ក្រុមហ៊ុនឆ្នោតកីឡា បានបើកសម្ពោធទីស្នាក់ការថ្មីរបស់ខ្លួន និងប្រកាសបើកឲ្យធ្វើសកម្មភាពឆ្នោត នៅលើទីផ្សារកម្ពុជា កាលពីព្រឹកថ្ងៃអង្គារនេះ ខណៈក្រុមហ៊ុនឆ្នោតមួយនេះបានទទួលអាជ្ញាប័ណ្ឌស្របច្បាប់ពីរាជរដ្ឋាភិបាល តាំងពីថ្ងៃទី១២ ខែមីនា ឆ្នាំ២០១៣ ដោយតម្រូវឲ្យធ្វើអាជីវកម្មស្របច្បាប់លើប្រភេទឆ្នោត ៤លេខ ៦លេខ និងប្រភេទឆ្នោតកោស។
នៅក្នុងពិធីបើកសម្ពោធទីស្នាក់ការថ្មី និងប្រកាសឲ្យធ្វើអាជីវកម្មឆ្នោតកីឡាជាតិ កាលពីព្រឹកមិញនោះ គឺមានការអញ្ជើញចូលរួមពីលោក ថោង ខុន ប្រធានគណៈកម្មាធិការជាតិអូឡាំពិកកម្ពុជា(NOCC) លោកខៀវ កាញារីទ្ធ រដ្ឋមន្ត្រីក្រសួងព័ត៌មាន លោក CAO Yunter ប្រធានក្រុមប្រឹក្សាភិបាលឆ្នោតកីឡាជាតិ ព្រមទាំងសមាជិកប្រតិបត្តិរបស់ NOCC មន្រ្តីកីឡា និងកីឡាករ កីឡាការិនី ជាច្រើននាក់ទៀត។
ថ្លែងនៅក្នុងពិធីសម្ពោធនោះលោក ថោង ខុន បានលើកឡើងថា ឆ្នោតកីឡាជាតិ ជាប្រភេទឆ្នោតឡូតូ ដែលមានលក្ខណៈស្វែងរកសំណាង និង កម្សាន្ត ហើយឆ្នោតនេះមិនមែនជាប្រភេទល្បែងស៊ីសងនោះទេ។ ឆ្នោតនេះធ្វើសកម្មភាព ស្វែងរកមូលនិធីជួយសង្គមជាតិ និង កីឡា គឺជាផ្នែកមួយនៃការទ្រទ្រង់វិស័យកីឡាកម្រិតខ្ពស់ និង អភិវឌ្ឍន៍សកម្មភាពកីឡាឆ្ពោះទៅរៀបចំការធ្វើជាម្ចាស់ផ្ទះនៃកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា។
ចំណែកលោក CAO Yunter បានថ្លែងបន្ថែមថា ការបើកឲ្យធ្វើអាជិវកម្មឆ្នោតកីឡាជាតិនេះ គឺជាការចាប់ផ្ដើមចូលរួមចំណែកធ្វើឲ្យកម្ពុជា ក្លាយជាប្រទេសមួយដែលមានវិស័យកីឡារីកចម្រើន នៅក្នុងតំបន់អាស៊ីអាគ្នេយ៍ ហើយតាមរយៈការជួយជ្រោមជ្រែងនេះ នឹងជំរុញឲ្យវិស័យកីឡាកម្ពុជា អាចបោះជំហានឆ្ពោះទៅកាន់ពិភពលោក នាពេលអនាគត។
គួរបញ្ជាក់ថា ក្រុមហ៊ុនឆ្នោតកីឡាជាតិ គឺជាក្រុមហ៊ុនឆ្នោតទី៤ហើយ ដែលបានមកធ្វើអាជីវកម្មឆ្នោតកីឡាជាតិនេះ ហើយចំពោះការចំណាយ និងផលចំណេញរបស់ក្រុមហ៊ុនឆ្នោតកីឡាជាតិនេះ ត្រូវបានលោក វ៉ាត់ ចំរើន អគ្គលេខាធិការ NOCC គូសបញ្ជាក់ថា ចំណូលបានពីការលក់ឆ្នោតកីឡាជាតិនេះ ត្រូវបង់ពន្ធជូនរដ្ឋ១០ភាគរយ រីឯចំណូលនៅសល់ពីការបង់ពន្ធគឺទុក៦០ភាគរយសម្រាប់ជាប្រាក់រង្វាន់ដល់អ្នកលេងឆ្នោត។
