ព្រឹត្តិការណ៍ Hun Sen-Cup វគ្គ១៦ក្រុមចុងក្រោយ បានបញ្ចប់ជាស្ថាពរហើយកាលពីល្ងាចថ្ងៃទី ២៨ ខែមករា ឆ្នាំ២០១៥ នេះ ក្រោយពីបានបញ្ចប់ការប្រកួតជុំចុងក្រោយក្នុងពូល C និងពូល D នោះ។
សម្រាប់លទ្ធផលនៃការប្រកួតពូល C ក្រុមបឹងកេតអង្គរ FC បានយកឈ្នះក្រុមជើងឯកLeagueរដូវកាលចាស់ ភ្នំពេញក្រោន ១ទល់០ ធ្វើឲ្យបឹងកេតអង្គរ FC ឈរនៅលំដាប់លេខ១ ក្នុងពូល។ ៣ប្រកួតរបស់ក្រុមបឹងកេតអង្ករ FC ឈ្នះទាំង ៣ ប្រកួតបាន៩ពិន្ទុ ឈរនៅចំណាត់ថ្នាក់លេខ ១ ក្នុងពូល ឯភ្នំពេញក្រោន ៣ ប្រកួតឈ្នះ ២ ប្រកួតចាញ់មួយប្រកួតមាន៦ពិន្ទុឈរនៅលេខ ២ ក្នុងពូលបានឡើងទៅលេងវគ្គ ៨ក្រុមចុងក្រោយជាមួយគ្នា។ការប្រកួតក្នុងពូល C នេះដែរ ក្រុមក្រសួងការពារជាតិ ឈ្នះក្រុមសហភាពសហព័ន្ធយុវជនកម្ពុជាខេត្តបាត់ដំបង៦ទល់០។ ក្រុមទាំង ២ នេះ ធ្លាក់ហាលអាវដូចគ្នា។ចំពោះពូល D វិញ ក្រុមNaga World លេងស្មើជាមួយក្រុមខេត្តស្វាយរៀង១ទល់១ ធ្វើឲ្យក្រុមទាំង២នេះ ៣ប្រកួតដូចគ្នាឈ្នះ ២ ប្រកួត ស្មើ ១ ប្រកួត បាន៧ ពិន្ទុស្មើគ្នា។ ទោះជាយ៉ាងនេះក្តី ក្រុមខេត្តស្វាយរៀងនៅតែឈរនៅចំណាត់ថ្នាក់កំពូល ឯNaga World ឈរនៅចំណាត់ថ្នាក់លេខ២ ព្រមទាំងឡើងលេងបន្តវគ្គ ៨ ក្រុមចុងក្រោយជាមួយគ្នា។មួយប្រកួតទៀតរបស់ពូលD ក្រុមអាជ្ញាធរអប្សរា(PM ខេត្តសៀមរាប)ប្រកួតឈ្នះក្រុមខេត្តព្រៃវែង ៤ ទល់២។ ក្រុមទាំង ២ នេះធ្លាក់ហាលអាវដូចគ្នា។ នៅវគ្គ៨ក្រុមចុងក្រោយលេខ១ ពូល C បឹងកេតអង្គរ FC ជួបជាមួយលេខ ២ ពូល D ក្រុម Naga World និង ក្រុមលេខ ១ ពូល D ខេត្តស្វាយរៀងជួបលេខ២ ពូល C ភ្នំពេញក្រោន។សូមបញ្ជាក់ថា ចាប់ពីវគ្គ៨ក្រុមចុងក្រោយ រហូតដល់វគ្គផ្ដាច់ព្រ័ត្រ ការប្រកួតនឹងធ្វើឡើងនៅទីលានស្តាតខេត្តស្វាយរៀង៕
Post a Comment