Inter Milanចុះកិច្ចសន្យាជាមួយShaqiriហើយ

"ពស់យក្ស"Inter Milan បានធ្វើកិច្ចព្រមព្រៀងមួយជាមួយក្រុម Bayern Munich ដើម្បីទិញកីឡាករXherdan Shaqiriរបស់ស្វ៊ីសបានដោយជោគជ័យហើយ ដោយពេលនេះនៅសល់តែចុះហត្ថលេខាជាផ្លូវការតែមួយប៉ុណ្ណោះ គឺត្រូវខ្ចីជើងរហូតដល់បញ្ចប់រដូវកាលនេះ។ មុនពេលដែលនឹងផ្លាស់ទីជាអចិន្ត្រៃក្នុងរដូវក្តៅខាងមុខនេះក្នុងតម្លៃ 15 លានអឺរ៉ូមួយ។

ក្លិប Inter Milan នៅក្របខ័ណ្ឌ Serie A អ៊ីតាលីបានបញ្ជាក់នៅថ្ងៃព្រហស្បតិ៍ទី 8 ខែមករាកន្លងមកថាក្លិបបានឈានដល់ការធ្វើកិច្ចព្រមព្រៀងមួយកីឡាករXherdan Shaqiriស្លាបបំរុងរបស់ក្លិបយក្សBayern Munich ក្នុងក្របខ័ណ្ឌ Bundesliga អាល្លឺម៉ង់អោយចូលមកលេងក្នុងទឹកដីSan Siro Stadiumរួចរាល់ហើយនឹងបានធ្វើអោយក្រុមហង្សក្រហម Liverpool ដែលមានចំណាប់អារម្មណ៍ដូចគ្នានេះមានការខកចិត្តយ៉ាងខ្លាំង។

"ពស់យក្ស" បានសរសេរនៅលើ Twitter ថា" កិច្ចព្រមព្រៀងក្លិប Inter Milan និង Bayern Munichបានធ្វើកិច្ចព្រមព្រៀង ទិញលក់កីឡាករXherdan Shaqiriរួចរាល់ហើយពួកយើងនៅសល់តែចុះហត្ថលេខាជាផ្លូវការតែប៉ុណ្ណោះ "។

តាមបណ្ដាញប្រព័ន្ធផ្សព្វផ្សាយកីឡានៅក្នុងប្រទេសអ៊ីតាលីបានបង្ហាញថាខ្សែបម្រើសញ្ជាតិស្វ៊ីសវ័យ23 ឆ្នាំរូបនេះមិនបានចុះហ្វឹកហាត់ជាមួយ"Bayern " កាលពីថ្ងៃព្រហស្បតិ៍កន្លងមកនឹងត្រូវបានផ្លាស់ទៅលេងអោយ "ពស់យក្ស" នៅកិច្ចសន្យាខ្ចីជើងហូតដល់ពេលចុងបញ្ចប់នៃរដូវកាលនេះ មុននឹងផ្លាស់ទីជាអចិន្ត្រៃក្នុងរដូវក្តៅខាងមុខក្នុងតម្លៃ 15 លានអឺរ៉ូ ។

ខណៈពេលដែលកាសែតកីឡាប្រចាំថ្ងៃមួយនៃទឹកដី"Italy"បានរាយការណ៍ថាXherdan Shaqiriចុះកិច្ចសន្យាជាមួយក្លិប Inter រហូតដល់ឆ្នាំ 2016 ដោយមានប្រាក់ឈ្នួល 2,75 លានអឺរ៉ូរហូតដល់ 3 លានអឺរ៉ូក្នុង1ឆ្នាំអាស្រ័យផលសំរេចរបស់ក្លិបរួមនឹងBonus។

ហើយនេះជាកីឡាករទីពីរហើយដែល "ពស់យក្ស" បានទទួលក្នុងទីផ្សារបាល់បើកនៅក្នុងខែមករានេះ។ បន្ទាប់ពីពេលថ្មីនេះបានខ្ចី Lukas Podolski ខ្សែប្រយុទ្ធក្រុមជម្រើសជាតិអាឡឺម៉ង់ពីក្រុម Arsenal FC ។