ចំណែកថវិកានៅសល់ពីការផ្តល់រង្វាន់គឺយកមកចំណាយនៅក្នុងក្រុមហ៊ុនឆ្នោតកីឡាជាតិ ហើយថវិកាដែលនៅសល់ពីការចំណាយនេះ គឺគណៈកម្មាធិការជាតិអូឡាំពិកកម្ពុជា នឹងទទួលបានផលចំនួន៣០ភាគរយ សម្រាប់យកមកបម្រើដល់វិស័យកីឡាជាតិ៕
នៅក្នុងពិធីបើកសម្ពោធទីស្នាក់ការថ្មី និងប្រកាសឲ្យធ្វើអាជីវកម្មឆ្នោតកីឡាជាតិ កាលពីព្រឹកមិញនោះ គឺមានការអញ្ជើញចូលរួមពីលោក ថោង ខុន ប្រធានគណៈកម្មាធិការជាតិអូឡាំពិកកម្ពុជា(NOCC) លោកខៀវ កាញារីទ្ធ រដ្ឋមន្ត្រីក្រសួងព័ត៌មាន លោក CAO Yunter ប្រធានក្រុមប្រឹក្សាភិបាលឆ្នោតកីឡាជាតិ ព្រមទាំងសមាជិកប្រតិបត្តិរបស់ NOCC មន្រ្តីកីឡា និងកីឡាករ កីឡាការិនី ជាច្រើននាក់ទៀត។
ថ្លែងនៅក្នុងពិធីសម្ពោធនោះលោក ថោង ខុន បានលើកឡើងថា ឆ្នោតកីឡាជាតិ ជាប្រភេទឆ្នោតឡូតូ ដែលមានលក្ខណៈស្វែងរកសំណាង និង កម្សាន្ត ហើយឆ្នោតនេះមិនមែនជាប្រភេទល្បែងស៊ីសងនោះទេ។ ឆ្នោតនេះធ្វើសកម្មភាព ស្វែងរកមូលនិធីជួយសង្គមជាតិ និង កីឡា គឺជាផ្នែកមួយនៃការទ្រទ្រង់វិស័យកីឡាកម្រិតខ្ពស់ និង អភិវឌ្ឍន៍សកម្មភាពកីឡាឆ្ពោះទៅរៀបចំការធ្វើជាម្ចាស់ផ្ទះនៃកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជា។
ចំណែកលោក CAO Yunter បានថ្លែងបន្ថែមថា ការបើកឲ្យធ្វើអាជិវកម្មឆ្នោតកីឡាជាតិនេះ គឺជាការចាប់ផ្ដើមចូលរួមចំណែកធ្វើឲ្យកម្ពុជា ក្លាយជាប្រទេសមួយដែលមានវិស័យកីឡារីកចម្រើន នៅក្នុងតំបន់អាស៊ីអាគ្នេយ៍ ហើយតាមរយៈការជួយជ្រោមជ្រែងនេះ នឹងជំរុញឲ្យវិស័យកីឡាកម្ពុជា អាចបោះជំហានឆ្ពោះទៅកាន់ពិភពលោក នាពេលអនាគត។
គួរបញ្ជាក់ថា ក្រុមហ៊ុនឆ្នោតកីឡាជាតិ គឺជាក្រុមហ៊ុនឆ្នោតទី៤ហើយ ដែលបានមកធ្វើអាជីវកម្មឆ្នោតកីឡាជាតិនេះ ហើយចំពោះការចំណាយ និងផលចំណេញរបស់ក្រុមហ៊ុនឆ្នោតកីឡាជាតិនេះ ត្រូវបានលោក វ៉ាត់ ចំរើន អគ្គលេខាធិការ NOCC គូសបញ្ជាក់ថា ចំណូលបានពីការលក់ឆ្នោតកីឡាជាតិនេះ ត្រូវបង់ពន្ធជូនរដ្ឋ១០ភាគរយ រីឯចំណូលនៅសល់ពីការបង់ពន្ធគឺទុក៦០ភាគរយសម្រាប់ជាប្រាក់រង្វាន់ដល់អ្នកលេងឆ្នោត។
ចំណែកថវិកានៅសល់ពីការផ្តល់រង្វាន់គឺយកមកចំណាយនៅក្នុងក្រុមហ៊ុនឆ្នោតកីឡាជាតិ ហើយថវិកាដែលនៅសល់ពីការចំណាយនេះ គឺគណៈកម្មាធិការជាតិអូឡាំពិកកម្ពុជា នឹងទទួលបានផលចំនួន៣០ភាគរយ សម្រាប់យកមកបម្រើដល់វិស័យកីឡាជាតិ៕
Post a Comment