ក្រុមបាល់ទាត់ជម្រើសជាតិជប៉ុនត្រូវបើកទ្វារកីឡដ្ឋាន Saitama Stadium 2002 វេលាម៉ោង១៩:២៦ នាទី (ម៉ោង ៥:២៦ នាទីល្ងាចនៅកម្ពុជា) ថ្ងៃទី៣ ខែកញ្ញានេះដើម្បីទទួលភ្ញៀវកម្ពុជាក្នុងវគ្គជម្រុះពូល E នៃពានបាល់ទាត់ពិភពលោកឆ្នាំ២០១៨នៅប្រទេសរុស្ស៊ីសម្រាប់តំបន់អាស៊ី ជុំទីពីរជើងទី១។
មុនពេលឡើងមកកាន់ជុំទីពីរនេះ កម្ពុជាបានយកឈ្នះក្រុមកោះម៉ាកាវដោយលទ្ធផលទាំងពីរជើង៤-១ (កម្ពុជាឈ្នះ៣-០នៅក្នុងផ្ទះ និងស្មើ១-១ នៅទឹកដីម៉ាកាវ)សម្រាប់ការប្រកួតជម្រុះជុំទីមួយប្រចាំតំបន់អាស៊ីនៃពានបាល់ទាត់ពិភពលោកឆ្នាំ២០១៨នៅប្រទេសរុស្ស៊ី។ ចំណែកប្រទេសជប៉ុនជាក្រុមខ្លាំងនៅប្រចាំអាស៊ីគឺមិនមានការប្រកួតជម្រុះជុំទីមួយឡើយ។
ក្រុមធំកម្ពុជាមួយរយៈពេលចុងក្រោយនេះទាំងការប្រកួតមិត្តភាព និងប្រកួតពានផ្លូវការមិនសូវទទួលបានលទ្ធផលល្អប៉ុន្មានឡើយ បន្ទាប់ពីជម្រុះបាល់ទាត់ពិភពលោកជុំទីមួយ។ ពីរលើកនៅជុំទីពីរនៃការប្រកួតជម្រុះបាល់ទាត់ពិភពលោក កម្ពុជាបានចាញ់ទាំងពីរក្នុងដីរបស់ខ្លួនគឺចាញ់សិង្ហបុរី ៤-០ និងចាញ់អាហ្វហ្គានីស្ថាន ១-០។ ចំពោះការប្រកួតមិត្តភាពវិញ កម្ពុជាឈ្នះមីយ៉ាន់ម៉ា ១-០នៅទឹកទឹកដីថៃ ឈ្នះប៊ូតាន់ ២-០នៅភ្នំពេញ ស្មើឡាវ១-១នៅភ្នំពេញ ស្មើក្រុមថៃ Army United ១-១ នៅថៃនិងចាញ់ឡាវ២-១ នៅថៃ។
ចំណែកក្រុមខ្លាំងជប៉ុនវិញ៤ប្រកួតចុងក្រោយគឺអត់ទាន់ស្គាល់ជ័យជម្នះម្តងណាឡើយ។ ក្នុងព្រឹត្តិការណ៍ជម្រុះបាល់ទាត់ពិភពលោក ជប៉ុនបានត្រឹមស្មើនឹងក្រុមភ្ញៀវសិង្ហបុរី ០-០ នៅក្នុងដីរបស់ខ្លួន។ នៅពាន 2015 EAFF East Asian Cup ជប៉ុនបានចាញ់កូរ៉េខាងជើង២-១, ស្មើកូរ៉េខាងត្បូង ១-១ និងស្មើចិន ១-១។
និយាយពីជើងកីឡាករវិញ កម្ពុជាកំពុងជួបបញ្ហាខ្លះៗដោយសារកីឡាករល្អមួយចំនួនមានរបួស។ ខ្សែការពារ ហួយ ផល្លីន ត្រូវបានបញ្ជូនពីថៃមកកម្ពុជាដោយសារមានជំងឺគ្រុនឈាម ប្រាក់ មុន្នីឧត្តម និង ម៉ាត សេរីណូរ៉ាទីនក៏មិនជាប់នឹងក្រុមជម្រើសជាតិដោយសារបួស ហើយតារាឆ្នើម ចាន់ វឌ្ឍនាកាទំនងជាមិនបានលេងទេល្ងាចនេះ ខណៈកីឡាករវ័យក្មេង កែវ សុខផេងអាចនឹងចូលបាន ទោះជាមានបញ្ហាឈឺចាប់ចង្កេះខ្លះ។ ដូច្នេះលោកគ្រូកម្ពុជា Lee Tae Hoon ទំនងជាពិបាកតំបន់បម្រើប្រយុទ្ធ ប៉ុន្តែនឹងប្រើទម្រង់ការពារច្រើនជាង។
