Paul Pogba នឹងចាកចេញពីក្លិប Juventus ក្នុងពេលឆាប់ៗនេះហើយ បើមិនរដូវកាលនេះ ក៏យ៉ាងយូរត្រឹមរដូវកាលក្រោយដែរ។ នេះបើតាមភ្នាក់ងាររបស់ខ្សែបម្រើវ័យក្មេងរូបនេះបាននិយាយ។
លោក Mino Raiola មាននាទីជាភ្នាក់ងារទីផ្សាររបស់ Pogba បាននិយាយថា៖ “ប្រសិនបើ Pogba ចាកចេញពី Juventus នោះតម្លៃខ្លួនរបស់គេនឹងខ្ពស់កប់ពពក។ ប្រសិនបើរឿងនេះមិនកើតឡើងនៅឆ្នាំនេះ វាអាចនឹងកើតឡើងនៅឆ្នាំក្រោយ។ រូបគេមិនចង់លេងនៅក្លិបអ៊ីតាលីរហូតនោះទេ។ ប្រសិនបើអ្នកមិនអាចទិញ Ronaldo , Messi និង Zlatan បាន នោះជម្រើសបន្ទាប់ដែលល្អបំផុតរបស់អ្នកគឺខ្សែបម្រើជម្រើសជាតិបារាំងនេះហើយ”។
លោក Mino Raiola មាននាទីជាភ្នាក់ងារទីផ្សាររបស់ Pogba
Pogba ជាកីឡាករដែល Manchester United លក់ចេញទៅឱ្យ Juventus កាលពីឆ្នាំ២០១២ ហើយចាប់ពីពេលនោះមកកីឡាករបារាំងរូបនេះ កាន់តែបង្ហាញសមត្ថភាពល្អទៅៗ ជាពិសេសនៅអំឡុងពេលព្រឹត្តិការណ៍ FIFA World Cup ឆ្នាំមុនតែម្ដង។ រដូវកាលថ្មីនេះ ខ្សែបម្រើវ័យ២១ឆ្នាំ ចូលលេងឱ្យសេះបង្កង់បាន២៦ប្រកួត និងរកគ្រាប់បាល់បាន៨គ្រាប់មកហើយ។ យ៉ាងណាមិញ យុវជនឆ្នើមរូបនេះក៏មិនចង់លេងនៅអ៊ីតាលីបន្តទៀតនោះដែរ ពោលគឺរូបគេចង់ចាកចេញទៅលេងនៅក្លិបថ្មីនាពេលខាងមុខនេះ ស្របពេលដែលខាង Juventus វិញក៏បានដាក់តម្លៃខ្លួនកីឡាកររូបនេះរួចហើយដែរ គឺ ៧០លានផោន ៕
Post a Comment