កីឡាការិនីវាយតឺន្នីស Maria Sharapova បានផ្តួលកីឡាការិនីលំដាប់ថ្នាក់លេខ៧ពិភពលោកនាង Eugenie Bouchard ដើម្បីជួបជាមួយជនរួមជាតិរបស់នាងនៅការប្រកួតវគ្គពាក់កណ្តាលផ្តាច់ព្រ័ត្រ Australian Open នៅក្នុងរដ្ឋ Melbourne ប្រទេសអូស្ត្រាលី។
ជើងឯកឆ្នាំ២០០៨រូបនេះ និងជាកីឡាការិនីលេខ២ពិភពលោក បានយកឈ្នះគូប្រកួតរបស់នាងក្នុងលទ្ធផលពិន្ទុ 6-3 6-2 ដោយប្រើថេរវេលា១ម៉ោង និង១៨នាទី នៅការប្រកួតមួយដែលរៀបចំឡើងនៅលើទីលាន Melbourne Park។ដោយឡែក កីឡាការិនីលេខ១០ពិភពលោក នាង Ekaterina Makarova បានយកឈ្នះកីឡាការិនីលេខ៣ពិភពលោក Simona Halepក្នុងលទ្ធផលពិន្ទុ 6-4 6-0 នៅការប្រកួតបើកឆាក កាលពីថ្ងៃអ ង្គារ។យ៉ាងណាមិញកីឡាការិនីវាយតឺន្នីសលំដាប់កំពូលរបស់ពិភពលោកនាង Serena Williams បានឡើងប្រកួតវគ្គពាក់កណ្តាលផ្ដាច់ព្រ័ត្រ Australian Open ផងដែរនៅថ្ងៃពុធនេះ។ ជើងឯក Grand Slam១៨សម័យកាលម្នាក់នេះបានយកឈ្នះកីឡាករ Dominika Cibulkova ដែលធ្លាប់ឡើងដល់វគ្គផ្តាច់ព្រ័ត្រនៃការប្រកួតមួយនេះកាលពីឆ្នាំ២០១៤ នៅក្នុងលទ្ធផលពិន្ទុ 6-2, 6-2 ដោយប្រើថេរវេលាត្រឹម៦៥នាទីប៉ុណ្ណោះ នៅក្នុងការប្រកួតមួយដែលរៀបចំឡើងនៅលើទីលានប្រកួត Rod Laver Arena។
រីឯការប្រកួតផ្នែកបុរសវិញ កីឡាករ Tomas Berdychបានផ្តួលគូប្រកួត Rafael Nadalក្នុងលទ្ធផលពិន្ទុ 6-2 6-0 7-6 ខណៈដែលកីឡាករ Andy Murrayបានយកឈ្នះកីឡាករ Nick Kyrgiosក្នុងលទ្ធផលពិន្ទុ 6-3 7-6 6-3 ដើម្បីឡើងទៅវគ្គពាក់កណ្តាលផ្តាច់ព្រ័ត្រ Australian Open ដូចគ្នា៕
Post a Comment