អ្នកប្រដាល់ Bermane Stiverne បានចេញពីមន្ទីរពេទ្យ University Medical Centre វិញហើយជាកន្លែងដែលគាត់ទទួលការព្យាបាលដោយសារកង្វះខាតជាតិទឹកក្នុងខ្លួន ក្រោយបាត់បង់ខ្សែក្រវាត់ទម្ងន់ធ្ងន់ពិភពលោក WBC របស់លោកទៅឲ្យកីឡាករ Deontay Wilder កាលពីរាត្រីថ្ងៃសៅរ៍កន្លងទៅ។
កីឡាករ Stiverne ទំនងជាបានបាក់ស្បាតខ្លាំងបំផុត ពោលគឺមិនដូចជាកីឡាករដែលធ្លាប់យកឈ្នះកីឡាករ Chris Arreola២លើកដើម្បីខ្សែក្រវាត់របស់លោកនោះទេ ក្រោយពេលដែលគាត់ចាញ់ការប្រកួតដោយពិន្ទុនៅលើសង្វៀន MGM Grand ទីក្រុងឡាសវេហ្គាស់។គាត់ត្រូវបានដឹកបញ្ជូនទៅកាន់មន្ទីរពេទ្យបង្អែក ដើម្បីព្យាបាល ការបាត់បង់ជាតិទឹកច្រើនបំផុតនៅក្នុងខ្លួន ខណៈដែលអ្នកផ្គូផ្គងរបស់គាត់គឺលោក Don King បាននិយាយថា អតីតជើងឯកប្រដាល់ Larry Holmes បានផ្ញើសារមកលោក អំឡុងការប្រកួតដើម្បីឲ្យលោកយកទឹកចាក់លើកីឡាករ Stiverne ឲ្យបានច្រើនបំផុត។
លោក King បាននិយាយប្រាប់ Yahoo Sports ថាលោក Larry Holmes គឺមនុស្សដែលធ្លាប់ឆ្លងកាត់បញ្ហានេះ ហើយក្រោយពីទទួលបានដំណឹងនេះលោក ក៏នាំកីឡាករ Stiverne ទៅកាន់មន្ទីរពេទ្យជាបន្ទាន់។ខណៈនោះដែរ កីឡាករ Wilder នឹងត្រូវថតមើលផងដែរ ដើម្បីកំណត់ឲ្យបានច្បាស់ថាគាត់មានបានបាក់ប្រអប់ដៃស្តាំរបស់គាត់ឬយ៉ាងអំឡុងការប្រកួតដ៏ស្វិតស្វាញមួយនេះ៕
Post a Comment