តាមរយៈការប្រកួតយ៉ាងស្វិតស្វាញអស់រយៈពេល ២ ថ្ងៃ នៅវិមានពហុកីឡដ្ឋានជាតិ កាលពីថ្ងៃអង្គារ និងថ្ងៃពុធ ម្សិលមិញនេះ ក្រុមបញ្ជាការដ្ឋានអង្គរក្ស និងក្រុមយុវជនបូរីកីឡា បានក្លាយជាបេក្ខភាពប្រចាំពូល B ដែលត្រូវឡើងទៅប្រកួតបន្ត ក្នុងវគ្គពាក់កណ្តាលផ្តាច់ព្រ័ត្រប្រចាំនៅមណ្ឌលរាជធានីភ្នំពេញ នៃព្រឹត្តិការណ៍ប្រកួតបាល់ទះដណ្ដើមពានរង្វាន់ស្រាបៀរលីអូ ប្រចាំឆ្នាំ ២០១៤ (Leo Cup National Volleyball 2015) ខណៈពូល A នៅមានភាពស្រពេចស្រពិលតិចតួច។
ការឈ្នះកៅអីនៅវគ្គពាក់កណ្តាលផ្តាច់ព្រ័ត្រដោយស្វ័យប្រវត្តិរបស់ក្រុមបញ្ជាការដ្ឋានអង្គរក្ស និងក្រុមយុវជនបូរីកីឡា បានកើតមានឡើង បន្ទាប់ពីក្រុមទាំង ២ បានរកឃើញការឈ្នះជាលើកទី ២ ក្នុងការប្រកួតជម្រុះលើកទី ២ កាលពីល្ងាចថ្ងៃពុធ ម្សិលមិញ ដោយក្រុមបញ្ជាការដ្ឋានអង្គរក្ស បានលត់ក្រុមវិទ្យាល័យឫស្សីកែវ ក្នុងលទ្ធផល ៣-០ ខណៈក្រុមយុវជនបូរីកីឡា បានយកឈ្នះលើក្រុមអង្គការដើម្បីភាពញញឹមនៃកុមារ ៣-១ ដើម្បីមាន ៦ ពិន្ទុស្មើគ្នា។
ប៉ុន្តែលទ្ធផលនេះបានធ្វើឲ្យក្រុម អង្គការដើម្បីភាពញញឹមនៃកុមារ និងក្រុមវិទ្យាល័យឫស្សីកែវ បានធ្លាក់ចេញពីការប្រកួតនេះដោយស្វ័យប្រវត្តិ បើទោះបីជាពួកគេនៅសល់ម្នាក់ ១ ប្រកួតទៀតក៏ដោយ ព្រោះការចាញ់ទាំង២ប្រកួតជាប់ៗគ្នាដូចគ្នានោះ វាសមល្មមឲ្យក្រុមទាំង ២ ធ្លាក់ចេញពីការប្រកួតនេះហើយ។
ដោយឡែកការប្រកួតជម្រុះរវាងក្រុមទាំង ៥ ឈរនៅពូល A កាលពីថ្ងៃពុធម្សិលមិញនោះដែរ ក្រុមយុវជនសាមគ្គី បានឈ្នះទាំង ២ ប្រកួតតែម្តង គឺការប្រកួតពេលព្រឹកពួកគេបានយកឈ្នះលើក្រុមសមាគមនិស្សិត ៣-១ និងពេលល្ងាចពួកគេបានឈ្នះក្រុមសហភាពសហព័ន្ធយុវជនកម្ពុជាសង្កាត់វាលស្បូវ ៣-២។ រីឯក្រុមយុវជនបូរី១០០ខ្នង បានបន្តយកឈ្នះលើក្រុមយុវជនសង្កាត់ព្រែកឯង ក្នុងលទ្ធផល ៣-០។
យោងតាមលទ្ធផលនៃការប្រកួតនេះគឺ ក្រុមយុវជនបូរី១០០ខ្នង មាន ៦ ពិន្ទុច្រើនជាង ខណៈក្រុមយុវជនសាមគ្គី មាន ៥ ពិន្ទុ ព្រោះការយកឈ្នះលើក្រុមសង្កាត់វាលស្បូវ ៣-២ គឺ ពួកគេបានតែ ២ ពិន្ទុទេ ហេតុនេះក្រុមយុវជនបូរី១០០ខ្នង និងយុវជនសាមគ្គី អាចនឹងក្លាយជាបេក្ខភាព ដែលត្រូវឡើងទៅវគ្គបន្តប្រចាំពូលនេះ ឯក្រុមយុវជនសង្កាត់ព្រែកឯង ដែលមាន ៣ ពិន្ទុជាមួយការឈ្នះ ១ និងចាញ់ ១ នោះ អាចនឹងមានឱកាសខ្លះៗដែរ តែក្រុមសមាគមនិស្សិត និងសង្កាត់វាលស្បូវ គេចមិនផុតពីការធ្លាក់នោះទេ។
