Ronaldo ឈ្នះពានរង្វាន់បាល់មាសសម័យទី3

កីឡាករ Cristiano Ronaldo តារាបាល់ទាត់ក្លិប Real Madrid ទទួលបានពានរង្វាន់ FIFA Ballon d'Or សម្រាប់ឆ្នាំ 2014 យ៉ាជោគជ័យ បន្ទាប់ពីការបោះឆ្នោតឈ្នះដាច់ឆ្ងាយតែម្តង។

         កីឡាករ Cristiano Ronaldo ជម្រើសជាតិព័រទុយហ្គាល់របស់ក្រុម Real Madrid បានឈ្នះជាកីឡាករពិភពលោក ឬ FIFA Ballon d'Or "សម្រាប់ឆ្នាំ 2014 បានយ៉ាងអស្ចារ្យម្តងទៀត តាមសេចក្តីប្រកាសរនៅទីក្រុង Zurich របស់ប្រទេសស្វីសនៅថ្ងៃចន្ទទី 12 ខែមករាកន្លងមកហើយនេះជាលើកទីបីសម្រាប់ម្ចាស់ខ្លួនដែលបានទទួលរង្វាន់ដ៏មហាកិតិ្តយសនេះ។

កីឡាករវ័យ 29 ឆ្នាំរូបនេះបានចូលរួមចំណែកយ៉ាងខ្លាំងក្នុងការទទួលបានជោគជ័យរបស់"អធិរាជឈុតស "Realmadrid​ នៅលើរដូវកាល 2013-14 ដែលបានឈ្នះពានរង្វាន់ក្របខ័ណ្ឌ UEFA Champions League និងពានរង្វាន់ Copa del Rey ហើយបានស៊ុតបញ្ជូលទី 51 គ្រាប់ ក្នុង 47 ប្រកួតទៀតផង បើទោះបីជាគាត់លេងមិនបានល្អសម្រាប់ក្រុមជម្រើសជាតិក្នុងការប្រកួត World Cup ឆ្នាំ 2014 នៅប្រទេសប្រេស៊ីលនោះក៏ដោយ។

សំរាប់ការបោះឆ្នោតកីឡាករ Ronaldo លំដាប់ទី 1 បាន 37,66% លេខ 2 បានទៅកីឡាករ Lionel Messi ខ្សែប្រយុទ្ធអាហ្សង់ទីនក្រុម Barcelona 15,76% ខណៈដែលកំពូលអ្នកចាំទីពិភពលោក Manuel Neuer របស់ក្រុម Bayern Munich ប្រទេសអាល្លឺម៉ង់ជាប់ចំណាត់ថ្នាក់ទី 3 បាន 15,72% ។

ភាពជោគជ័យពេលនេះ ធ្វើអោយ​ Ronaldo បានឈ្នះពានរង្វាន់បាល់មាសតាមក្រោយ Messi នៅសល់តែមួយសម័យទៀតប៉ុណ្ណោះ ពានរង្វាន់គាត់ធ្លាប់បានក្នុងឆ្នាំ 2008 និងឆ្នាំ 2013 ។

   ប្រវត្តិពានរង្វាន់ FIFA Ballon d'Or 10 ឆ្នាំចុងក្រោយនេះ

 ឆ្នាំ 2014: កីឡាករ Cristiano Ronaldo dos Santos Aveiro (ព័រទុយហ្គាល់ក្លិប Real Madrid) ។

ឆ្នាំ 2013: កីឡាករ Cristiano Ronaldo dos Santos Aveiro (ព័រទុយហ្គាល់ក្លិប Real Madrid) ។

ឆ្នាំ 2012: កីឡាករ Lionel Messi (អាហ្សង់ទីក្រុម Barcelona ។

ឆ្នាំ 2011: កីឡាករ Lionel Messi (អាហ្សង់ទីក្រុម Barcelona ។

ឆ្នាំ 2010: កីឡាករ Lionel Messi (អាហ្សង់ទីក្រុម Barcelona ។

ឆ្នាំ 2009: កីឡាករ Lionel Messi (អាហ្សង់ទីក្រុម Barcelona ។

ឆ្នាំ 2008: កីឡាករ Cristiano Ronaldo dos Santos Aveiro (ព័រទុយហ្គាល់ក្លិប Real Madrid) ។

ឆ្នាំ 2007: កីឡាករ Kaka (ក្រុម AC Milan, ប្រទេសប្រេស៊ីល) ។

ឆ្នាំ 2006: កីឡាករ Fabio Cannavaro (ក្រុម Real Madrid, អ៊ីតាលី) ។

ឆ្នាំ 2005: កីឡាករ Ronaldinho Correia (ក្រុម Barcelona ប្រទេសប្រេស៊ីល)