ចំពោះជើងកីឡាករជប៉ុនវិញពិតជាពោរពេញដោយកីឡាករឆ្នើមៗមកពីតំបន់អឺរ៉ុប។ លោកគ្រូបង្វឹកជប៉ុនជនជាតិបូស្នី Vahid Halihodzic បានកោះហៅតារាឆ្នើមរបស់ជប៉ុនមកហ្វឹកហាត់ជុំគ្នាតែពីរលើកប៉ុណ្ណោះមុនពេលប៉ះកម្ពុជា។ លោកគ្រូបង្វឹករូបនេះនិយាយប្រាប់សហព័ន្ធបាល់ទាត់ជប៉ុនថា ៖«យើងអត់ឈ្នះសម្រាប់៤ប្រកួតចុងក្រោយ។ យើងត្រូវការឈ្នះឲ្យបានសម្រាប់ពីរប្រកួតខាងមុខនេះ»។
តារាឆ្នើមរបស់ជប៉ុនមកពីក្រុម AC Milan គឺ HONDA Keisuke ដែលជាខ្សែប្រយុទ្ធជួរមុខបាននិយាយថា ៖«ក្រុមជប៉ុនត្រូវបានគេគិតថា ទទួលបានលទ្ធផលល្អ តែមួយរយៈពេលចុងក្រោយនេះ យើងអត់ទទួលបានលទ្ធផលល្អទេ។ ដូច្នេះយើងត្រូវការជ័យជម្នះជាចាំបាច់»។ កីឡាកររូបនេះបញ្ជាក់ថា រូបគេមានទម្រង់លេងពេញល្អ និងប្រកបដោយទំនុកចិត្តសម្រាប់ការប្រកួតល្ងាចនេះ។
កម្ពុជា និងជប៉ុនធ្លាប់មានប្រវត្តិជួបគ្នាបានពីរដង ប៉ុន្តែជប៉ុនទទួលបានជ័យជម្នះទាំងពីរដង។ លើកទី១ឆ្នាំ១៩៦៤ នៅពាន Mardeka Tournament កម្ពុជាចាញ់៤-០ និងលើកទីពីរឆ្នាំ១៩៧០ ក្នុងព្រឹត្តិការណ៍ Asian Games ជប៉ុនបានយកឈ្នះកម្ពុជា ១-០។
ការប្រកួតនឹងចាប់ផ្តើមវេលាម៉ោង១៩:២៦ នាទី (ម៉ោង ៥:២៦ នាទីល្ងាចនៅកម្ពុជា) ថ្ងៃទី៣ ខែកញ្ញាដែលមានផ្សាយបន្តផ្ទាល់ដោយទូរទស្សន៍ BTV។ បងប្អូនអ្នកគាំទ្រកម្ពុជាមានអ្វីចង់និយាយអំពីការប្រកួតនេះទេ?
មុនពេលឡើងមកកាន់ជុំទីពីរនេះ កម្ពុជាបានយកឈ្នះក្រុមកោះម៉ាកាវដោយលទ្ធផលទាំងពីរជើង៤-១ (កម្ពុជាឈ្នះ៣-០នៅក្នុងផ្ទះ និងស្មើ១-១ នៅទឹកដីម៉ាកាវ)សម្រាប់ការប្រកួតជម្រុះជុំទីមួយប្រចាំតំបន់អាស៊ីនៃពានបាល់ទាត់ពិភពលោកឆ្នាំ២០១៨នៅប្រទេសរុស្ស៊ី។ ចំណែកប្រទេសជប៉ុនជាក្រុមខ្លាំងនៅប្រចាំអាស៊ីគឺមិនមានការប្រកួតជម្រុះជុំទីមួយឡើយ។
ក្រុមធំកម្ពុជាមួយរយៈពេលចុងក្រោយនេះទាំងការប្រកួតមិត្តភាព និងប្រកួតពានផ្លូវការមិនសូវទទួលបានលទ្ធផលល្អប៉ុន្មានឡើយ បន្ទាប់ពីជម្រុះបាល់ទាត់ពិភពលោកជុំទីមួយ។ ពីរលើកនៅជុំទីពីរនៃការប្រកួតជម្រុះបាល់ទាត់ពិភពលោក កម្ពុជាបានចាញ់ទាំងពីរក្នុងដីរបស់ខ្លួនគឺចាញ់សិង្ហបុរី ៤-០ និងចាញ់អាហ្វហ្គានីស្ថាន ១-០។ ចំពោះការប្រកួតមិត្តភាពវិញ កម្ពុជាឈ្នះមីយ៉ាន់ម៉ា ១-០នៅទឹកទឹកដីថៃ ឈ្នះប៊ូតាន់ ២-០នៅភ្នំពេញ ស្មើឡាវ១-១នៅភ្នំពេញ ស្មើក្រុមថៃ Army United ១-១ នៅថៃនិងចាញ់ឡាវ២-១ នៅថៃ។
