Man Utd មិនទាន់រកឃើញ អ្នកជំនួស តំណែង Ferguson ប្រាកដនៅឡើយទេ

គិតមកដល់ពេលនេះ មានរយៈពេលជិត ២ឆ្នាំហើយ ដែលអតីតក្រុមជើងខ្លាំង បិសាចក្រហម Manchester United នៅមិនទាន់រកឃើញគ្រូបង្វឹក សម្រាប់ជំនួស កៅអីគ្រូបង្វឹកឆ្នើម Sir-Alex Ferguson នៅឡើយ ទេចាប់តាំងពីគាត់បានចូល និវត្តន៍ពីបាល់ទាត់ នាខែឧសភា ឆ្នាំ២០១៣មក ។ នេះបើយោងតាមភ្នាក់ងារ Mendes របស់ក្លឹប Man Utd ប្រាប់គេហទំព័រ BBC ។

គ្រូបង្វឹកជនជាតិស្កុតឡេន វ័យ៧៣ឆ្នាំ Ferguson សម្រេចចិត្តចូល និវត្តន៍ពីបាល់ទាត់ ជាផ្លូវនាថ្ងៃទី២៥ ខែឧសភា ឆ្នាំ ២០១៣ ក្រោយពេលដែល ជួយឲ្យ Man Utd ឈ្នះពាន Premier League បានចំនួន១៣ពាន និងពានផ្សេងៗទៀតជិត ៤០ពានក្នុងការដឹកនាំ Man Utd រយៈពេលជាង ២៦ឆ្នាំមកនេះ ក្នុងទឹកដី Old Trafford ដែលបានបើកឱកាសមិត្ត រួមគ្រូរបស់គាត់ David Moyes បានលាឈប់ពីក្រុម Everton មកដឹកនាំ បិសាចក្រហមតែម្តង ។

David Moyes វ័យ៥១ឆ្នាំបានដឹកនាំ Man Utd ត្រឹមតែ១ រដូវកាលប៉ុណ្ណោះ ធ្វើឲ្យក្រុមខ្លាំងបាត់បង់អ្វីៗ ទាំងអស់ សូម្បី តែពាន១មិនបានឈ្នះផង ជាមួយនឹងមិនបានលេង នៅក្របខណ្ឌ UEFA Champions League ដោយសារតែឈរនៅ ចំណាត់លេខ៧ ក្រោយបិទរដូវកាល និងត្រូវបានបណ្តេញចេញ ពីតំណែងទៀតផង កាលពីខែឧសភា ឆ្នាំ២០១៤ ។

ក្រោយពីនោះមកទៀតលោក Louis van Gaal បានចូលដឹកនាំ Man Utd រហូតដល់បច្ចុប្បន្ន ក្នុងនាមជាគ្រូទី២ជំនួស កៅអីលោក David Moyes ដែលកំពុងដឹកនាំក្លឹប Real Sociedad របស់អេស្ប៉ាញ បន្ទាប់ពីលោក Van Gaal បានលាឈប់ ពីក្រុមជម្រើសជាតិហូឡង់ ក្នុងយុទ្ធនាការ World Cup 2014 នៅប្រទេសប្រេស៊ីល ត្រូវបានបញ្ចប់ដោយជាប់ ចំណាត់ថ្នាក់លេខ៣ តែរហូតមកដល់ពេលនេះ គ្រូបង្វឹកវ័យ៦៣ឆ្នាំរូបនេះ នៅមិនទាន់បង្ហាញជំនាញ ដឹកនាំគួរឲ្យកត់ សម្គាល់ ក៏ដូចជាឈ្នះពានធំ ណាមួយនៅឡើយទេ ក្រៅពីពានមិត្តភាពអន្តរជាតិ IIC Guinness ក្នុងទឹកដីសហរដ្ឋអាម៉េ រិកកាលពីដើម ខែសីហា ឆ្នាំ២០១៤ ដែលមានអតីតកីឡាករ ខ្សែបម្រើប្រយុទ្ធ Ryan Giggs ជាគ្រូជំនួយ ។

គ្រូបង្វឹក David Moyes

គ្រូជំនួយ Ryan Giggs (ឆ្វេង) និងគ្រូបង្គោល Louis van Gaal (ស្តាំ)

តែយ៉ាងណាក៏ដោយភ្នាក់ងារ Mendes ក៏មិនទាន់វាយតម្លៃ ពីសមត្ថភាពដឹកនាំ របស់លោក Van Gaal ដឹកនាំទាំងស្រុង ១០០ភាគរយនៅឡើយទេ ខណៈដែលនៅសល់ ១៥ប្រកួតទៀត នឹងបញ្ចប់រដូវកាល ឆ្នាំ២០១៤-២០១៥នៃ Premier League របស់អង់គ្លេស និងបានឈ្នះកៅអីមួយ រួចរាល់ហើយក្នុងវគ្គ ១៦ក្រុមចុងក្រោយនៃពាន FA Cup ក្រៅពីពានទី៣ Capital One Cup បានហាលអាវហើយនោះ ៕