លោក Diego Simeoneមានជំនឿយ៉ាងមុតមាំថា ក្រុម Atletico Madridនឹងអាចរស់រានឡើងវិញពីបរាជ័យ ០-១កាលពីថ្ងៃពុធជាមួយក្រុម Barcelonaពេលដែលក្រុមទាំង២ ជួបគ្នាម្តងទៀតនៅការប្រកួតប្រកួតជើងទី២ Copa del Rey។
ការស៊ុតបាល់ផ្លាតរបស់កីឡាករ Lionel Messi ពីការស៊ុតបាល់ប៉េណាល់ទីរបស់លោក បានធ្វើឲ្យក្រុមរបស់លោក ធ្វើការនាំមុខមុន សម្រាប់ការប្រកួតនៅក្នុងទឹកដី Camp Nou។ខណៈនោះដែរ លោក Simeone អះអាងថា ក្រុមរបស់លោកមានឱកាសច្រើនជាងក្រុមម្ចាស់ផ្ទះនោះ ហើយលោកមានជំនឿយ៉ាងមុតមាំថា ក្រុមរបស់លោកនឹងអាចសងសឹកវិញ ពីបរាជ័យមួយនេះ ហើយនឹងអាចឆ្លងផុតការប្រកួតមួយនេះ ជាក់ជាពុំខានឡើយ។លោកបាននិយាយប្រាប់អ្នកកាសែតថា វាមិនដូចជាការប្រកួតលើកមុនជាមួយពួកគេនោះឡើយ ។ យើងការពារបានរឹងមាំ ដោយគ្រាន់តែមិនសូវមានការវាយលុកច្រើនបន្តិចប៉ុណ្ណោះ ព្រោះតែស្ថិតនៅក្នុងទឹកដីរបស់ពួកគេ ម្យ៉ាងវិញទៀតការប្រកួតមួយនេះ គ្រប់គ្រងបានទាំងស្រុងដោយក្រុម Barcelona។
លោក Simeone បានបន្តទៀតថា ក្រុមរបស់លោកធ្លាប់បានរំពឹងទុកថា នឹងទទួលបានលទ្ធផល ៤-០ ប៉ុន្តែបច្ចុប្បន្នក្រុម Barcelonaលេងបានល្អជាងមុនឆ្ងាយ ពិសេសនៅប៉ុន្មានប្រកួតចុងក្រោយនេះ។ទោះជាយ៉ាងណាក៏ដោយ គ្រូបង្វឹក Simeone ដែលក្រុម Atletico Madridរបស់លោក បាន ឡើងមកវគ្គ១ភាគ៤ផ្តាច់ព្រ័ត្រជាមួយជ័យជំនះ៤-២នៅការប្រកួតទាំងពីរជើងលើក្រុម Real Madridនោះ បានបញ្ជាក់ថា ការប្រកួតជើងទី២មិនងាយស្រួលឡើយ ពិសេសសម្រាប់ក្រុម Barcelona៕
Post a Comment