្ច ដោយមានការជួយពីក្រសួងអប់រំ យុវជន និងកីឡា ពិសេសខាងផ្នែកបច្ចេកទេសគឺកាយសម្ព័ន្ធរបស់យើងមានការរីកចម្រើនគួរឲ្យកត់សម្គាល់។
បន្ថែមលើនេះយើងបានខិតខំកសាងថ្នាលបន្តវេនតាំងពីភ្នំពេញរហូតដល់ខេត្តដាច់ស្រយាល ហើយរាល់សកម្មភាពទាំងនេះ យើងតែងផ្ញើទៅឲ្យសហព័ន្ធកីឡាកាយសម្ព័ន្ធអន្តរជាតិ ធ្វើការពិនិត្យ ទើបពួកគេជឿ និងផ្តល់សម្ភារឲ្យយើងបែបនេះ»។
បន្ទាប់ទទួលបានសម្ភារហ្វឹកហាត់ទាំងនេះ លោក ណយ ផាណា ដែលជាគ្រូបង្វឹកជម្រើសជាតិផងដែរ បានរួមដំណើរជាមួយកីឡាករ សំ រីម ទៅកាន់ទីក្រុងតូក្យូ ប្រទេសជប៉ុន ដើម្បីបោះជំរំហ្វឹកហាត់នៅទីនោះរយៈពេល ១ ខែ គឺចាប់ពីថ្ងៃទី ១៨ ខែមេសារហូតដល់ថ្ងៃទី ១៨ ខែឧសភា ដោយខាងសហព័ន្ធកីឡាកាយសម្ព័ន្ធជប៉ុន ជួយផ្ដល់ការស្នាក់នៅ ការហូបចុក និងកន្លែងហ្វឹកហាត់ ខណៈក្រសួងអប់រំ យុវជន និងកីឡាកម្ពុជា ជួយឧបត្ថម្ភប្រាក់ហោប៉ាវ និងថ្លៃសំបុត្រយន្ដហោះ ហើយការចេញទៅហ្វឹកហាត់នេះជាមូលដ្ឋានគ្រឹះយ៉ាងរឹងមាំដល់កីឡាករ សំ រីម ដើម្បីត្រៀមការប្រកួតស៊ីហ្គេម លើកទី ២៨ នៅសិង្ហបុរី ឆ្នាំ២០១៥នេះ៕
Post a Comment