តារាស៊ូពើស្តារបស់ក្លិប Real Madridកីឡាករ Cristiano Ronaldo និងកីឡាករ James Rodriguez បានចូលរួមនៅក្នុងពិធីមួយ ខណៈដែលភ្នាក់ងារ Jorge Mendes ប្រកាសដាក់ឲ្យប្រើប្រាស់សៀវភៅរបស់លោកឈ្មោះ “The Key to Mendes”នៅក្នុងទីក្រុង Madridកាលពីរាត្រីថ្ងៃព្រហស្បតិ៍កន្លងទៅ។
តារាបាល់ទាំងពីរនាក់ បានបង្ហាញពីអារម្មណ៍ស្រស់ស្រាយរបស់ពួកគេ មុនពេល ដែលក្រុម Real Madridfជួបជាមួយក្រុម Cordoba នៅយប់ថ្ងៃសុក្រ នៅការប្រកួត La Ligaរបស់ពួកគេ។ សូមបញ្ជាក់ថា កីឡាករ Ronaldoនិងកីឡាករ Rodriguez ត្រូវបានធ្វើបទបង្ហាញដោយលោក Mendes កាលពីពេលដែលលោកផ្ទេរចេញពីក្លិប Man Utdនិងក្លិប Monaco។Ronaldo ដែលទើបតែឈ្នះពានរង្វាន់បាល់មាសពិភពលោកជាលើកទី៣របស់លោក កាលពីដើមខែនេះ បានផ្ទេរចេញពីក្លិបបិសាចក្រហម ក្នុងតម្លៃ៨០លានផោនកាលពីឆ្នាំ២០០៩ ដើម្បីផ្លាស់មកលេងនៅក្នុងទឹកដី Bernabeu ហើយក្រោយមកកីឡាករ James បានផ្ទេរមកកាន់ក្លិបជើងឯកបាល់ទាត់អឺរ៉ុប និងពិភពលោកមួយនេះ ក្នុងតម្លៃ៦០លានផោន គឺបន្ទាប់ពីគាត់លេងគួរឲ្យចាប់អារម្មណ៍អំឡុងការប្រកួត World Cupនៅក្នុងប្រទេសប្រេស៊ីល កាលពីរដូវកាលក្តៅមុននេះ។ខណៈនោះដែរ លោក Mendes បានមានចំណែកដ៏សំខាន់នៅក្នុងកិច្ចព្រមព្រៀងរបស់កីឡាករទាំងពីរនាក់ ហើយបានតំណាងឲ្យកីឡាករតម្លៃខ្លួនខ្ពស់កប់ពពកជាច្រើនរូប អំឡុងការផ្ទេរក្នុងរយៈពេលប៉ុន្មានឆ្នាំចុងក្រោយនេះ ដែលក្នុងនោះរួមមានទាំងការផ្ទេររបស់កីឡាករ Angel di Maria និងកីឡាករ Radamel Falcao កាលពីរដូវកាលក្តៅមុនផងដែរ៕
Post a Comment