សម្រាប់ការប្រកួតនៅថ្ងៃព្រហស្បតិ៍នេះ សមាគមនិស្សិត ត្រូវជួបយុវជនបូរី១០០ខ្នង ព្រឹកម៉ោង ៨:៣០ ឯក្រុម ស.ស.យ.កសង្កាត់វាលស្បូវ ត្រូវប៉ះក្រុមយុវជនសង្កាត់ព្រែកឯង រសៀលម៉ោង ១៣:៣០ ហើយម៉ោង ១៥:០០ ជាការប្រកួតបង្រ្កប់កិច្ចរវាងក្រុមវិទ្យាល័យឫស្សីកែវ និង អង្គការដើម្បីភាពញញឹមនៃកុមារ ខណៈក្រុមយុវជនសាមគ្គី ត្រូវប្រឈមជាមួយក្រុមមិនដែលចាញ់ដូចគ្នា យុវជនបូរី១០០ខ្នង នៅវេលាម៉ោង ១៦:៣០ តទៅ៕
ការឈ្នះកៅអីនៅវគ្គពាក់កណ្តាលផ្តាច់ព្រ័ត្រដោយស្វ័យប្រវត្តិរបស់ក្រុមបញ្ជាការដ្ឋានអង្គរក្ស និងក្រុមយុវជនបូរីកីឡា បានកើតមានឡើង បន្ទាប់ពីក្រុមទាំង ២ បានរកឃើញការឈ្នះជាលើកទី ២ ក្នុងការប្រកួតជម្រុះលើកទី ២ កាលពីល្ងាចថ្ងៃពុធ ម្សិលមិញ ដោយក្រុមបញ្ជាការដ្ឋានអង្គរក្ស បានលត់ក្រុមវិទ្យាល័យឫស្សីកែវ ក្នុងលទ្ធផល ៣-០ ខណៈក្រុមយុវជនបូរីកីឡា បានយកឈ្នះលើក្រុមអង្គការដើម្បីភាពញញឹមនៃកុមារ ៣-១ ដើម្បីមាន ៦ ពិន្ទុស្មើគ្នា។
ប៉ុន្តែលទ្ធផលនេះបានធ្វើឲ្យក្រុម អង្គការដើម្បីភាពញញឹមនៃកុមារ និងក្រុមវិទ្យាល័យឫស្សីកែវ បានធ្លាក់ចេញពីការប្រកួតនេះដោយស្វ័យប្រវត្តិ បើទោះបីជាពួកគេនៅសល់ម្នាក់ ១ ប្រកួតទៀតក៏ដោយ ព្រោះការចាញ់ទាំង២ប្រកួតជាប់ៗគ្នាដូចគ្នានោះ វាសមល្មមឲ្យក្រុមទាំង ២ ធ្លាក់ចេញពីការប្រកួតនេះហើយ។
ដោយឡែកការប្រកួតជម្រុះរវាងក្រុមទាំង ៥ ឈរនៅពូល A កាលពីថ្ងៃពុធម្សិលមិញនោះដែរ ក្រុមយុវជនសាមគ្គី បានឈ្នះទាំង ២ ប្រកួតតែម្តង គឺការប្រកួតពេលព្រឹកពួកគេបានយកឈ្នះលើក្រុមសមាគមនិស្សិត ៣-១ និងពេលល្ងាចពួកគេបានឈ្នះក្រុមសហភាពសហព័ន្ធយុវជនកម្ពុជាសង្កាត់វាលស្បូវ ៣-២។ រីឯក្រុមយុវជនបូរី១០០ខ្នង បានបន្តយកឈ្នះលើក្រុមយុវជនសង្កាត់ព្រែកឯង ក្នុងលទ្ធផល ៣-០។
យោងតាមលទ្ធផលនៃការប្រកួតនេះគឺ ក្រុមយុវជនបូរី១០០ខ្នង មាន ៦ ពិន្ទុច្រើនជាង ខណៈក្រុមយុវជនសាមគ្គី មាន ៥ ពិន្ទុ ព្រោះការយកឈ្នះលើក្រុមសង្កាត់វាលស្បូវ ៣-២ គឺ ពួកគេបានតែ ២ ពិន្ទុទេ ហេតុនេះក្រុមយុវជនបូរី១០០ខ្នង និងយុវជនសាមគ្គី អាចនឹងក្លាយជាបេក្ខភាព ដែលត្រូវឡើងទៅវគ្គបន្តប្រចាំពូលនេះ ឯក្រុមយុវជនសង្កាត់ព្រែកឯង ដែលមាន ៣ ពិន្ទុជាមួយការឈ្នះ ១ និងចាញ់ ១ នោះ អាចនឹងមានឱកាសខ្លះៗដែរ តែក្រុមសមាគមនិស្សិត និងសង្កាត់វាលស្បូវ គេចមិនផុតពីការធ្លាក់នោះទេ។
សម្រាប់ការប្រកួតនៅថ្ងៃព្រហស្បតិ៍នេះ សមាគមនិស្សិត ត្រូវជួបយុវជនបូរី១០០ខ្នង ព្រឹកម៉ោង ៨:៣០ ឯក្រុម ស.ស.យ.កសង្កាត់វាលស្បូវ ត្រូវប៉ះក្រុមយុវជនសង្កាត់ព្រែកឯង រសៀលម៉ោង ១៣:៣០ ហើយម៉ោង ១៥:០០ ជាការប្រកួតបង្រ្កប់កិច្ចរវាងក្រុមវិទ្យាល័យឫស្សីកែវ និង អង្គការដើម្បីភាពញញឹមនៃកុមារ ខណៈក្រុមយុវជនសាមគ្គី ត្រូវប្រឈមជាមួយក្រុមមិនដែលចាញ់ដូចគ្នា យុវជនបូរី១០០ខ្នង នៅវេលាម៉ោង ១៦:៣០ តទៅ៕
Post a Comment