កីឡាករជើងថ្មី សូត្រ ប៊ុនធី ដែលមិនធ្លាប់ចាញ់សោះ ក្នុងការប្រកួតជម្រុះដណ្តើមខ្សែក្រវាត់ K cement ទម្ងន់ ៦០ គីឡូក្រាម នៅលើសង្វៀន SEATVនោះ ត្រូវបានគេមើលឃើញថា នឹងឈ្នះបាន ៣ ពិន្ទុបន្ថែមទៀតក្នុងការប្រកួតជុំទី ៥ នាល្ងាចថ្ងៃសៅរ៍ ខាងមុខនេះឯ មាស ច័ន្ទមាន ដែលខកចិត្តពីសប្តាហ៍មុននោះ ក៏អាចនឹងឈ្នះ ៣ ពិន្ទុបន្ថែមផងដែរ ប៉ុន្តែការប្រកួតវិលជុំចំនួន ២ គូទៀត អាចនឹងជួបការប្រកួតដ៏តានតឹង ក្នុងការរកអ្នកឈ្នះ។
នៅក្នុងការប្រកួតជុំទី ៥ នេះ សូត្រ ប៊ុនធី ក្លិបបក្សីស្លាបដែក ដែលឈ្នះទាំង ៤ លើកជាប់ៗគ្នានោះ នឹងត្រូវធ្វើការប្រកួតជាមួយសិស្សគណក្លិបរដ្ឋសែនជ័យ ៣១៧ គូលែន ទី ពន្លែត ដែលត្រូវបានគណៈកម្មការដាក់ឲ្យប្រកួតជំនួសកីឡាករ ណាម ម៉ូរ៉ាក់ មកពីក្លិបពន្លឺសាមគ្គីខេត្តបាត់ដំបង ដែលមានបញ្ហាសុខភាព ហើយ ទី ពន្លែត ដែលបានចាញ់ ឃីម បូរ៉ា ទាំងទ្រមខ្លួនកាលពីថ្ងៃសៅរ៍ សប្តាហ៍មុននោះ មិនមែនជាឧបសគ្គចំពោះ សូត្រ ប៊ុនធី ក្នុងការស្វែងរក ៣ ពិន្ទុបន្ថែម ក្នុងការប្រកួតលើកនេះនោះទេ។
ផ្ទុយទៅវិញ ការវិលមកជួបគ្នារបស់កីឡាករ ឱម សំរេច ក្លិបកងពលតូចទ័ពឆត្រយោង ៩១១ និង ឃីម បូរ៉ា មកពីក្លិបរស្មីភូមិគាបខេត្តបន្ទាយមានជ័យ លើកនេះវាអាចនឹងក្លាយជាការប្រកួតដ៏តានតឹងមួយ ព្រោះអ្នកទាំង ២ នេះមិនធ្លាប់ជួបគ្នាពីមុនមកនោះទេ ហើយកម្រិតវិជ្ញាគុន ក៏មានភាពប្រហាក់ប្រហែលគ្នាដែរ។ ប៉ុន្តែ ឃីម បូរ៉ា ដែល ៤ ប្រកួត ឈ្នះ ៣ និងចាញ់ ១ ដង ដោយមាន ១០ ពិន្ទុនោះ ត្រូវបានគេរំពឹងថា អាចមានភាគរយឈ្នះ ច្រើនលើ ឱម សំរេច ដែល ៤ ប្រកួតកន្លង មកឈ្នះ ២ និងចាញ់ ២ ដង ព្រោះការវាយចេញរបស់ បូរ៉ា ច្បាស់ជាង សំរេច ពិសេសគឺស្នៀតជង្គង់របស់គេតែម្តង។
