ប្រជាធិបតីសហរដ្ឋអាមេរិក លោកបារ៉ាក់ អូបាម៉ា បានអះអាងថា អាមេរិកចាប់ផ្ដើមយល់ឃើញថា អ្វីទៅគឺជាការប្រកួតដ៏ស្រស់បំព្រង ក្រោយពីលោកទទួលស្វាគមន៍ក្រុម LA Galaxy សម្រាប់ជ័យជំនះរបស់ពួកគេនៅ MLS។
កីឡាករក្រុម LA Galaxy ទទួលបានការស្វាគមន៍រួមគ្នាជាមួយក្រុមវាយកូនបាល់លើទឹកកក La Kings នៅក្នុងពិធីមួយដែលរៀបចំឡើងកាលពីថ្ងៃចន្ទ នៅឯសេតវិមាន។
ដោយឡែក អតីតខ្សែប្រយុទ្ធរបស់ក្លិបមាន់ខ្នាយមាស Spurs និងក្លិបហង្សក្រហម Liverpool កីឡាករ Robbie Keane បានឈរថតជាប់នឹងលោកអូបាម៉ា ជាមួយនឹងការបង្ហាញអាវរបស់ក្រុម LA Galaxy។
លោកប្រធានាធិបតីបានមានប្រសាសន៍ថា លោកសូមអបអរសាទរក្នុងនាមជាអ្នកគ្រាំទ្របាល់ទាត់មួយរូបនៅឈីកាហ្គោ ហើយជូនពរឲ្យរដ្ឋឡូសអានជឺឡេស បង្កើតក្រុមឲ្យបានច្រើន។ លោកបានអះអាងទៀតថា រដ្ឋឡូសអាន់ជឺឡេស សម្បូរដោយធនធានមនុស្សសម្រាប់វិស័យកីឡាករ ហើយលោកពិតជាចាប់អារម្មណ៍ណាស់ កាលដែលទីក្រុងមួយ ដែលគ្មាន ព្រិលធ្លាក់ ឬទឹកកក បែរជាមានក្រុមវាយកូនបាល់លើទឹកកកបែបនេះ។
ខណៈនោះដែរ លោកអូបាម៉ា កោតសរសើរយ៉ាងពិសេសដល់តារាបាល់ទាត់របស់ក្លិប LA Galaxy កីឡាករ Robbie Rogers ដែលជាកីឡាករភេទទី៣លើកដំបូងនៅ MLS៕
Post a Comment