លោក Luis Enrique អ្នកចាត់ការក្រុម Barcelona បានអះអាងថាអនាគតរបស់លោកនៅ Camp Nou រដូវកាលក្រោយមិនទាន់ច្បាស់នោះទេ ទោះជាបានជួយក្រុមនេះឈ្នះពាន៣ក្នុងមួយរដូវកាលក៏ដោយ។
លោក Enrique ក្នុងរដូវកាលដែលទើបតែបញ្ចប់នេះ បានជួយក្រុមអ្នកមានបុណ្យច្រើនមែនទែន ដោយ៦០ប្រកួត ឈ្នះរហូតដល់ទៅ៥០ប្រកួតឯណោះ និងជួយក្រុមលើកពានរង្វាន់បាន៣ថែមទៀតផង។ តែទោះជាយ៉ាងនេះក្ដី បុរសវ័យ៥១ឆ្នាំរូបនេះនៅតែមិនទាន់ច្បាស់ទេថាលោកអាចនៅ Barca បានឬអត់រដូវកាលក្រោយ ព្រោះខាងក្លិបធ្លាប់និយាយថាចង់រកអ្នកចាត់ការថ្មីមកជំនួសម្ដងមកហើយ។
“ជាក់ស្ដែង ខ្ញុំមិនច្បាស់ពីអនាគតរបស់ខ្ញុំឡើយ ប៉ុន្តែខ្ញុំសប្បាយចិត្តនឹងនៅទីនេះ។ វាជាឆ្នាំពិបាកសម្រាប់ខ្ញុំ ហើយក៏អរគុណសម្រាប់មនុស្សទាំងអស់ដែលបង្ហាញពីចំណុចខ្សោយរបស់ខ្ញុំដែរ។ មានពួកគេ ទើបខ្ញុំអាចកែប្រែ និងជួយក្រុមឱ្យជោគជ័យដល់ពេលនេះ។ យើងមិនដែលគិតថាអាចឈ្នះពាន៣ក្នុងមួយរដូវកាលទេ ប៉ុន្តែជាចុងក្រោយយើងអាចធ្វើបាន”។ អតីតអ្នកចាត់ការក្រុម Celta និយាយបន្ទាប់ពីជួយក្រុមលើកពាន UEFA Champions League ។
កាលពីពាក់កណ្ដាលរដូវកាល អ្នកចាត់ការសញ្ជាតិអេស្ប៉ាញរូបនេះមានបញ្ហាជាមួយកីឡាករ Lionel Messi ជាខ្លាំង ពោលគឺពួកគេធ្លាប់ឈ្លោះប្រកែកពាក្យសម្ដីគ្នា រហូតទាល់តែមានកីឡាករផ្សេងទៀតចូលមកឃាត់ឯណោះ។ គ្រានោះដែរ ម្ចាស់ក្លិបអ្នកមានបុណ្យក៏ធ្លាប់និយាយដែរថាអាចនឹងរកអ្នកចាត់ការថ្មីមកជំនួសពេលចប់រដូវកាល ដើម្បីកុំឱ្យមានបញ្ហាកាន់តែខ្លាំងនៅក្នុងក្រុម។
តែតាំងពីពេលនោះមក អ្នកចាត់ការដែលចាប់ផ្ដើមអាជីពនៅឆ្នាំ២០០៨រូបនេះ បែរជាពង្រឹងក្រុមកាន់តែខ្លាំងជាងមុន ដោយ៦០ប្រកួតមកនេះ ចាញ់តែ៦ដង ស្មើ ៤ ឈ្នះ៥០ (គិតគ្រប់ពានរង្វាន់)៕
លោក Enrique ក្នុងរដូវកាលដែលទើបតែបញ្ចប់នេះ បានជួយក្រុមអ្នកមានបុណ្យច្រើនមែនទែន ដោយ៦០ប្រកួត ឈ្នះរហូតដល់ទៅ៥០ប្រកួតឯណោះ និងជួយក្រុមលើកពានរង្វាន់បាន៣ថែមទៀតផង។ តែទោះជាយ៉ាងនេះក្ដី បុរសវ័យ៥១ឆ្នាំរូបនេះនៅតែមិនទាន់ច្បាស់ទេថាលោកអាចនៅ Barca បានឬអត់រដូវកាលក្រោយ ព្រោះខាងក្លិបធ្លាប់និយាយថាចង់រកអ្នកចាត់ការថ្មីមកជំនួសម្ដងមកហើយ។
“ជាក់ស្ដែង ខ្ញុំមិនច្បាស់ពីអនាគតរបស់ខ្ញុំឡើយ ប៉ុន្តែខ្ញុំសប្បាយចិត្តនឹងនៅទីនេះ។ វាជាឆ្នាំពិបាកសម្រាប់ខ្ញុំ ហើយក៏អរគុណសម្រាប់មនុស្សទាំងអស់ដែលបង្ហាញពីចំណុចខ្សោយរបស់ខ្ញុំដែរ។ មានពួកគេ ទើបខ្ញុំអាចកែប្រែ និងជួយក្រុមឱ្យជោគជ័យដល់ពេលនេះ។ យើងមិនដែលគិតថាអាចឈ្នះពាន៣ក្នុងមួយរដូវកាលទេ ប៉ុន្តែជាចុងក្រោយយើងអាចធ្វើបាន”។ អតីតអ្នកចាត់ការក្រុម Celta និយាយបន្ទាប់ពីជួយក្រុមលើកពាន UEFA Champions League ។
កាលពីពាក់កណ្ដាលរដូវកាល អ្នកចាត់ការសញ្ជាតិអេស្ប៉ាញរូបនេះមានបញ្ហាជាមួយកីឡាករ Lionel Messi ជាខ្លាំង ពោលគឺពួកគេធ្លាប់ឈ្លោះប្រកែកពាក្យសម្ដីគ្នា រហូតទាល់តែមានកីឡាករផ្សេងទៀតចូលមកឃាត់ឯណោះ។ គ្រានោះដែរ ម្ចាស់ក្លិបអ្នកមានបុណ្យក៏ធ្លាប់និយាយដែរថាអាចនឹងរកអ្នកចាត់ការថ្មីមកជំនួសពេលចប់រដូវកាល ដើម្បីកុំឱ្យមានបញ្ហាកាន់តែខ្លាំងនៅក្នុងក្រុម។
តែតាំងពីពេលនោះមក អ្នកចាត់ការដែលចាប់ផ្ដើមអាជីពនៅឆ្នាំ២០០៨រូបនេះ បែរជាពង្រឹងក្រុមកាន់តែខ្លាំងជាងមុន ដោយ៦០ប្រកួតមកនេះ ចាញ់តែ៦ដង ស្មើ ៤ ឈ្នះ៥០ (គិតគ្រប់ពានរង្វាន់)៕
Post a Comment