ខ្សែការពារកណ្ដាល Gabriel Paulista បានបង្ហាញខ្លួនជាផ្លូវការជាមួយក្រុមArsenal មែនទែនហើយ បន្ទាប់ពីផ្ទេរមកពីក្រុម Villarreal ក្នុងតម្លៃខ្លួន ១១,២លានផោន (ជិត១៧លានដុល្លារ) និងចុះកុងត្រារយៈពេល៤ឆ្នាំកន្លះ ខណៈដែលខ្សែប្រយុទ្ធកាំភ្លើងធំ Joel Campbell ផ្ទេរទៅកាន់ក្រុមអេស្ប៉ាញ Villarreal វិញ ក្នុងលក្ខណៈខ្ចីជើងដល់ចប់រដូវកាលវិញ។
កីឡាករវ័យ២៤ឆ្នាំសញ្ជាតិប្រេស៊ីល ដែលទទួលបានថ្លៃឈ្នួល៦ម៉ឺនផោន (ជាង៩ម៉ឺនដុល្លារ) បាននិយាយប្រាប់ក្នុងគេហទំព័រផ្លូវការក្លិប Arsenal ថា៖ «ខ្ញុំសូមអរគុណ ដល់ព្រះជាម្ចាស់ សម្រាប់ឱកាសមួយនេះ។ នេះជាក្លិបដ៏អស្ចារ្យ ហើយខ្ញុំនឹងជួយដល់អ្នកគ្រប់គ្នានៅទីនេះ»។ Arsenal ក៏បានប្រកាសផងដែរថា កិច្ចសន្យាខ្ចីជើងរបស់កីឡាករ Campbell ក៏បានចប់រួចរាល់ហើយដែរ។ ប៉ុន្តែអ្វីដែលភ្ញាក់ផ្អើលនោះគឺថា ខ្សែប្រយុទ្ធវ័យ២២ឆ្នាំរបស់កូស្តារីកា បានចុះកិច្ចសន្យារយៈពេលវែងមួយជាមួយក្លិបកាំភ្លើងធំសិន មុននឹងរូបគេធ្វើដំណើរទៅកាន់អេស្ប៉ាញ។ ដូច្នេះ Gabriel នឹងត្រូវប្រជែងជាមួយកីឡាករ Laurent Koscielny និង Per Mertesacker ក្នុងតំណែងជាខ្សែការពារកណ្ដាលជម្រើសដំបូងរបស់ក្រុមកាំភ្លើងធំ៕
Joel Campbell (ក្រហម) របស់ Arsenal ត្រូវ Villarreal ខ្ចីជើង
Post a Comment