ជម្រើសជាតិកម្ពុជាដែលទើបតែបានធូរស្រាលពីរបួសចំនួន ៣នាក់នឹងចូលធ្វើតេស្តក្នុងថ្ងៃនេះនៅពហុកីឡដ្ឋានជាតិគឺ ប្រាក់ មុន្នីឧត្ដម, ហូយ ផល្លិន, និងចាន់ វឌ្ឍនាកា ដើម្បីសម្រេចថាពួកគេនឹងមានឈ្មោះបានលេងឲ្យក្រុមជម្រើសជាតិកម្ពុជាឬមួយក៏អត់ សម្រាប់ជំនួបជាមួយស៊ីរីនាថ្ងៃទី៨ ខែកញ្ញា ឆ្នាំ២០១៥ ចំពោះការប្រកួតបាល់ទាត់ពានរង្វាន់ពិភពលោកវគ្គជម្រុះជុំទី២ ជើងទី១ ក្នុងពូលE។
លោក Lee Tae Hoon គ្រូបង្គោលក្រុមបាល់ទាត់ជម្រើសជាតិកម្ពុជាបានឲ្យដឹងថា កីឡាករកម្ពុជាទាំង ៣ នាក់ខាងលើត្រូវរង់ចាំធ្វើតេស្តល្ងាចនេះ ដើម្បីឲ្យដឹងពីកម្លាំងរបស់ពួកគេ ដែលទើបជាពីរបួសវិញ ក៏ដើម្បីអាចបញ្ជាក់បានថាពួកគេបានលេងឲ្យក្រុមម្ចាស់ផ្ទះកម្ពុជាប្រកួតជាមួយស៊ីរីឬមួយក៏អត់។ ក្នុងនាមជាគ្រូបង្វឹកលោកត្រូវតែទទួលខុសត្រូវខ្ពស់ទៅលើអនាគតរបស់កីឡាករ មិនអាចគិតតែប្រយោជន៍មួយពេលប្រើកីឡាករ ដែលកំពុងមានរបួសឲ្យលេងនោះទេ។
លោកបានបន្តថា កីឡាករដែលមានរបួសពួកគេសម្រាកច្រើន ហើយក៏មិនបានហ្វឹកហាត់ជាមួយក្រុមជម្រើសជាតិច្រើនដែរ ហេតុនេះកម្លាំងអាចនឹងបាត់បង់ទៅតាមរយៈពេលនៃការសម្រាក។ បើប្រៀបធៀបរវាងកីឡាករដែលហ្វឹកហាត់ពេញលេញជាមួយក្រុមជម្រើសជាតិ និងកីឡាករដែលសម្រាកហើយបានហ្វឹកហាត់តិចព្រោះមានរបួសនោះគឺប្រាកដណាស់អ្នកហ្វឹកហាត់បានច្រើននឹងល្អជាងអ្នកមិនបានហ្វឹកហាត់ពេញលេញ។
លោកគ្រូរូបនេះប្រាប់ទៀតថា ជាការពិតណាស់គឺលោកចង់ដាក់កីឡាករទាំងបីនាក់ខាងលើឲ្យលេងព្រមគ្នាតែម្ដង ប៉ុន្តែលោកធ្វើអ្វីទៅតាមកាលៈទេសៈ បើទោះបីប្រកួតជាមួយស៊ីរីពួកគេមិនបានលេងក៏ប្រកួតក្រោយៗទៀត ពួកគេនឹងអាចលេងវិញបាន ពីព្រោះការប្រកួតមិនទាន់អស់នៅឡើយ៕
លោក Lee Tae Hoon គ្រូបង្គោលក្រុមបាល់ទាត់ជម្រើសជាតិកម្ពុជាបានឲ្យដឹងថា កីឡាករកម្ពុជាទាំង ៣ នាក់ខាងលើត្រូវរង់ចាំធ្វើតេស្តល្ងាចនេះ ដើម្បីឲ្យដឹងពីកម្លាំងរបស់ពួកគេ ដែលទើបជាពីរបួសវិញ ក៏ដើម្បីអាចបញ្ជាក់បានថាពួកគេបានលេងឲ្យក្រុមម្ចាស់ផ្ទះកម្ពុជាប្រកួតជាមួយស៊ីរីឬមួយក៏អត់។ ក្នុងនាមជាគ្រូបង្វឹកលោកត្រូវតែទទួលខុសត្រូវខ្ពស់ទៅលើអនាគតរបស់កីឡាករ មិនអាចគិតតែប្រយោជន៍មួយពេលប្រើកីឡាករ ដែលកំពុងមានរបួសឲ្យលេងនោះទេ។
លោកបានបន្តថា កីឡាករដែលមានរបួសពួកគេសម្រាកច្រើន ហើយក៏មិនបានហ្វឹកហាត់ជាមួយក្រុមជម្រើសជាតិច្រើនដែរ ហេតុនេះកម្លាំងអាចនឹងបាត់បង់ទៅតាមរយៈពេលនៃការសម្រាក។ បើប្រៀបធៀបរវាងកីឡាករដែលហ្វឹកហាត់ពេញលេញជាមួយក្រុមជម្រើសជាតិ និងកីឡាករដែលសម្រាកហើយបានហ្វឹកហាត់តិចព្រោះមានរបួសនោះគឺប្រាកដណាស់អ្នកហ្វឹកហាត់បានច្រើននឹងល្អជាងអ្នកមិនបានហ្វឹកហាត់ពេញលេញ។
លោកគ្រូរូបនេះប្រាប់ទៀតថា ជាការពិតណាស់គឺលោកចង់ដាក់កីឡាករទាំងបីនាក់ខាងលើឲ្យលេងព្រមគ្នាតែម្ដង ប៉ុន្តែលោកធ្វើអ្វីទៅតាមកាលៈទេសៈ បើទោះបីប្រកួតជាមួយស៊ីរីពួកគេមិនបានលេងក៏ប្រកួតក្រោយៗទៀត ពួកគេនឹងអាចលេងវិញបាន ពីព្រោះការប្រកួតមិនទាន់អស់នៅឡើយ៕
Post a Comment