ជ័យ ប៊ុនសង់ ក្លឹបខេមរិន្ទមានរិទ្ធត្រៀមឡើងសង្វៀន SEA-TV ដើម្បីសងសឹង ឆាយ មាស ក្លឹបសំរោងកោង កីឡាខេត្តបាត់ដំបង ស្របពេល ម៉ាត់ ឆ្វេង ក្លឹបក្រសួងការពារជាតិ ប៉ះ អាន មុន្នី ក្លឹបសុភានូមានជ័យនៃព្រឹត្តិការណ៍ កំពូលជើងឯក Black Cat នារាត្រីថ្ងៃអាទិត្យ ទី០៨ ខែកុម្ភៈ ឆ្នាំ២០១៥ចុងសប្តាហ៍នេះ ។
កីទ្បាករ ឆាយ មាស (ឆ្វេង) និង កីទ្បាករ ជ័យ ប៊ុនសង់
កណ្តាប់ដៃ និងស្នៀតជើងទាត់របស់ ប៊ុនសង់ លឿន ហើយគេវាយទៅតាមលក្ខណៈបច្ចេកទេសល្អថែមទៀត ។ ជាអ្នក ប្រដាល់ម្នាក់ដែលមានចិត្តធំ ប៊ុនសង់ វាយបុកទៅលើគូប្រកួតមុនជានិច្ច ជាមួយនឹងស្នៀតវាយលុកល្អ ជាមួយនឹង ស្នៀតការពារខ្លួនល្អផងដែរ ។ យ៉ាងណាក៏ដោយការជួបជាមួយ ឆាយ មាស លើកនេះមិនជាស្រួលខ្លួនប៉ុន្មានទេ ឆាយមាស ជាអ្នកប្រដាល់ជើងចាស់ ដែលមានស្នៀតប្រដាល់ល្អ បើទោះបីជារូបគេរាងចាស់ជាង ជ័យ ប៊ុនសង់ បន្តិចក្តី ។ អ្នកប្រដាល់ចាស់វស្សារូបនេះ មានកណ្ដាប់ដៃធ្ងន់ តែវាយចេញរាងយឺត ដោយសារគេវាយរាងសន្សំ សំចៃកម្លាំងទុកវាយនៅក្នុងទឹកចុងក្រោយដែរ ។
អ្នកប្រដាល់ ប៊ុន សុធា ក្លឹបមជ្ឈមណ្ឌលកីឡា ខ.ម.ក ប៉ះ អ្នកប្រដាល់ ប្រាក់ សុជា ក្លឹបតាឯកដំបងដែក មានរិទ្ធ ខេត្ត ព្រៃវែង, អ្នកប្រដាល់ សយ ជ័យ ក្លឹបឌីណាព្រែកលាភជួបជាមួយអ្នកប្រដាល់ តក់ រដ្ឋា ក្លឹបអេភូថងកីឡា និងអ្នកប្រដាល់ ហេង វាសនា ក្លឹបព្រៃទទឹងបង្រ្កាបគ្រឿងញៀនខេត្តបាត់ដំបង ប្រកួតជាមួយអ្នកប្រដាល់ ឃីម សាវ៉េត ក្លឹបព្រះខ័នរាជ ៕
Post a Comment