ការប្រកួតវគ្គ៨ក្រុមចុងក្រោយនៃពានរង្វាន់សម្តេច ហ៊ុន សែន នឹងចាប់ផ្តើមថ្ងៃទី៣១ ខែមករា ឆ្នាំ២០១៥នេះហើយនៅកីឡដ្ឋានថ្មីរបស់ខេត្តស្វាយរៀង។ នៅវគ្គនេះសុទ្ធតែក្រុមខ្លាំងអស់ និងជាការប្រកួតដ៏គួរឲ្យចាប់អារម្មណ៍។ សម្រាប់លោកអ្នកជាអ្នកស្នេហាវិស័យកីឡាបាល់ទាត់ តើក្រុមណាដែលលោកអ្នកចង់ឲ្យបន្តដំណើរទៅកាន់វគ្គពាក់កណ្តាលផ្តាច់ព្រ័ត្រ?
កាលពីរដូវកាលមុនក្លិបអគ្គស្នងការដ្ឋាននគរបាលជាតិជា(ប៉ូលិស)ម្ចាស់ជើងឯក បៀលប្រាយជាជើងឯករង ប៉ុន្តែក្រុមត្រាយអាស៊ីភ្នំពេញ និងអាល់ប៊ីរ៉ិកនីហ្គាតាអត់បានទៅដល់វគ្គ៤ក្រុមចុងក្រោយទេនៃពាន ហ៊ុន សែន កាលពីឆ្នាំ២០១៤។ ទោះជាយ៉ាងណារវាងក្រុមការពារជើងឯក និងជើងឯករង នឹងមានក្រុមមួយត្រូវធ្លាក់ត្រឹមវគ្គ៨ក្រុមចុងក្រោយនេះដែលជាប្រការគួរឲ្យស្តាយ។ ចំពោះក្រុមបឹងកេតអង្គរជាប់លេខ៣ និងណាហ្គាវើលជាប់លេខ៤ដែលការប្រកួតរវាងក្រុមទាំងពីរនេះកើតមានភាពចម្រូងចម្រាស ហើយទីបំផុតអាជ្ញាកណ្តាលសម្រេចផ្តល់ឲ្យក្រុមបឹងកេតជាប់ចំណាត់ថ្នាក់លេខ៣។ ដូច្នេះក្រុមលេខ៣ និងលេខ៤កាលពីរដូវកាលមុននឹងមានក្រុមមួយត្រូវធ្លាក់ ហើយភ្នំពេញក្រោន និងស្វាយរៀងនឹងមានក្រុមមួយឡើងទៅវគ្គពាក់កណ្តាលផ្តាច់ព្រ័ត្រ។ ការប្រកួតវគ្គ៨ក្រុមចុងក្រោយនេះច្បាស់ណាស់ថា អ្នកគាំទ្ររបស់ក្រុមបួនដែលធ្លាក់ចេញនឹងសោកស្តាយ ប៉ុន្តែក៏មានអ្នកគាំទ្រក្រុម៤ដែលឡើងទៅវគ្គពាក់កណ្តាលផ្តាច់ព្រ័ត្រមានអារម្មណ៍សប្បាយចិត្ត។
ចុះលោកអ្នកគិតថា ក្រុម៤ណាដែលទំនងមានសង្ឃឹមឡើងវគ្គពាក់កណ្តាលផ្តាច់ព្រ័ត្រ?
Post a Comment