ក្រុមបិសាចក្រហម Manchester United បានឡើងទៅជុំទី៥ នៃវគ្គ១៦ក្រុមចុងក្រោយដោយ ស្វ័យ ប្រវត្តិហើយនៃពានលំដាប់ទី២ FA Cup បន្ទាប់ពីបានទម្លាក់ក្រុមលេង នៅលីកលំដាប់ទី៣ អង់គ្លេស Cambridge United ៣-០ មិនឲ្យតដៃរួចនៅ កីឡដ្ឋាន Old Trafford យប់មិញនេះ ។
ក្នុងជំនួបជើងទី២ ក្រុមដែលកំពុងដឹកនាំដោយ គ្រូបង្វឹកជនជាតិហូឡង់ Louis van Gaal មិនបានទុកមុខ ក្រុមភ្ញៀវក្មេង ខ្ចីនេះឡើយ ក្រោយពេលដែល ជើងទី១ នៅទឹកដីផ្ទះរបស់ Cambridge មានលទ្ធផលស្មើ ០-០ ក្នុងជុំទី៤ ដើម្បីឡើង ទៅជួបក្រុម Preston North End ក្នុងជុំទី៥ បន្តទៀត ។
ក្នុងជំនួបបើកឆាកវគ្គទី១ រយៈពេល ៤៥នាទីដំបូង Man Utd បានធ្វើការនាំមុខ Cambridge ២-០ បណ្តោះអាសន្នពីការស៊ុតគ្រាប់នៃមុខ នាំមុខដោយកីឡាករខ្សែបម្រើប្រយុទ្ធ Juan Mata មុនពេលមិត្តរួមក្រុមខ្សែការពារ Marcos Rojo តែតនៅនាទី២៥ និង ៣២ មុនពេល James Wilson បន្ថែមគ្រាប់ទី៣ ជាកិច្ចបង្ហើយបុណ្យ នៅនាទី ៧៤ រហូតដល់បញ្ចប់ នៃការប្រកួត ពេញម៉ោង ។ យ៉ាងណាក៏ដោយ Man Utd អាចនៅមានសង្ឃឹម ឈ្នះពានលំដាប់ទី២ របស់អង់គ្លេស FA Cup នេះផង ដែរ ខណៈដែលក្រុមខ្លាំងមាន Chelsea និងម្ចាស់ជើងឯកឆ្នាំទៅ Manchester City បានហាលអាលអាវ ហើយនោះ តាំងពីជុំទី៤ ដោយនៅសល់តែគូប្រជែង យ៉ាងក្តៅគគុក Liverpool និង Arsenal ដែលគួរឲ្យចាប់អារម្មណ៍ បើទោះបីដឹង ថាពានធំ Premier League នឹងមិនអាចឈ្នះ Chelsea ក៏ដោយ ។
សម្រាប់លទ្ធផល២ប្រកួតផ្សេងទៀត នាយប់មិញនេះដែរ គឹក្រុមម្ចាស់ផ្ទះ Fulham បានហាលអាវបាត់ទៅហើយ បន្ទាប់ពីចាញ់ក្រុមភ្ញៀវ Sunderland ៣-១ និង Sheffield United Preston North End ៣-១ ដូចគ្នានោះ ៕
Post a Comment