លោក Jose Mourinho ដែលជាគ្រូបង្វឹករបស់ក្រុម Chelsea ត្រូវបានផ្តល់ឲ្យនូវការជឿជាក់ដ៏ចម្បងមួយ ក្រោយពីបានប្រកាសថា ខ្សែបម្រើ Cesc Fabregas នឹងវិលទៅចូលរួមក្នុងក្រុមរបស់លោកវិញក្នុងពេលធ្វើជាម្ចាស់ផ្ទះទទួលភ្ញៀវ Everton នៅរាត្រីនេះ។
ខ្សែបម្រើអន្តរជាតិអេស្ប៉ាញដ៏ឆ្នើម Fabregas ត្រូវបានប្តូរចេញអំឡុងពេលក្រុមខ្លួនទទួលជ័យជម្នះក្នុងការប្រកួត League Cup វគ្គពាក់កណ្តាលផ្តាច់ព្រ័ត្ររបស់ក្រុមតោខៀវលើក្រុម Liverpool ដោយសារតែបញ្ហារបួសសរសៃពួរគន្លាក់ជើង និងបានអវត្តមានក្នុងពេលក្រុមខ្លួនបញ្ចប់ក្នុងលទ្ធផលស្មើជាមួយនឹង Manchester City និងការទទួលជ័យជម្នះនៅលើទឹកដីក្រុម Aston Villa កាលបីថ្ងៃសៅរ៍។ប៉ុន្តែ លោក Mourinho បានប្រកាស់ថា Fabregas នឹងវិលទៅចូលលេងក្នុងតំបន់បម្រើវិញសម្រាប់ការប្រកួតនៅកីឡដ្ឋាន Stamford Bridge ខណៈដែលក្រុមតោខៀវរបស់គេសម្លឹងរកការរក្សាការនាំមុខ៧ពិន្ទុពីលើក្រុម Man City នៅលើកំពូលតារាង។ លោក Mourinho បានឲ្យដឹងថា៖ «ខ្ញុំគិតថា Fabregas នឹងលេងនៅថ្ងៃពុធនេះ ពីព្រោះកាលពីថ្ងៃសៅរ៍ វាជាការសម្រេចចិត្តមួយក្នុងការការពាររូបគេ»។ គ្រូបង្វឹករូបនេះបានប្រាប់បន្តថា៖ «យងើមិនចង់ប្រថុយប្រើប្រាស់កីឡាករពីរនាក់ក្នុងពេលតែមួយឡើយ។ យើងបានប្រថុយប្រើប្រាស់ Willian ហើយការប្រថុយដាក់កីឡាករពីរនាក់ឲ្យលេងក្នុងជម្រើសដំបូង គឺជាការប្រថុយប្រថានដ៏ធំមួយ។ យើងបានប្រថុយជាមួយនឹងកីឡាករតែម្នាក់»។ ក្នុងពេលអវត្តមាន Fabregas កីឡាករ Ramires ត្រូវបានជ្រើសរើសដាក់ឲ្យលេងក្នុងតំបន់បម្រើរួមជាមួយនឹង Nemanja Matic ក្រោយពីកីឡាកររូបនេះបានជាសះស្បើយពីរបួសពេញលេញវិញ ហើយលោក Mourinho បានទទួលស្គាល់ថា វាពិតជាជំនួយដ៏អស្ចារ្យក្នុងមានកីឡាករឆ្នើមៗជាច្រើនដូចនេះ។ Mourinho បានបញ្ជាក់ថា៖ «Ramires ដ៏ខ្លាំងបំផុតត្រឡប់មកវិញហើយ ហើយ Ramires ដ៏ខ្លាំងបំផុតបានលេងជាមួយនឹង Liverpool Man City និង Aston Villa។ រូបគេជាកីឡាករផ្សេងគ្នាម្នាក់បើប្រៀបធៀបទៅនឹង Fabregas ប៉ុន្តែ គេជាកីឡាករដ៏អស្ចារ្យម្នាក់សម្រាប់យើង»។លោក ក៏បានធ្វើការកោតសរសើរទៅលើខ្សែការពារ Branislav Ivanovic ក្រោយពីគ្រាប់បាល់ស៊ុតបញ្ចូលទីដ៏អស្ចារ្យរបស់គេក្នុងពេលទទួលជ័យជម្នះ ២-១ នៅលើទឹកដីក្រុម Aston Villa។ គ្រូបង្វឹករូបនេះបានឲ្យដឹងបន្ថែមទៀតថា៖ «រាល់ខ្សែប្រយុទ្ធទាំងអស់ក្នុងពិភពលោកគួរតែមានមោទនភាពក្នុងការស៊ុតបាល់បញ្ចូលទីនូវគ្រាប់បាល់ដ៏អស្ចារ្យនោះ។ 
ក្រុម Everton មិនធ្លាប់បានទទួលជ័យជម្នះក្នុងការប្រកួតលីកសោះនៅលើទឹកដី Stamford Bridge បើគិតចាប់តាំងពីខែវិច្ឆិកា ឆ្នាំ១៩៩៤ ប៉ុន្តែ ខ្សែការពារ Bryan Oviedo ជឿជាក់ថា ក្រុមរបស់លោក Roberto Martinez អាចជម្នះនឹងប្រវត្តិសាស្ត្រកាលពីពេលថ្មីៗនេះ និងបញ្ចប់កំណត់ត្រាដ៏អន់នោះ។ ទោះបីជាយ៉ាងណា ក្នុងជំនួបលើកចុងក្រោយរវាងក្រុមទាំងពីរ Chelsea បានបំបាក់ Everton ក្នុងលទ្ធផល ៦-៣ កាលពីខែសីហា ឆ្នាំ២០១៤ កន្លងទៅ៕ កម្មវិធីប្រកួតថ្ងៃនេះ Chelsea v Everton – 2:45 ទៀបភ្លឺ 31/08/14 Everton 3-6 Chelsea22/02/14 Chelsea 1-0 Everton15/09/13 Everton 1-0 Chelsea Man Utd v Burnley – 2:45 ទៀបភ្លឺ 30/08/14 Burnley 0-0 Manchester United16/01/10 Manchester United 3-0 Burnley20/08/09 Burnley 1-0 Manchester United Southampton v West Ham – 2:45 ទៀបភ្លឺ 30/08/14 West Ham United 1-3 Southampton22/02/14 West Ham United 3-1 Southampton15/09/13 Southampton 0-0 West Ham United Stoke v Man City – 2:45 ទៀបភ្លឺ 30/08/14 Manchester City 0-1 Stoke City22/02/14 Manchester City 1-0 Stoke City14/09/13 Stoke City 0-0 Manchester City Crystal Palace v Newcastle Utd – 3 ទៀបភ្លឺ 25/09/14 Crystal Palace 2-2 Newcastle30/08/14 Newcastle 3-3 Crystal Palace22/03/14 Newcastle 1-0 Crystal Palace West Brom v Swansea – 3 ទៀបភ្លឺ 30/08/14 Swansea City 3-0 West Brom15/03/14 Swansea City 1-2 West Brom01/09/13 West Brom 0-2 Swansea City
Post a Comment