តាមសំដីភ្នាក់ងាររបស់កីឡាករ Paul Pogba ខ្សែបម្រើក្រុម Juventus បានបង្ហាញថា Pogba ត្រូវមានតម្លៃខ្លួន 100 លានអឺរ៉ូសំរាប់ការផ្ទេរចេញនៅពីក្រុមនារដូវក្តៅនេះ។ថាប្រសិនបើក្រុម Real Madrid មានចំណាប់អារម្មណ៍អាចទូរស័ព្ទមកទំនាក់ទំនងគាត់ដោយផ្ទាល់បាន។
Mino Viola ភ្នាក់ងាររបស់កីឡាករ Paul Pogba ខ្សែបម្រើក្រុម Juventus ក្លិបកំពូលតារាងរបស់ក្របខ័ណ្ឌ Serie A អ៊ីតាលីបានអះអាងប្រាប់ក្លិបយក្សអេស្ប៉ាញ Real Madrid ក្របខ័ណ្ឌ La Liga ថាត្រូវចំណាយប្រាក់ 100 លានអឺរ៉ូ បើសិនចង់បានកីឡាករនៅក្នុងថែររក្សាររបស់ពួកខ្លួនដើម្បីចូលរួមលេងនៅ Santiago Bernabeu ក្នុងរដូវក្តៅនេះ។
ភ្នាក់ងារដ៍ល្បីបានបង្ហាញតាមរយៈ "Marca" កាសែតកីឡាប្រចាំថ្ងៃដ៍ល្បីល្បាញរបស់អេស្ប៉ាញ កាលពីថ្ងៃសៅរ៍ទី 21 ខែកុម្ភៈថា: «បើក្រុម Real Madrid ចង់បាន Pogba ពួកគេគួរតែទូរស័ព្ទមករកខ្ញុំ ម៉ាឌ្រីដគឺជាក្លិបដ៏គ្រោះថ្នាក់មួយក្នុងការផ្លាស់ទីទៅនៅហើយវាជាសម្ពាធមួយចំពោះកីឡាកអាជីពផងដែរ ប៉ុន្តែ Pogba បាន ត្រៀម ខ្លួនរួចជាស្រេចហើយសម្រាប់បញ្ហានេះ»។
"គាត់មានសមាធិនិងបទពិសោធន៍ជាច្រើននៅក្នុង ជីវិតនិងអាជីពរបស់គាត់ផ្ទាល់។ គ្មានអ្វីហួសពីសមត្ថភាពដែលមិនអាចធ្វើទៅរួចទេសម្រាប់គាត់។ខ្ញុំដឹងថា Zinedine Zidane និងលោក Carlo Ancelotti លោកគ្រូបង្វឹកក្រុម Real Madrid ក៌ចាប់អារម្មណ៍នឹងគាត់ដែរ។ ប៉ុន្តែឥឡូវនេះគាត់ចាប់អារម្មណ៍តែក្រុម Juventus ប៉ុណ្ណោះ។
និយាយអំពីប្រាក់វាគ្មានបញ្ហាទេសម្រាប់ក្លិបដូចជាក្លិប Real Madrid នោះ ប៉ុន្តែបើសិនជាក្លិបណាហ៊ានចំណាយប្រាក់100 លានអឺរ៉ូសម្រាប់ខ្លួនគាត់ក្លិបនោះ នឹងទទួលបានហត្ថលេខារបស់អនាគតតារាពិភពលោកយ៉ាងពិតប្រាកដ។ នេះជាសំដីរបស់លោក Viola"។
Post a Comment