ប្រកួតប្រដាល់ដណ្តើមខ្សែក្រវាត់ស្រាបៀរ Black Panther ជុំទី ៣ នឹងធ្វើនៅខេត្តក្រចេះក្នុងពិធីបុណ្យទន្លេ នាថ្ងៃសៅរ៍ខាងមុខនេះក្នុងបរិវេណមន្ទីរវប្បធម៌ខេត្ត ចាប់ពីម៉ោង ៣ និង ៣០ នាទីតទៅ។
អ្នកប្រដាល់ចំនួន ៤ គូដែលត្រូវប៉ះគ្នានោះមានតែពីរគូប៉ុណ្ណោះ ដែលអាចនឹងមានការប្រកួតស្វិតស្វាញ គឺកីឡាករឈរនៅពូល B នេន វណ្ណា ក្លិបខ្លារខិនមានរិទ្ធ ត្រូវជួប ហ៊ឹមសារ៉ាន់ របស់ក្រសួងការពារជាតិ និងមួយគូទៀតក្នុងពូល A រវាង ធី តុងហ៊ី ក្លិបសាលវ័ន្តកីឡា និង តក់ សោភ័ណ្ឌ មកពីក្លិបអេភូថងកីឡា។
ចំណែក ២ គូទៀតគឺ ទេសសំខាន់ ក្លិបកងពលតូចលេខ ៧០ សង្ឃឹមឈ្នះលើ ពេជ្រ ប៊ុនធឿន ១០០ ភាគរយ ព្រោះប៊ុនធឿន មួយរយៈនេះគ្មានសមត្ថភាពប្រកួតឲ្យបានសមរម្យ និងល្អមើលដូចមុនឡើយ។ រីឯកីឡាករឈរក្នុងពូល B ឈិនក្វាន់ង៉ុយ ក្លិបមកុដរាជសីហ៍ត្រូវបានរំពឹងឈ្នះ ១០០ ភាគរយលើ ប្រាក់ ចាន់ស៊ីន ក្លិបមិត្តប៉ូលិស ដូចគ្នាដោយសារសមត្ថភាពរបស់ ចាន់ស៊ីនទំនងមិនអាចទៅរួចជាមួយក្វាន់ង៉ុយ ឡើយ។
ទេស សំខាន់ ដែលឈ្នះ ២ ប្រកួតមាន ៦ ពិន្ទុនោះ និយាយថា៖ «ការប៉ះ ពេជ្រ ប៊ុនធឿន គឺគ្មានបារម្ភពីចាញ់នោះឡើយប៉ុន្តែអ្វីដែលខ្ញុំព្រួយបារម្ភនោះគឺការប្រកួតនៅវគ្គផ្តាច់ព្រ័ត្រឯណោះទេដែលជាដំណាក់កាលចុងក្រោយ»។
ចំណែក ឈិន ក្វាន់ង៉ុយដែលមាន ៦ ពិន្ទុ ជាមួយការឈ្នះទាំង ២ លើកដែរនោះបាននិយាយថា៖ «ការជួប ប្រាក់ចាន់ស៊ីន មិនលំបាកទេពីព្រោះខ្ញុំខ្ពស់ជាងងាយស្រួលចូលឱបឡើងជង្គង់ ហើយខ្ញុំរំពឹងថាឈ្នះ ១០០ ភាគរយ»។
ប្រាក់ ចាន់ស៊ីន ជាអតីតម្ចាស់ខ្សែក្រវាត់វាយដាក់ទ្រុងនិយាយថា៖ «ខ្ញុំពិតជាមានការលំបាកឈ្នះ ក្វាន់ង៉ុយ មែនដោយសារចាញ់កម្ពស់ពិសេសកម្លាំងរបស់ខ្ញុំបានថយចុះដោយបញ្ហាបញ្ចុះទម្ងន់ខ្លាំងពេកគឺ សម្រកពី ៦៧ គ.ក្រមកត្រឹម ៦៣,៥ គ.ក្រ។
