អ្នកគាំទ្រប្រេស៊ីលអន់ចិត្តព្រោះ Neymar មិនជាប់ជម្រើសដំបូង តែសំណាងបាន២គ្រាប់ (Video Inside)

អ្នកគាំទ្រប្រេស៊ីលមួយចំនួននៅសហរដ្ឋអាមេរិក ដំបូងឡើយមានអារម្មណ៍មិនសូវសប្បាយចិត្តនោះទេ ព្រោះថាពួកគេទិញសំបុត្រអស់ ៧៥០ដុល្លារមិនបានឃើញ Neymar ចូលលេងក្នុងការប្រកួតមិត្តភាពជាមួយក្រុមជម្រើសជាតិអាមេរិក។ តែក្រោយមកនៅនាទី៤៦ ប្រុសស្អាតរូបនេះត្រូវបានដូរចូលហើយស៊ុតបាន២គ្រាប់ទៀត ទើបធ្វើឱ្យអ្នកគាំទ្រសប្បាយចិត្តវិញ។

ការប្រកួតមិត្តភាពរវាងក្រុមជម្រើសជាតិអាមេរិក និងប្រេស៊ីលបានបញ្ចប់ទៅដោយលទ្ធផល ៤-១ កាលពីព្រឹកមិញនេះ។ អ្នកគាំទ្រជាច្រើនបានចូលរួមទស្សនាកាប្រកួត ដែលអ្នកខ្លះជាអ្នកគាំទ្ររបស់ Neymar ហើយចង់មើល Idol របស់ខ្លួនជាប់ជម្រើស១១នាក់ដំបូងវិញ។

គួរឱ្យសោកស្ដាយ លោក Dunga នៅតែមិនដាក់ខ្សែប្រយុទ្ធរូបនេះក្នុងជម្រើសដំបូងដដែល ដែលធ្វើឱ្យអ្នកគាំទ្រមួយចំនួនមិនសប្បាយចិត្តនោះទេ។ អ្វីគ្រប់យ៉ាងបានត្រលប់មកសភាពល្អវិញ បន្ទាប់ពីកីឡាករក្រុម Barcelona បានប្ដូរចូលនៅនាទី៤៦ជំនួស Willian ហើយរកគ្រាប់បាល់បានភ្លាមនៅនាទី៥១ដោយបាល់ប៉េណាំងទី និងនាទី៦៧ ដោយការស៊ុតប្រើបច្ចេកទេសសុទ្ធសាធ។