ចំណែកក្រុមខ្លាំងជប៉ុនវិញ៤ប្រកួតចុងក្រោយគឺអត់ទាន់ស្គាល់ជ័យជម្នះម្តងណាឡើយ។ ក្នុងព្រឹត្តិការណ៍ជម្រុះបាល់ទាត់ពិភពលោក ជប៉ុនបានត្រឹមស្មើនឹងក្រុមភ្ញៀវសិង្ហបុរី ០-០ នៅក្នុងដីរបស់ខ្លួន។ នៅពាន 2015 EAFF East Asian Cup ជប៉ុនបានចាញ់កូរ៉េខាងជើង២-១, ស្មើកូរ៉េខាងត្បូង ១-១ និងស្មើចិន ១-១។
និយាយពីជើងកីឡាករវិញ កម្ពុជាកំពុងជួបបញ្ហាខ្លះៗដោយសារកីឡាករល្អមួយចំនួនមានរបួស។ ខ្សែការពារ ហួយ ផល្លីន ត្រូវបានបញ្ជូនពីថៃមកកម្ពុជាដោយសារមានជំងឺគ្រុនឈាម ប្រាក់ មុន្នីឧត្តម និង ម៉ាត សេរីណូរ៉ាទីនក៏មិនជាប់នឹងក្រុមជម្រើសជាតិដោយសារបួស ហើយតារាឆ្នើម ចាន់ វឌ្ឍនាកាទំនងជាមិនបានលេងទេល្ងាចនេះ ខណៈកីឡាករវ័យក្មេង កែវ សុខផេងអាចនឹងចូលបាន ទោះជាមានបញ្ហាឈឺចាប់ចង្កេះខ្លះ។ ដូច្នេះលោកគ្រូកម្ពុជា Lee Tae Hoon ទំនងជាពិបាកតំបន់បម្រើប្រយុទ្ធ ប៉ុន្តែនឹងប្រើទម្រង់ការពារច្រើនជាង។
ចំពោះជើងកីឡាករជប៉ុនវិញពិតជាពោរពេញដោយកីឡាករឆ្នើមៗមកពីតំបន់អឺរ៉ុប។ លោកគ្រូបង្វឹកជប៉ុនជនជាតិបូស្នី Vahid Halihodzic បានកោះហៅតារាឆ្នើមរបស់ជប៉ុនមកហ្វឹកហាត់ជុំគ្នាតែពីរលើកប៉ុណ្ណោះមុនពេលប៉ះកម្ពុជា។ លោកគ្រូបង្វឹករូបនេះនិយាយប្រាប់សហព័ន្ធបាល់ទាត់ជប៉ុនថា ៖«យើងអត់ឈ្នះសម្រាប់៤ប្រកួតចុងក្រោយ។ យើងត្រូវការឈ្នះឲ្យបានសម្រាប់ពីរប្រកួតខាងមុខនេះ»។
តារាឆ្នើមរបស់ជប៉ុនមកពីក្រុម AC Milan គឺ HONDA Keisuke ដែលជាខ្សែប្រយុទ្ធជួរមុខបាននិយាយថា ៖«ក្រុមជប៉ុនត្រូវបានគេគិតថា ទទួលបានលទ្ធផលល្អ តែមួយរយៈពេលចុងក្រោយនេះ យើងអត់ទទួលបានលទ្ធផលល្អទេ។ ដូច្នេះយើងត្រូវការជ័យជម្នះជាចាំបាច់»។ កីឡាកររូបនេះបញ្ជាក់ថា រូបគេមានទម្រង់លេងពេញល្អ និងប្រកបដោយទំនុកចិត្តសម្រាប់ការប្រកួតល្ងាចនេះ។
កម្ពុជា និងជប៉ុនធ្លាប់មានប្រវត្តិជួបគ្នាបានពីរដង ប៉ុន្តែជប៉ុនទទួលបានជ័យជម្នះទាំងពីរដង។ លើកទី១ឆ្នាំ១៩៦៤ នៅពាន Mardeka Tournament កម្ពុជាចាញ់៤-០ និងលើកទីពីរឆ្នាំ១៩៧០ ក្នុងព្រឹត្តិការណ៍ Asian Games ជប៉ុនបានយកឈ្នះកម្ពុជា ១-០។
ក្រុមជប៉ុនហ្វឹកហាត់ (រូបថត៖ JFA)
ក្រុមកម្ពុជាហ្វឹកហាត់នៅជប៉ុន (រូបថត៖ FFC)
ការប្រកួតនឹងចាប់ផ្តើមវេលាម៉ោង១៩:២៦ នាទី (ម៉ោង ៥:២៦ នាទីល្ងាចនៅកម្ពុជា) ថ្ងៃទី៣ ខែកញ្ញាដែលមានផ្សាយបន្តផ្ទាល់ដោយទូរទស្សន៍ BTV។ បងប្អូនអ្នកគាំទ្រកម្ពុជាមានអ្វីចង់និយាយអំពីការប្រកួតនេះទេ?
Post a Comment