វីរបុរសបាល់ទាត់របស់ក្រុមជម្រើសជាតិប្រេស៊ីលលោក Ronaldoបានចាត់ទុកកីឡាករ Zlatan Ibrahimovicថាជាខ្សែប្រយុទ្ធដ៏អស្ចារ្យបំផុតនៅក្នុងឆ្នាំ២០១៥នេះ។
កីឡាករសញ្ជាតិស៊ុយអែតវ័យ៣៣ឆ្នាំម្នាក់នេះ ធ្លាប់បានលេងឲ្យក្រុមអស្ចារ្យជាច្រើននៅលើពិភពលោក ដែលក្នុងនោះរួមមានក្លិប Juventus, Barcelona, Inter, Ajaxនិងក្លិប AC Milanហើយបច្ចុប្បន្នលោកកំពុងគ្រងតំណែងជាខ្សែប្រយុទ្ធដែលរកគ្រាប់បាល់ច្រើនជាងគេបំផុត នៅក្របខណ្ឌបាល់ទាត់ Ligue 1ទាំងនៅក្នុងរដូវកាលនេះ និងកាលពីរដូវកាលមុន។ថ្វីត្បិតតែខ្សែប្រយុទ្ធម្នាក់នេះ មិនបានលងនៅការប្រកួត World Cup ឆ្នាំ២០១៤ ដែលរៀបចំនៅក្នុងប្រទេសប្រេស៊ីល ដោយការក្រុមជម្រើសជាតិរបស់គាត់មិនអាចឆ្លងផុតការប្រកួតជម្រុះយ៉ាងណាក្តី លោក Ronaldoដែលធ្លាប់ឈ្នះពានរង្វាន់បាល់ទាត់ World Cupជាមួយក្រុមជម្រើសជាតិប្រេស៊ីលនោះបាននិយាយថា កីឡាករ Ibrahimovic គឺជាខ្សែប្រយុទ្ធប្រកបដោយ គ្រោះថ្នាក់ខ្លាំងបំផុតនៅលើចក្រវាលនេះ។លោកបាននិយាយប្រាប់កាសែត S ports Illustrated ថា លោកគិតថា ខ្សែប្រយុទ្ធឆ្នើមបំផុតនៅលើពិភពលោកយើងនេះមានតែកីឡាករ Zinedine Zidan ម្នាក់គត់ ម្យ៉ាងដោយសារចលនាគ្រប់គ្រងបាល់របស់លោកពិតជាអស្ចារ្យខ្លាំងណាស់។ខណៈនោះដែរ លោក Ronaldoបានចាត់ទុកវីរបុរសបាល់ទាត់របស់ក្រុមជម្រើសជាតិបារាំង គឺលោក Zinedine Zidane និងជាកីឡាករដែលលោកធ្លាប់លេងជាមួយអំឡុងលេងឲ្យក្រុម Real Madridថាជាកីឡាករអស្ចារ្យបំផុតដែលលោកមិនធ្លាប់ដែលលេងជាមួយ៕
Post a Comment