Ricardo Rodriguezបន្តកិច្ចសន្យាថ្មីរហូតដល់ឆ្នាំ 2019

ក្រុមជាច្រើននៅក្នុងតំបន់អឺរ៉ុបកំពុងតែខកចិត្តយ៉ាងខ្លាំងពេលដែលលោក Ricardo Rodriguez ខ្សែការពារជនជាតិស្វ៊ីសរបស់ក្រុម Wolfsburgបានបន្តកិច្ចសន្យាថ្មីជាមួយក្រុមរហូតដល់ឆ្នាំ 2019ដោយជោគជ័យ។

លោក Ricardo Rodriguez ខ្សែរការពាឆ្វេងរបស់ក្រុម Wolfsburg ក្នុងក្របខ័ណ្ឌ Bundesliga របស់អាល្លឺម៉ង់បានយល់ព្រមចុះកិច្ចសន្យាថ្មីជាមួយក្លិបចាស់របស់គាត់បួនឆ្នាំបន្តទៀតរួចរាល់ហើយនៅថ្ងៃព្រហស្បតិ៍ទី 8 ខែមករាកន្លងមក​ហើយគាត់អាចបន្តលេងនៅពហុកីឡាដ្ធានVolkswagen Arenaរហូតដល់ឆ្នាំ 2019 ។

ខ្សែការពារក្រុមជម្រើសជាតិប្រទេសស្វីស, 22 ឆ្នាំរូបនេះបានផ្លាស់ប្តូរមកពីក្រុម FC Zurich មកនៅជាមួយ "ចចកព្រៃនៃទឹកដីអាឡឹម៉ង់" នៅក្នុងឆ្នាំ 2012 និងស៊ុតបញ្ចូលទីបាន 8 គ្រាប់បញ្ជូនបាល់16ដងក្នុង 87ប្រកួត។ ចំពោះរដូវកាលនេះគាត់បានបញ្ចេញសមត្ថភាពដ៏ល្អអស្ចារ្យគឹស៊ុតបាន3គ្រាប់នឹងបានជួយអោយក្រុមជាប់ចំណាត់ថ្នាក់ទីពីរនៃការប្រកួតក្នុងលីក Bundes Liga ខណៈពេលនេះផងដែរ។

"ចចកព្រៃរបស់អាឡឹម៉ង់" បាននិយាយថា "ក្រុម Wolfsburg បានឈានដល់កិច្ចព្រមព្រៀងមួយជាមួយនឹងលោក Ricardo Rodriguez បន្តកិច្ចសន្យាថ្មីរហូតដល់ឆ្នាំ 2019, ដោយជោគជ័យ" ។