លោកJorge Mendes ដែលជាកំពូលភ្នាក់ងារដ៏ឆ្នើមម្នាក់នៅក្នុងពិភពបាល់ទាត់នោះ មានជំនឿយ៉ាងមុតមាំថា មានតែព្រះអាទិទេពមួយគត់ដែលអាចជំនួសលោក Sir Alex Fergusonនៅក្លិប Man Utd ប៉ុន្តែនៅក្លិបតោខៀវ Chelseaអាចរកអ្នកជំនួសបានត្រឹមសមត្ថភាពត្រឹមលោក Jose Mourinho។
គួរឲ្យដឹងថា អតីតគ្រូបង្វឹកសញ្ជាតិស្កុតលែនម្នាក់នេះ បានចាកចេញពីទឹកដី Old Trafford កាលពីឆ្នាំ២០១៣ ក្រោយឈ្នះជើងឯកចំនួន៣៨ អំឡុងរជ្ជកាលរយៈពេល២៧ឆ្នាំរបស់លោក នៅជាមួយក្លិប ហើយទាំងលោក David Moyesនិងលោក Louis van Gaal សុទ្ធតែជួបការលំបាកដូចគ្នាអំឡុងការគ្រប់គ្រងនៅរដូវកាលដំបូងរបស់ពួកគេ។
ដោយសារតែកត្តាទាំងហ្នឹងហើយ ទើបបានជាលោក Mendesយល់ឃើញថាប្រសិនបើ Fergusonបន្តនៅដឹកនាំក្រុម ជាជាងលោក Van Gaalនោះក្រុមជើងឯកបាល់ទាត់អង់គ្លេស២០សម័យមួយនេះ ប្រាកដជាឈរនៅចំណុចទីតាំងល្អប្រសើរជាងពេលបច្ចុប្បន្នជាក់ជាពុំខានឡើយ។
ប៉ុន្តែយ៉ាងណាក៏ដោយ លោកបាននិយាយប្រាប់ BBCថា លោក Ed Woodward បច្ចុប្បន្នគឺជាអនុប្រធានប្រតិបត្តិរបស់ក្លិប Man Utd នោះ គឺជាមនុស្សម្នាក់គត់ ដែលអាចនាំក្លិបមួយនេះទៅរកផ្លូវត្រូវបាន ប៉ុន្តែប្រសិនបើលោក Fergusonនៅវិញនោះ ក្លិបមួយនឹងកាន់តែអស្ចារ្យថែមមួយកម្រិតទៀត។
ខណៈនោះដែរ លោក Mendesដែលជាភ្នាក់ងាររបស់កីឡាករ Cristiano Ronaldoដែរនោះ បាននិយាយទទួលស្គាល់ដែរថា នៅអង់គ្លេសសព្វថ្ងៃមានលោក Mourinhoម្នាក់ដែរ គឺជាគ្រូបង្វឹកឆ្នើមម្នាក់ ដែលអាចលើកស្ទួយសេចក្តីថ្លៃថ្នូរបាល់ទាត់នៅក្នុងចក្រភពអង់គ្លេស៕
Post a Comment