ចំណែកលោក ប៉ាវ គឹមអានជាគ្រូបង្វឹកនិយាយថា៖ «ការសម្រកទម្ងន់គឺគេព្យាយាមធ្វើបន្តិចម្តងៗ ប៉ុន្តែ ចាន់ស៊ីន ជាកីឡាករមិនសូវគោរពវិន័យហាត់ខ្ជីខ្ជានាំឲ្យខូចឈ្មោះទាំងក្លិបទៀតផង»។
ចំណែកលោកស្រី ឡុង រ៉ាវីប្រធានក្លិបខ្លារខិនមានរិទ្ធប្រាប់ថា៖ «នេន វណ្ណា ហ្វឹកហាត់ពេញលេញ ហើយពិតជាប្រឹងប្រែងដើម្បីចង់ឈ្នះ ប៉ុន្តែខ្ញុំមិនអះអាងពីការឈ្នះឬចាញ់នោះឡើយ ព្រោះពួកគេមិនធ្លាប់ប្រកួតគ្នាទេកន្លងមក»។
ទោះជាយ៉ាងណាសម្រាប់ការប្រកួតនេះអ្នកឈ្នះមានសារៈសំខាន់ណាស់គឺបានឡើងទៅវគ្គពាក់កណ្តាលផ្តាច់ព្រ័ត្រហើយអ្នកចាញ់នឹងអស់ឱកាសហើយ ហេតុនេះរង់ចាំមើលថាតើ ហ៊ឹម សារ៉ាន់ និង នេន វណ្ណានរណាជាអ្នកឈ្នះ?
ចំណែកគូអមកម្មវិធីគឺកីឡាការិនី វី ស្រីឆាយ បើកឱកាសឲ្យ នូវ ស្រីពៅ សងសឹក ព្រោះសប្តាហ៍មុន ស្រីពៅ ចាញ់ក្បាច់ជង្គង់ ស្រីឆាយ ហើយកីឡាករវ័យក្មេងចំនួន ២ គូទៀត ក៏ឡើងប្រកួត ផងដែរ៕
កីឡាករ ឈិន ក្វាន់ង៉ុយ បានទាត់ទៅលើ នេន វណ្ណា ក្នុងការប្រកួតជុំទី ២ កាលពីចុងសប្តាហ៍មុន
អ្នកប្រដាល់ចំនួន ៤ គូដែលត្រូវប៉ះគ្នានោះមានតែពីរគូប៉ុណ្ណោះ ដែលអាចនឹងមានការប្រកួតស្វិតស្វាញ គឺកីឡាករឈរនៅពូល B នេន វណ្ណា ក្លិបខ្លារខិនមានរិទ្ធ ត្រូវជួប ហ៊ឹមសារ៉ាន់ របស់ក្រសួងការពារជាតិ និងមួយគូទៀតក្នុងពូល A រវាង ធី តុងហ៊ី ក្លិបសាលវ័ន្តកីឡា និង តក់ សោភ័ណ្ឌ មកពីក្លិបអេភូថងកីឡា។
ចំណែក ២ គូទៀតគឺ ទេសសំខាន់ ក្លិបកងពលតូចលេខ ៧០ សង្ឃឹមឈ្នះលើ ពេជ្រ ប៊ុនធឿន ១០០ ភាគរយ ព្រោះប៊ុនធឿន មួយរយៈនេះគ្មានសមត្ថភាពប្រកួតឲ្យបានសមរម្យ និងល្អមើលដូចមុនឡើយ។ រីឯកីឡាករឈរក្នុងពូល B ឈិនក្វាន់ង៉ុយ ក្លិបមកុដរាជសីហ៍ត្រូវបានរំពឹងឈ្នះ ១០០ ភាគរយលើ ប្រាក់ ចាន់ស៊ីន ក្លិបមិត្តប៉ូលិស ដូចគ្នាដោយសារសមត្ថភាពរបស់ ចាន់ស៊ីនទំនងមិនអាចទៅរួចជាមួយក្វាន់ង៉ុយ ឡើយ។
