បន្ទាប់ពីធ្វើការពិនិត្យរួចមក គ្រូពេទ្យរបស់ក្លិប Real Madrid បានបញ្ជាក់ថា James Rodriguez បានបាក់ឆ្អឹងត្រង់កែងជើង ដែលមិនអាចចូលប្រកួត ឬដើរបាននោះទេ ហើយត្រូវប្រើពេលព្យាបាលដល់ទៅ២ខែឯណោះ។ 
ក្នុងរយៈពេលព្យាបាលនេះដែរ ខ្សែបម្រើវ័យ២៣ឆ្នាំរូបនេះនឹងមិនអាចប្រើជើងខាងឆ្វេងបាននោះទេ ពោលគឺត្រូវអង្គុយនៅលើរទេះរុញជាបណ្ដោះអាសន្ន។ នេះបើតាមការបញ្ជាក់របស់ក្រុមគ្រូពេទ្យ។ អវត្តមានខ្សែបម្រើឆ្នើមរូបនេះ ធ្វើឱ្យលោក Carlo Ancelotti អ្នកចាត់ការក្រុម Real Madrid មិនសប្បាយចិត្តនោះទេ ព្រោះក្រុមជិតមានប្រកួតធំផងទាំងនៅ La Liga និង Champions League ខណៈដែលខ្សែការពារ Sergio Ramos ក៏មានរបួសសរសៃពួរដែរនោះ។
របួសរបស់ខ្សែបម្រើជម្រើសជាតិកូឡុំប៊ីខាងលើនេះគឺមានន័យថាជាឱកាសរបស់ Jese Rodriguez ឬ Sami Khedira ហើយក្នុងការបានចូលលេងនៅជម្រើសដំបូង ព្រោះតាំងពីអតីតកីឡាករក្រុម Monaco ចូលមក ពួកគេទាំងពីរនាក់នេះតាមត្រឹមបម្រុងទាំងអស់៕
Post a Comment