ចំពោះការវិលមកជួបគ្នារបស់កីឡាករ លាស់ យីន មកពីក្លិបសម្រែករាជសីហ៍បង្ក្រាបគ្រឿងញៀន និងថុល មករា ក្លិបឃ្លាំងមឿងកីឡា វិញ ក៏ពិបាកទស្សន៍ទាយដែរ ព្រោះពួកគេមានសមត្ថភាព និងបច្ចេកទេសប្រហាក់ប្រហែលគ្នា ខណៈការប្រកួត ៤ លើកកន្លងមក លាស់ យីន និង ថុល មករា បានឈ្នះ ២ ចាញ់ ២ ដោយមានមាន ៨ ពិន្ទុស្មើគ្នា ព្រោះការប្រកួតលើកទី ៤ កាលពីថ្ងៃសៅរ៍ កន្លង មកនេះ លាស់ យីន បានយកឈ្នះជើងខ្លាំង មាស ច័ន្ទមាន ដោយពិន្ទុ ឯ មករា ឈ្នះ ជ័យ ប៊ុនសង់ ដោយពិន្ទុដូចគ្នា។
ដោយឡែក មាស ច័ន្ទមាន របស់សមាគមកីឡាប្រដាល់ក្រសួងការពារជាតិ និង ជ័យ ប៊ុនសង់ ក្លិបគីសែមានរិទ្ធ វិញអ្នកទស្សនាភាគច្រើនគិតថា គ្មានភាពតឹងតែងនោះទេ ព្រោះ ប៊ុនសង់ ប្រហែលជាគ្មានសមត្ថភាពអាចឈ្នះ ច័ន្ទមាន ឡើយ ព្រោះបទពិសោធប្រកួតខុសគ្នាឆ្ងាយ។ ប៉ុន្តែ ច័ន្ទមាន បានចាញ់ លាស់ យីន កាលពីសប្តាហ៍មុន ដែលជារឿងចម្លែកមួយ គួរកត់សម្គាល់ដែរ ដោយមិនដឹងថា ច័ន្ទមាន មានចេតនាចាញ់ ឬយ៉ាងណានោះទេ ហើយការចាញ់នោះ បានធ្វើឲ្យ ៤ ប្រកួតរបស់ ច័ន្ទមាន ឈ្នះ ៣ និងចាញ់ ១ ដង តែ ជ័យ ប៊ុនសង់ បានចាញ់ទាំង ៤ ប្រកួតតែម្តង ហេតុនេះ ប៊ុនសង់ គេចមិនផុតពីការហាលអាវនោះទេ៕
កីឡាករ សូត្រ ប៊ុនធី (ឆ្វេង) បានទាត់ទៅលើ ឱម សំរេច ក្នុងការប្រកួតវិលជុំលើកទី ៤ ។
នៅក្នុងការប្រកួតជុំទី ៥ នេះ សូត្រ ប៊ុនធី ក្លិបបក្សីស្លាបដែក ដែលឈ្នះទាំង ៤ លើកជាប់ៗគ្នានោះ នឹងត្រូវធ្វើការប្រកួតជាមួយសិស្សគណក្លិបរដ្ឋសែនជ័យ ៣១៧ គូលែន ទី ពន្លែត ដែលត្រូវបានគណៈកម្មការដាក់ឲ្យប្រកួតជំនួសកីឡាករ ណាម ម៉ូរ៉ាក់ មកពីក្លិបពន្លឺសាមគ្គីខេត្តបាត់ដំបង ដែលមានបញ្ហាសុខភាព ហើយ ទី ពន្លែត ដែលបានចាញ់ ឃីម បូរ៉ា ទាំងទ្រមខ្លួនកាលពីថ្ងៃសៅរ៍ សប្តាហ៍មុននោះ មិនមែនជាឧបសគ្គចំពោះ សូត្រ ប៊ុនធី ក្នុងការស្វែងរក ៣ ពិន្ទុបន្ថែម ក្នុងការប្រកួតលើកនេះនោះទេ។
