សេចក្តីរាយការណ៍បានឲ្យដឹងថា មនុស្សយ៉ាងហោច១០នាក់ ក្នុងនោះរួមមានទាំងអត្តពលិកអូឡាំពិកសញ្ជាតិបារាំង២រូបផងដែរនោះបានស្លាប់នៅពេលឧទ្ធម្ភាគចក្រចំនួនពីរគ្រឿងបានបុកគ្នា នៅក្នុងតំបន់ភ្នំ La Rioja ស្ថិតនៅភាគពាយព្យប្រទេសអាហ្សង់ទីន កាលពីថ្ងៃចន្ទកន្លងទៅ។
លោក សេសា អង់ហ្គូឡូ ប្រធានសន្តិសុខប្រចាំតំបន់ La Rioja បានប្រាប់អ្នកសារព័ត៌មានថា មនុស្សទាំងអស់១០នាក់នៅលើឧទ្ធម្ភាគចក្រ បានស្លាប់ ពោលគឺគ្មាននរណាម្នាក់ នៅមានជីវិតឡើយ។ ដោយឡែក សារព័ត៌មានស្រុកបានរាយការណ៍ថា អ្នកបើកបរយន្តហោះ២នាក់ជា ជនជាតិអាហ្សង់ទីន និងអ្នកដំណើរផ្សេងទៀតជាជនជាតិបរទេស។
ក្នុងចំណោម ជនរងគ្រោះ ទាំងនោះក៏មាន ជើងឯកកីឡាហែលទឹកអូឡាំពិក គឺកីឡាករ Camille Muffatអាយុ២៥ឆ្នាំ ដែលធ្លាប់ឈ្នះមេដាយមាស នៅការប្រកួតអូឡាំពិកក្រុងឡុងដ៍ឆ្នាំ២០១២ និងអ្នកប្រដាល់ សញ្ជាតិបារាំង លោក Alexis Vastineអាយុ២៨ឆ្នាំ ដែលធ្លាប់ឈ្នះមេដាយសំរឹទ្ធិអូឡាំពិកក្រុងប៉េកាំងឆ្នាំ២០០៨។
សេចក្តីថ្លែងការណ៍ពីរដ្ឋាភិបាលក្នុងស្រុកបានឲ្យដឹងថា ចំណែកឯជនរងគ្រោះផ្សេងទៀត មានឈ្មោះដូចជា Laurent Sbasnik, Lucie Mei-Dalby, Volodia Guinard, Brice Guilbert និង Edouard Gillesព្រមទាំងពីឡុតសញ្ជាតិអាហ្សង់ទីន២នាក់ទៀត គឺលោក Juan Carlos Castillo និងលោក Roberto Abate។
ឧប្បត្តិហេតុនេះដែរ បានកើតមានឡើងនៅវេលាម៉ោង៥ល្ងាចថ្ងៃចន្ទ គឺភ្លាមៗក្រោយពី ឧទ្ធម្ភាគចក្រទាំងពីរគ្រឿងហោះចេញពីតំបន់ភ្នំ La Rioja។ សូមបញ្ជាក់ថា នាង Camille Muffat គឺជាអតីតម្ចាស់កំណត់ត្រាពិភពលោកសម្រាប់ការហែលទឹកចម្ងាយ៤០០ម៉ែត្រ ចាប់ពីឆ្នាំ២០១២ដល់ឆ្នាំ២០១៣ ហើយនាងបានឈ្នះមេដាយមាសអូឡាំពិកឆ្នាំ២០១២ ក៏ដូចជាទទួលបានការជ្រើសតាំងជាកីឡាការិនីហែលទឹកឆ្នើមពិភពលោកប្រចាំឆ្នាំដដែលនោះផងដែរ។
ចំណែកកីឡាករ Alexis Vastineវិញ បានឈ្នះមេដាយសំរិទ្ធិ ក្នុងស្ថាប័នទម្ងន់ស្រាល Light Welterweightនៅការប្រកួតអូឡាំពិកក្រុងប៉េកាំង ហើយរូបលោកក៏បានចូលរួមការប្រកួតអូឡាំពិកក្រុងឡុងដ៍ឆ្នាំ២០១២ផងដែរ ប៉ុន្តែបានជ្រុះពីការប្រកួតក្នុងវគ្គ១ភាគ៤ផ្តាច់ព្រ័ត្រ៕
