អ្នកចាត់ការ Roberto Manciniបានស្ងើចសរសើរយ៉ាងខ្លាំងណាស់ចំពោះសមត្ថភាពលេងរបស់ក្រុម Inter Milan បន្ទាប់ពីពួកគេបានយកឈ្នះក្រុម Sampdoria២-០នៅការប្រកួត Coppa Italia កាលពីថ្ងៃអាទិត្យ។
គ្រាប់បាល់ពីកីឡាករ Xherdan Shaqiri និងកីឡាករ Mauro Icardi ល្មមគ្រប់គ្រាន់ធ្វើឲ្យក្រុម Inter Milanឡើងទៅវគ្គ១ភាគ៤ផ្តាច់ព្រ័ត្រនៃការប្រកួតមួយនេះ ហើយលោក Mancini ពិតជាពេញចិត្តខ្លាំងណាស់នឹងសកម្មភាពលេងលើកនេះ។គ្រូបង្វឹកសញ្ជាតិអ៊ីតាលីម្នាក់នេះ បាននិយាយប្រាប់ក្រុមអ្នកកាសែតថា លោកពិតជាត្រេកអរខ្លាំងណាស់នឹងអ្វីដែលក្រុមរបស់លោកលេងនៅពេលនេះ។ រីឯសកម្មភាពលេងរបស់កីឡាករ Shaqiri បានបង្ហាញយ៉ាងច្បាស់ថា មិត្តរួមក្រុមឯទៀតរបស់គាត់គួរតែយកតម្រាប់តាម។
លោក Manciniបានបន្តទៀតថា លោកមានជំនឿយ៉ាងមុតមាំថា នៅថ្ងៃក្រោយក្រុមរបស់លោកនឹងអាចលេងបានល្អប្រសើរជាងនេះទៀត ហើយសមត្ថភាពលេងបានយ៉ាងអស្ចារ្យមួយនេះ សបញ្ជាក់យ៉ាងច្បាស់ថាពួកគេអាចនឹងបន្តដំណើររបស់ខ្លួននៅការប្រកួតបាល់ទាត់អឺរ៉ុប តទៅទៀត។ លើសពីនេះទៅទៀត កីឡាករក្រុម Inter Milanលេងដោយមានទុកចិត្តលើខ្លួនឯង ពិសេសខ្សែការពារតែម្តង៕
Post a Comment