កីឡាករ Philippe Coutinho ខ្សែបម្រើរបស់ហង្សក្រហម Liverpool ជំរុញទឹកចិត្តមិត្តរួមក្រុមអោយព្យាយាមរក្សារទំរង់លេងអោយបានល្អដូចដើម ដើម្បីប្រជែង ដណ្តើមពានរង្វាន់ UEFA Europa League អោយបាន ខ្ញុំជឿថា«ហង្សក្រហម: មានឱកាសយ៉ាងពិតប្រាកដបើសិនយើងរក្សារទំរង់លេងបានល្អប្រសើរបែបនេះ។
កីឡាករ Coutinho ខ្សែបម្រើកំពូលតិចនិចរបស់ក្រុមហង្សក្រហម Liverpool ក្លិបយក្សរបស់អង់គ្លេសក្របខ័ណ្ឌ Premier League បានជំរុញទឹកចិត្តមិត្តរួម ក្រុម ឱ្យរក្សាទំរង់លេងឱ្យបានល្អដូចបច្ចុប្បន្នដើម្បីរក្សានូវឱកាសដើម្បីដណ្តើមពានរង្វាន់ UEFA Europa League នារដូវកាលនេះមុនពេលនឺងបើកទឹកដី Anfield ទទួលភ្ញៀវក្រុម Besiktas នៃប្រទេសទួកគីក្នុងការប្រកួត វគ្គ 32 ក្រុម ជុំដំបូងដែលបានធ្វើឡើងនៅថ្ងៃព្រហស្បតិ៍ទី 19 ខែកុម្ភៈនេះ។
ខ្សែបម្រើប្រេស៊ីលអាយុ 22 ឆ្នាំរូបនេះបាននិយាយថា: «វាជាការសំខាន់ដើម្បីរក្សារទំរង់រលេងអោយបានល្អតាមគ្រូបង្វឹកដែលបានខិតខំប្រឹងប្រែងនៅក្នុងទីលាន ប្រកួត។ យើងគ្រប់គ្នាត្រូវតែជួយគ្នាលេងហ្គេមការពារអោយបានច្រើនពេលដែលគេគ្រប់គ្រងបាល់ ហើយខ្ញុំគិតថាវាជាការសំខាន់ដែលក្រុមនេះលេងបានយ៉ាងល្អដូចពេលនេះ។
«យើងបានដឹងថាការចាប់ផ្តើមនៃដើមរដូវកាលទំរង់លេងរបស់យើងគឺមិនល្អដូចនេះនោះទេ។ ប៉ុន្តែយើងបានខិតខំប្រឹងប្រែងរហូតហើយសង្ឃឹមថានឹងទទួលបានជោគជ័យនឹងឈ្នះពានរង្វាន់នេះ យើងមានឱកាសដ៏ល្អមួយក្នុងការប្រកួតប្រជែងពានរង្វាន់នេះ។ ឥឡូវក្រុមនេះលេងបានយ៉ាងល្អ ចំណែកឯកីឡាករដែលរបួស ក៏ជាសះស្បើយត្រឡប់មកវិញនិងបានសាមគ្គីជាធ្លង់មួយបានយ៉ាងល្អផងដែរ "។
«វាជាការប្រកួតដ៏អស្ចារ្យមួយក្នុងការជួបជាមួយក្រុម Besiktas ហើយពួកយើងក៏តាំងចិត្តរង់ចាំការប្រកួត Europa League ដែលជាក្របខណ្ឌ័សំខាន់នេះ ហើយខ្ញុំដឹងថាពួកគេគឺជាក្រុមដ៏ល្អមួយ, វាជាក៏ហ្គេមដ៏អស្ចារ្យ 2 ប្រកួតផងដែរ។ នេះជាសំដីរបស់កីឡាករ Coutinho»។
Post a Comment