លោក សេសា អង់ហ្គូឡូ ប្រធានសន្តិសុខប្រចាំតំបន់ La Rioja បានប្រាប់អ្នកសារព័ត៌មានថា មនុស្សទាំងអស់១០នាក់នៅលើឧទ្ធម្ភាគចក្រ បានស្លាប់ ពោលគឺគ្មាននរណាម្នាក់ នៅមានជីវិតឡើយ។ ដោយឡែក សារព័ត៌មានស្រុកបានរាយការណ៍ថា អ្នកបើកបរយន្តហោះ២នាក់ជា ជនជាតិអាហ្សង់ទីន និងអ្នកដំណើរផ្សេងទៀតជាជនជាតិបរទេស។
ក្នុងចំណោម ជនរងគ្រោះ ទាំងនោះក៏មាន ជើងឯកកីឡាហែលទឹកអូឡាំពិក គឺកីឡាករ Camille Muffatអាយុ២៥ឆ្នាំ ដែលធ្លាប់ឈ្នះមេដាយមាស នៅការប្រកួតអូឡាំពិកក្រុងឡុងដ៍ឆ្នាំ២០១២ និងអ្នកប្រដាល់ សញ្ជាតិបារាំង លោក Alexis Vastineអាយុ២៨ឆ្នាំ ដែលធ្លាប់ឈ្នះមេដាយសំរឹទ្ធិអូឡាំពិកក្រុងប៉េកាំងឆ្នាំ២០០៨។
សេចក្តីថ្លែងការណ៍ពីរដ្ឋាភិបាលក្នុងស្រុកបានឲ្យដឹងថា ចំណែកឯជនរងគ្រោះផ្សេងទៀត មានឈ្មោះដូចជា Laurent Sbasnik, Lucie Mei-Dalby, Volodia Guinard, Brice Guilbert និង Edouard Gillesព្រមទាំងពីឡុតសញ្ជាតិអាហ្សង់ទីន២នាក់ទៀត គឺលោក Juan Carlos Castillo និងលោក Roberto Abate។
ឧប្បត្តិហេតុនេះដែរ បានកើតមានឡើងនៅវេលាម៉ោង៥ល្ងាចថ្ងៃចន្ទ គឺភ្លាមៗក្រោយពី ឧទ្ធម្ភាគចក្រទាំងពីរគ្រឿងហោះចេញពីតំបន់ភ្នំ La Rioja។ សូមបញ្ជាក់ថា នាង Camille Muffat គឺជាអតីតម្ចាស់កំណត់ត្រាពិភពលោកសម្រាប់ការហែលទឹកចម្ងាយ៤០០ម៉ែត្រ ចាប់ពីឆ្នាំ២០១២ដល់ឆ្នាំ២០១៣ ហើយនាងបានឈ្នះមេដាយមាសអូឡាំពិកឆ្នាំ២០១២ ក៏ដូចជាទទួលបានការជ្រើសតាំងជាកីឡាការិនីហែលទឹកឆ្នើមពិភពលោកប្រចាំឆ្នាំដដែលនោះផងដែរ។
ចំណែកកីឡាករ Alexis Vastineវិញ បានឈ្នះមេដាយសំរិទ្ធិ ក្នុងស្ថាប័នទម្ងន់ស្រាល Light Welterweightនៅការប្រកួតអូឡាំពិកក្រុងប៉េកាំង ហើយរូបលោកក៏បានចូលរួមការប្រកួតអូឡាំពិកក្រុងឡុងដ៍ឆ្នាំ២០១២ផងដែរ ប៉ុន្តែបានជ្រុះពីការប្រកួតក្នុងវគ្គ១ភាគ៤ផ្តាច់ព្រ័ត្រ៕
Post a Comment