ក្លិប Manchester United នៅតែមានទំនុកចិត្តលើអ្នកចាត់ការ Louis van Gaal ទោះជាមិនអាចជួយក្រុមមកឈរនៅ Top4 រហូតដល់ចប់រដូវកាលនេះក៏ដោយ ពោលគឺនៅតែឱ្យប្រាក់១៥០លានផោន (២២៤លានដុល្លារអាមេរិក) សម្រាប់បុរសហុល្លង់រូបនេះប្រើប្រាស់ទិញកីឡាករថ្មីដដែលនៅរដូវកាលក្រោយ។
ការផ្ដល់ចំនួនទឹកប្រាក់ដ៏ច្រើននេះ មានន័យថាក្រុម Man Utd នឹងមិនបណ្ដេញលោក Van Gaal ចេញពីតំណែងនោះទេនៅពេលចប់រដូវកាល ទោះជាមិនអាចជួយក្រុមយកឈ្នះ Arsenal កាលពីពេលថ្មីៗនេះនៅដីខ្លួនឯង ឬមិនអាចជួយក្រុមលើកពានអ្វីមួយសោះក៏ដោយ។ ខណៈដែលរដូវកាលនេះបិសាចក្រហមអាចនឹងជួបវិបត្តិមួយដ៏ធ្ងន់ធ្ងរ ពោលគឺអាចនឹងអត់បានពានអ្វីមួយឡើយ ដែលនេះជាកំណត់ត្រាអាក្រក់មួយហើយសម្រាប់ក្រុម ព្រោះតាំងពីឆ្នាំ១៩៨០មក ម្ចាស់ពាន BPL ២០សម័យមួយនេះ រដូវកាលណាក៏បានពានមួយយ៉ាងតិចដែរ។
មួយវិញទៀតសោត ការប្រជែងយក Top 4 ក្នុងរដូវកាលនេះ គឺកាន់តែលំបាកថែមទៀត ព្រោះប៉ុន្មានប្រកួតចុងក្រោយនោះ Man Utd គឺសុទ្ធតែត្រូវជួបជាមួយក្រុមខ្លាំងដូចជា Tottenham, Liverpool, Manchester City និង Chelsea ជាដើម។ តែទោះជាយ៉ាងនេះក្ដី ប្រធានក្លិបយក្សមួយនេះបាននិយាយដែរថាពួកគេយល់ពីផលលំបាករបស់បុរសវ័យ៦៣ឆ្នាំរូបនេះកំពុងជួបប្រទះ ដោយសារក្លិបស្ថិតក្រោមការដឹកនាំរបស់លោក Sir Alex យូរពេក ទើបធ្វើឱ្យអ្នកចាត់ការក្រោយៗមិនងាយសម្របខ្លួននោះទេ។
យ៉ាងណាមិញ ប្រាក់១៥០លានផោននេះគឺសម្រាប់ឱ្យអតីតអ្នកចាត់ការក្រុម Bayern Munich រូបនេះ ទិញកីឡាករមកបំពេញចន្លោះប្រហោងក្នុងក្រុម។ ខណៈដែលមានកីឡាករមួយចំនួនមានឈ្មោះក្នុងបញ្ជីរបស់លោករួចទៅហើយ ដូចជាខ្សែការពារស្ដាំ Nathaniel Clyne របស់ក្រុម Southampton , ខ្សែបម្រើការពារ Mats Hummels របស់ Dortmund , ខ្សែបម្រើ Kevin Strootman របស់ Roma , ខ្សែបម្រើស្លាប Memphis Depay របស់ PSG និងខ្សែប្រយុទ្ធ Saido Berahino របស់ West Ham ជាដើម។
ទន្ទឹមនឹងការត្រៀមចំណាយច្រើននេះដែរ លោក Van Gaal ក៏ត្រៀមកីឡាករមួយចំនួនដែលត្រូវលក់ចេញវិញដែរ គឺខ្សែប្រយុទ្ធ Robin van Persie , ខ្សែបម្រើ Juan Mata និង Rafael Da Silva ៕
ការផ្ដល់ចំនួនទឹកប្រាក់ដ៏ច្រើននេះ មានន័យថាក្រុម Man Utd នឹងមិនបណ្ដេញលោក Van Gaal ចេញពីតំណែងនោះទេនៅពេលចប់រដូវកាល ទោះជាមិនអាចជួយក្រុមយកឈ្នះ Arsenal កាលពីពេលថ្មីៗនេះនៅដីខ្លួនឯង ឬមិនអាចជួយក្រុមលើកពានអ្វីមួយសោះក៏ដោយ។ ខណៈដែលរដូវកាលនេះបិសាចក្រហមអាចនឹងជួបវិបត្តិមួយដ៏ធ្ងន់ធ្ងរ ពោលគឺអាចនឹងអត់បានពានអ្វីមួយឡើយ ដែលនេះជាកំណត់ត្រាអាក្រក់មួយហើយសម្រាប់ក្រុម ព្រោះតាំងពីឆ្នាំ១៩៨០មក ម្ចាស់ពាន BPL ២០សម័យមួយនេះ រដូវកាលណាក៏បានពានមួយយ៉ាងតិចដែរ។
មួយវិញទៀតសោត ការប្រជែងយក Top 4 ក្នុងរដូវកាលនេះ គឺកាន់តែលំបាកថែមទៀត ព្រោះប៉ុន្មានប្រកួតចុងក្រោយនោះ Man Utd គឺសុទ្ធតែត្រូវជួបជាមួយក្រុមខ្លាំងដូចជា Tottenham, Liverpool, Manchester City និង Chelsea ជាដើម។ តែទោះជាយ៉ាងនេះក្ដី ប្រធានក្លិបយក្សមួយនេះបាននិយាយដែរថាពួកគេយល់ពីផលលំបាករបស់បុរសវ័យ៦៣ឆ្នាំរូបនេះកំពុងជួបប្រទះ ដោយសារក្លិបស្ថិតក្រោមការដឹកនាំរបស់លោក Sir Alex យូរពេក ទើបធ្វើឱ្យអ្នកចាត់ការក្រោយៗមិនងាយសម្របខ្លួននោះទេ។
យ៉ាងណាមិញ ប្រាក់១៥០លានផោននេះគឺសម្រាប់ឱ្យអតីតអ្នកចាត់ការក្រុម Bayern Munich រូបនេះ ទិញកីឡាករមកបំពេញចន្លោះប្រហោងក្នុងក្រុម។ ខណៈដែលមានកីឡាករមួយចំនួនមានឈ្មោះក្នុងបញ្ជីរបស់លោករួចទៅហើយ ដូចជាខ្សែការពារស្ដាំ Nathaniel Clyne របស់ក្រុម Southampton , ខ្សែបម្រើការពារ Mats Hummels របស់ Dortmund , ខ្សែបម្រើ Kevin Strootman របស់ Roma , ខ្សែបម្រើស្លាប Memphis Depay របស់ PSG និងខ្សែប្រយុទ្ធ Saido Berahino របស់ West Ham ជាដើម។
ទន្ទឹមនឹងការត្រៀមចំណាយច្រើននេះដែរ លោក Van Gaal ក៏ត្រៀមកីឡាករមួយចំនួនដែលត្រូវលក់ចេញវិញដែរ គឺខ្សែប្រយុទ្ធ Robin van Persie , ខ្សែបម្រើ Juan Mata និង Rafael Da Silva ៕
Post a Comment