ផ្ទុយទៅវិញ ការវិលមកជួបគ្នារបស់កីឡាករ ឱម សំរេច ក្លិបកងពលតូចទ័ពឆត្រយោង ៩១១ និង ឃីម បូរ៉ា មកពីក្លិបរស្មីភូមិគាបខេត្តបន្ទាយមានជ័យ លើកនេះវាអាចនឹងក្លាយជាការប្រកួតដ៏តានតឹងមួយ ព្រោះអ្នកទាំង ២ នេះមិនធ្លាប់ជួបគ្នាពីមុនមកនោះទេ ហើយកម្រិតវិជ្ញាគុន ក៏មានភាពប្រហាក់ប្រហែលគ្នាដែរ។ ប៉ុន្តែ ឃីម បូរ៉ា ដែល ៤ ប្រកួត ឈ្នះ ៣ និងចាញ់ ១ ដង ដោយមាន ១០ ពិន្ទុនោះ ត្រូវបានគេរំពឹងថា អាចមានភាគរយឈ្នះ ច្រើនលើ ឱម សំរេច ដែល ៤ ប្រកួតកន្លង មកឈ្នះ ២ និងចាញ់ ២ ដង ព្រោះការវាយចេញរបស់ បូរ៉ា ច្បាស់ជាង សំរេច ពិសេសគឺស្នៀតជង្គង់របស់គេតែម្តង។
ចំពោះការវិលមកជួបគ្នារបស់កីឡាករ លាស់ យីន មកពីក្លិបសម្រែករាជសីហ៍បង្ក្រាបគ្រឿងញៀន និងថុល មករា ក្លិបឃ្លាំងមឿងកីឡា វិញ ក៏ពិបាកទស្សន៍ទាយដែរ ព្រោះពួកគេមានសមត្ថភាព និងបច្ចេកទេសប្រហាក់ប្រហែលគ្នា ខណៈការប្រកួត ៤ លើកកន្លងមក លាស់ យីន និង ថុល មករា បានឈ្នះ ២ ចាញ់ ២ ដោយមានមាន ៨ ពិន្ទុស្មើគ្នា ព្រោះការប្រកួតលើកទី ៤ កាលពីថ្ងៃសៅរ៍ កន្លង មកនេះ លាស់ យីន បានយកឈ្នះជើងខ្លាំង មាស ច័ន្ទមាន ដោយពិន្ទុ ឯ មករា ឈ្នះ ជ័យ ប៊ុនសង់ ដោយពិន្ទុដូចគ្នា។
ដោយឡែក មាស ច័ន្ទមាន របស់សមាគមកីឡាប្រដាល់ក្រសួងការពារជាតិ និង ជ័យ ប៊ុនសង់ ក្លិបគីសែមានរិទ្ធ វិញអ្នកទស្សនាភាគច្រើនគិតថា គ្មានភាពតឹងតែងនោះទេ ព្រោះ ប៊ុនសង់ ប្រហែលជាគ្មានសមត្ថភាពអាចឈ្នះ ច័ន្ទមាន ឡើយ ព្រោះបទពិសោធប្រកួតខុសគ្នាឆ្ងាយ។ ប៉ុន្តែ ច័ន្ទមាន បានចាញ់ លាស់ យីន កាលពីសប្តាហ៍មុន ដែលជារឿងចម្លែកមួយ គួរកត់សម្គាល់ដែរ ដោយមិនដឹងថា ច័ន្ទមាន មានចេតនាចាញ់ ឬយ៉ាងណានោះទេ ហើយការចាញ់នោះ បានធ្វើឲ្យ ៤ ប្រកួតរបស់ ច័ន្ទមាន ឈ្នះ ៣ និងចាញ់ ១ ដង តែ ជ័យ ប៊ុនសង់ បានចាញ់ទាំង ៤ ប្រកួតតែម្តង ហេតុនេះ ប៊ុនសង់ គេចមិនផុតពីការហាលអាវនោះទេ៕
Post a Comment