Cristiano Ronaldo បានផ្ដាំផ្ញើទៅអ្នកគាំទ្រ Real Madrid ថាសូមឱ្យគាំទ្រ Gareth Bale បន្តទៅទៀត ព្រោះ Bale ជាកីឡាករសំខាន់ (key player) ដ៏ល្អម្នាក់នៅក្នុងក្រុម។
ថ្វីបើកាលពីប្រកួតជាមួយ Espanyol ខ្សែប្រយុទ្ធ Ronaldo ដូចជាខឹង Bale ក៏ពិតមែន ប៉ុន្តែក្រោយមករូបគេក៏បាននិយាយវិញថា៖ “អ្នកគាំទ្រគួរតែយោគយល់ពី Bale ផង ព្រោះគាត់ជា Key Player ដ៏ល្អម្នាក់នៅក្នុងក្រុមយើង។ រឿងខ្ញុំជាមួយគាត់គឺធម្មតាទេ។ អ្វីដែលបានកើតឡើងកាលពីអាទិត្យមុននោះគឺជាអតីតកាលទៅហើយ (Bale មិនបោះបាល់ឱ្យ Ronaldo ស៊ុត) ខ្ញុំក៏ធ្លាប់មានកំហុសអីចឹងដែរ ព្រោះនេះជាផ្នែកមួយនៃបាល់ទាត់”។
មួយវិញទៀត កីឡាករដែលទើបតែលើកពាន Ballon d’Or 2014 រូបនេះក៏បានប្រាប់ទៅអតីតកីឡាករ Spurs វិញដែរថា៖ “អ្នកគាំទ្រ Real Madrid គឺតែងតែធ្វើអីចឹង ពួកគេមានទឹកចិត្តខ្លាំងណាស់ ពួកគេតែងបញ្ចេញអ្វីដែលមានក្នុងអារម្មណ៍ពួកគេ។ អ្នកគាំទ្រទាំងអស់មិនដែលចេះលាក់បាំងអីនោះឡើយ”។
នៅចាំថាកាលពី Real Madrid យកឈ្នះ Espanyol ៣-០នាសប្ដាហ៍មុននោះ Bale ជាអ្នករកគ្រាប់បាល់បានមួយគ្រាប់ ប៉ុន្តែត្រូវបានអ្នកគាំទ្រស្ដីបន្ទោសជាខ្លាំងទៅវិញដោយសារនៅពេលមួយនោះ កីឡាករសញ្ជាតិវែលរូបនេះបានទទួលបាល់ដាច់មាត់ទៅហើយជាមួយ Ronaldo តែបែរជាមិនបោះឱ្យ Cr7 ស៊ុត ទៅបណ្ដើរស៊ុតខ្លួនឯងហើយអ្នកចាំទីខាង Espanyol សង្គ្រោះបាន៕
Post a Comment