"ខ្លាធំ" ក្លិប Bayern Munich បានបង្ហាញពីការវាយប្រហារទៅលើក្រុម Paderborn យ៉ាងព្រៃផ្សៃដោយលទ្ធផល 6-0 បានបីពិន្ទុបន្ថែមទៀតយ៉ាងស្រួលក្នុងក្របខ័ណ្ឌ Bundesliga របស់អាល្លឺម៉ង់កាលពីថ្ងៃសៅរ៍ទី 21 ខែកុម្ភៈកន្លងទៅ។
ចាប់ផ្តើមប្រកួតបាន 9 នាទី ម្ចាស់ផ្ទះគួរតែបានបាល់ពិន័យខណះដែរ Boateng បានបញ្ជូនបាល់ថយក្រោយ ប៉ុន្តែ Neuer បានប្រើដៃចាប់នៅក្នុងតំបន់គ្រោះថ្នាក់ ប៉ុន្តែអាជ្ញាកណ្តាលបែរជាមើលឃើញបាល់ត្រូវជើង Neuer ទៅវិញ។
លុះដល់នាទី 23 ក្លិប Bayern Munichបាននាំមុខ 1-0 នៅចង្វាក់ដែល Arjen Robben បញ្ជូនបាល់តាមចន្លោះអោយ Robert Lewandowski ស៊ុតជើងស្តាំចូល ទៅ។
មកដល់នាទី 34 ក្រុម Bayern Munich នាំមុខ 2-0 ដោយលោក Thomas Muller បានស៊ុតជើងស្ដាំក្នុងតំបន់គ្រោះថ្នាក់ទៅត្រូវជើង Patrick Ziegler បាល់ ទៅដល់ Ribéry នៅស្លាបខាងឆ្វេងហើយគាត់បានបញ្ជូនបាល់មកបង្គោលទីមួយ Lewandowski រត់មកស៊ុតបន្ថែមបានមួយទៀត។ ចប់តង់ទីមួយ Paderborn 0-2 Bayern។
ចូលមកដល់តង់ទីពីរលេងបានត្រឹមនាទី 69 ម្ចាស់ផ្ទះនៅសល់គ្នា 10 នាក់ នៅពេលដែល Florian Hartherz ទៅបៀត Arjen Robben ដួល អាជ្ញាកណ្តាលបានពិន័យកាតក្រហមហើយអោយបាល់ Penalty ទៅ Bayern កីឡាករ Robben ទទួលតួនាទីស៊ិតអោយ Bayern នាំមុខ 3-0 ។
បន្ទាប់មកក្រុមភ្ញៀវបានវាយសម្រុកតែម្ខាង រហូតនាទី 72 Bayern មកបានមួយគ្រាប់ទៀតពេលដែល Robben ប៉ះបាល់ខ្ទាតទៅដល់ Ribery ស៊ុតជើងស្តាំមិន ផ្លាត 4-0 ។ ប៉ុណ្ណឹងមិនគ្រាន់នាទី 78 មកបានបន្ថែមមួយគ្រាប់ទៀតដោយកីឡាករបម្រុងលោក Mitchell Weiser លទ្ធផល 5-0 ។
មុនពេលចុងបញ្ចប់នៃការប្រកួត 4 នាទីចុងក្រោយ Ribery បានញាក់បាល់ទៅឆ្វេងហើយឡក់បាល់មកជើងស្តាំមួយចង្វាក់រួចបោះបញ្ចូលទៅកណ្តាលទី Robben បានរត់មកទាត់ប្តូរទិសដៅចូលមួយទៀតដោយលទ្ធផល 6-0 ។ ចប់តង់ទីពីលទ្ធផលជាផ្លូវការ Paderborn 0 - 6 Bayern Munich ។
Post a Comment