ទេស សំខាន់ ដែលឈ្នះ ២ ប្រកួតមាន ៦ ពិន្ទុនោះ និយាយថា៖ «ការប៉ះ ពេជ្រ ប៊ុនធឿន គឺគ្មានបារម្ភពីចាញ់នោះឡើយប៉ុន្តែអ្វីដែលខ្ញុំព្រួយបារម្ភនោះគឺការប្រកួតនៅវគ្គផ្តាច់ព្រ័ត្រឯណោះទេដែលជាដំណាក់កាលចុងក្រោយ»។
ចំណែក ឈិន ក្វាន់ង៉ុយដែលមាន ៦ ពិន្ទុ ជាមួយការឈ្នះទាំង ២ លើកដែរនោះបាននិយាយថា៖ «ការជួប ប្រាក់ចាន់ស៊ីន មិនលំបាកទេពីព្រោះខ្ញុំខ្ពស់ជាងងាយស្រួលចូលឱបឡើងជង្គង់ ហើយខ្ញុំរំពឹងថាឈ្នះ ១០០ ភាគរយ»។
ប្រាក់ ចាន់ស៊ីន ជាអតីតម្ចាស់ខ្សែក្រវាត់វាយដាក់ទ្រុងនិយាយថា៖ «ខ្ញុំពិតជាមានការលំបាកឈ្នះ ក្វាន់ង៉ុយ មែនដោយសារចាញ់កម្ពស់ពិសេសកម្លាំងរបស់ខ្ញុំបានថយចុះដោយបញ្ហាបញ្ចុះទម្ងន់ខ្លាំងពេកគឺ សម្រកពី ៦៧ គ.ក្រមកត្រឹម ៦៣,៥ គ.ក្រ។
ចំណែកលោក ប៉ាវ គឹមអានជាគ្រូបង្វឹកនិយាយថា៖ «ការសម្រកទម្ងន់គឺគេព្យាយាមធ្វើបន្តិចម្តងៗ ប៉ុន្តែ ចាន់ស៊ីន ជាកីឡាករមិនសូវគោរពវិន័យហាត់ខ្ជីខ្ជានាំឲ្យខូចឈ្មោះទាំងក្លិបទៀតផង»។
ចំណែកលោកស្រី ឡុង រ៉ាវីប្រធានក្លិបខ្លារខិនមានរិទ្ធប្រាប់ថា៖ «នេន វណ្ណា ហ្វឹកហាត់ពេញលេញ ហើយពិតជាប្រឹងប្រែងដើម្បីចង់ឈ្នះ ប៉ុន្តែខ្ញុំមិនអះអាងពីការឈ្នះឬចាញ់នោះឡើយ ព្រោះពួកគេមិនធ្លាប់ប្រកួតគ្នាទេកន្លងមក»។
ទោះជាយ៉ាងណាសម្រាប់ការប្រកួតនេះអ្នកឈ្នះមានសារៈសំខាន់ណាស់គឺបានឡើងទៅវគ្គពាក់កណ្តាលផ្តាច់ព្រ័ត្រហើយអ្នកចាញ់នឹងអស់ឱកាសហើយ ហេតុនេះរង់ចាំមើលថាតើ ហ៊ឹម សារ៉ាន់ និង នេន វណ្ណានរណាជាអ្នកឈ្នះ?
ចំណែកគូអមកម្មវិធីគឺកីឡាការិនី វី ស្រីឆាយ បើកឱកាសឲ្យ នូវ ស្រីពៅ សងសឹក ព្រោះសប្តាហ៍មុន ស្រីពៅ ចាញ់ក្បាច់ជង្គង់ ស្រីឆាយ ហើយកីឡាករវ័យក្មេងចំនួន ២ គូទៀត ក៏ឡើងប្រកួត ផងដែរ៕
Post a Comment