អ្នកប្រដាល់ទម្ងន់ធ្ងន់របស់កម្ពុជា វ៉ន វីវ៉ា ដែលធ្លាប់មានឈ្មោះបោះសំឡេងផ្នែកក្បាច់គុនខ្មែរត្រូវឡើងសង្វៀនជាគូឯកក្នុងចំណោម ៧ គូ នៅព្រឹត្តិការណ៍ប្រដាល់ក្នុងទ្រុង Full Metal Dojo ជាមួយកីឡាករល្បីរបស់ថៃ Jomhod Kiatadisak លើសង្វៀន Live House Studio ក្នុងទីក្រុងបាងកក ប្រទេសថៃ ចាប់ពីម៉ោង ៦ល្ងាចថ្ងៃសៅរិ៍ ទី ២១ កុម្ភៈ នេះតទៅ។
តាមដំណឹងច្បាស់ការ ព្រឹត្តិការណ៍នេះពុំមានផ្សាយបន្តផ្ទាល់មកប្រទេសកម្ពុជាឡើយ ហើយPage ផ្លូវការរបស់កម្មវិធីក៏ពុំបានបញ្ជាក់ថាមានផ្សាយតាមទូរទស្សន៍ នៅប្រទេសថៃដែរ ស្របពេលលក់សំបុត្រ មានតម្លៃទាបបំផុត១២០០បាត (ប្រហែល៣៦.៨៤ដុល្លារ) និងខ្ពស់បំផុតដល់៣៥០០បាត (ប្រហែល១០៧.៤៦ដុល្លារ)។
កីឡាករកម្ពុជា ចំនួន ៣ នាក់ក្នុងនោះមាន ថៃ រិទ្ធី, ចាន់ ហេង និង វ៉ន វីវ៉ា ដឹកនាំដោយលោកលោក ហ៊ុន ច័ន្ទរាជ គ្រូបង្ហាត់ MMA ប្រចាំក្លិប Afighter បានចេញដំណើរទៅប្រកួតកាលពីថ្ងៃ ១៨ ខែ កុម្ភៈ កន្លងទៅឆ្ពោះទៅកាន់ក្រុងបាងកក ដើម្បីត្រៀមប្រកួតនៅល្ងាចនេះ។
ការប្រកួតក្បាច់គុនចម្រុះទាំង ៧ គូនៅល្ងាចនេះមាន៖
គូទី១ ៖ Fabian Pettersson (ស៊ុយអែត) vs ថៃ រិទ្ធី (កម្ពុជា)
គូទី២ ៖ Detchadin Srosirisuphathin (ថៃ) vs ចាន់ ហេង (កម្ពុជា)
គូទី៣ ៖ Andres da Forno (ស៊ីលី) vs Jason Archilla (ព័រតូរីកូ)
គូទី៤ ៖ Michael Dubois (បារាំង) vs Dmitrijs Homjakov (ស៊ុយអែត)
គូទី៥ ៖ Viktor Larson (ស៊ុយអែត) vs Mamoru Kashiwakura (ជប៉ុន)
គូទី៦ ៖ Ratcharat Yimprai (ថៃ) vs Teera Ratprasertporn (ថៃ)
គូទី៧ ៖ Jomhod Kiatadisak (ថៃ) vs វ៉ន វីវ៉ា (កម្ពុជា)
Post a Comment