តារាបាល់ទាត់របស់ក្លិបយក្សអេស្ប៉ាញ Barcelona កីឡាករ Neymarបានជំរុញឲ្យក្រុមអាជ្ញាធរបាល់ទាត់អេស្ប៉ាញដាក់ទោសតារាស៊ូពើស្តារបស់ក្លិប Real Madrid កីឡាករ Cristiano Ronaldo បន្ទាប់ពីមានអំពើហិង្សារបស់គាត់ អំឡុងការប្រកួតជាមួយក្រុម Cordoba រួចមកនោះ។
កីឡាករ Ronaldo បាននិយាយសុំទោស ក្រោយពេលត្រូវអាជ្ញាកណ្តាលបណ្ដេញចេញពីការប្រកួត សម្រាប់ការទាត់ត្រូវចំខ្សែការពារ Edimar Fraga របស់ក្រុម Cordoba ហើយនិងការទះកំផ្លៀងកីឡាករ Jose Crespo អំឡុងការប្រកួតឈ្នះនៅ La Ligaរបស់ពួកគេកាលពីថ្ងៃសៅរ៍កន្លងទៅ ប៉ុន្តែពេលនេះ គាត់អាចគេចផុតពីការដាក់ទោសធ្ងន់ធ្ងរ បានដោយគ្រាន់តែទទួលបានបម្រាម២ប្រកួតប៉ុណ្ណោះ។កីឡាករ Neymar យល់ឃើញថា ខ្សែប្រយុទ្ធស្ថិតក្នុងក្រុមជម្រើសជាតិព័រទុយហ្គាល់ម្នាក់នេះធ្វើបែបនេះ អាចជាការសងសឹក ហើយគួរតែទទួលបានការដាក់ទោសយ៉ាងធ្ងន់ធ្ងរបំផុត ពីក្រុមអាជ្ញាធរបាល់ទាត់អេស្ប៉ាញ សម្រាប់អំពើរបស់អំឡុងជ័យជំនះ២-១របស់ពួកគេ។
ខ្សែប្រយុទ្ធលេងឲ្យក្រុមជម្រើសជាតិប្រេស៊ីលម្នាក់នេះ បានបន្តទៀតថា អ្នកដែលលេងនៅខ្សែប្រយុទ្ធតែងតែបញ្ចេញកាយវិការបែបនេះ ហើយពេលខ្លះមិនអាចគ្រប់គ្រងកំហឹងខ្លួនឯងបានទេ តួយ៉ាងដូចជាកីឡាករ Ronaldoម្នាក់ នេះ។ ដូច្នេះហើយ ក្រុមអាជ្ញាធរបាល់ទាត់អេស្ប៉ាញ គួរមានវិធានការដ៏តឹងរ៉ឹងបំផុត ចំពោះទង្វើដ៏យង់ឃ្នងបែបនេះ៕
Post a Comment