អ្នកលេងយុទ្ធគុនខម ចាន់ រតនា បានក្លាយជាកីឡាករប្រដាល់កម្ពុជាទីមួយដែលសាងប្រវត្តិឈ្នះនៅស្ថាប័នអន្តរជាតិ ONE Championship បន្ទាប់ពីបានផ្តួលជើងខ្លាំងរបស់ហ្វីលីពីន Ramon Gonzalez ក្នុងទឹកមួយនៅព្រឹត្តិការណ៍ ONE FC: Age of Champion កាលពីថ្ងៃទី១៣ ខែមីនា ឆ្នាំ២០១៥ នៅទីក្រុងកូឡាឡាំពួរ ប្រទេសម៉ាឡេស៊ី។
បន្ទាប់ពីទទួលបានជោគជ័យសម្រាប់ការប្រកួតអន្តរជាតិខាងលើ ចាន់ រតនា នឹងមានឱកាសច្រើនទៀតសម្រាប់ប្រកួតជាមួយកីឡាករប្រទេសនៅស្ថាប័ន One Championship ជាពិសេសពេលស្ថាប័នមួយនេះវិលត្រឡប់មករៀបចំនៅលើទឹកដីប្រទេសកម្ពុជាលើកទី២នាចុងឆ្នាំនេះ។ ៥ចំណុចខាងក្រោមជាហេតុផលដែលអាចបញ្ជាក់ថា កីឡាករកម្ពុជាអាយុ២៩ឆ្នាំរូបនេះនឹងក្លាយជាកីឡាករល្បីឈ្មោះលើឆាកអន្តរជាតិ។
១-ការហ្វឹកហាត់ អ្នកប្រដាល់ដែលបានប្រឡូកចូលក្នុងពិភពគុនខ្មែរច្រើនឆ្នាំ ចាន់ រតនា បានព្យាយាមហ្វឹកហាត់ជាប្រចាំចាប់តាំងពីរូបគេទទួលបានឱកាសជាលើកដំបូងក្នុងការប្រកួតនៅកម្មវិធី One Championship ដែលរៀបចំនៅកម្ពុជាកាលពីខែកញ្ញា ឆ្នាំ២០១៤។ បន្ទាប់មករូបគេបានចេញទៅហ្វឹកហាត់នៅប្រទេសថៃ ហើយប្រកួតឈ្នះលើកីឡាករហ្វីលីពីនកាលពីពេលថ្មីៗនេះ។ រតនាបាននិយាយថា ៖«ខ្ញុំបានត្រៀមក្បាច់ក្រោមជាងក្បាច់លើ ព្រោះខ្ញុំជាកីឡាករប្រដាល់ MMA ថ្មី និងមានបទពិសោធន៍ច្រើនតែខាងវ៉ៃឈរ។ កាលទៅហាត់នៅថៃខ្ញុំទទួលបានចំណេះដឹងច្រើនពីលោកគ្រូបង្ហាត់នៅទីនោះ ហើយឥឡូវនៅតែហ្វឹកហាត់រហូត»។
២-បទពិសោធន៍គុនខ្មែរ ចាន់ រតនា ធ្លាប់បានប្រកួតប្រដាល់សេរីបានរហូតដល់៩០ដងក្នុងនោះក៏មានការប្រកួតជាលក្ខណៈអន្តរជាតិផងដែរ។ ក្រៅពីសាងកេរ្តិ៍ឈ្មោះល្បីលើសង្វៀនប្រដាល់សេរីអស់រយៈពេលជាច្រើនឆ្នាំ កីឡាកររូបនេះបានឃ្លាតឆ្ងាយពីប្រដាល់សេរី ប៉ុន្តែបែរជាលេចមុខប្រកួតក្នុងស្ថាប័នអន្តរជាតិ One Championship កាលពីខែកញ្ញាឆ្នាំ២០១៤។ ឆ្លងកាត់ការប្រកួត៣លើកក្នុងកម្មវិធីអន្តរជាតិនេះ ចាន់ រតនា មិនធ្លាប់ធ្វើឲ្យអ្នកគាំទ្រខកចិត្តម្តងណាឡើយដោយលើកទីមួយផ្ដួលម្ចាស់ខ្សែក្រវាត់ស៊ីធីអីន ប្រាក់ ចាន់ស៊ីន លើកទឹកទីពីរបានផ្ដួល សំអាង ឌុន ប៉ុន្តែត្រូវប្រកាសឲ្យចាញ់ដោយសារគណៈកម្មការប្រកួតយល់ឃើញថា វាយខុសបច្ចេកទេស។ ទោះជាយ៉ាងណាអ្នកគាំទ្រពេញចិត្តលើ ចាន់ រតនា ជាងដោយយល់ឃើញថា សំអាង ឌុនធ្វើពុតដើម្បីបានឈ្នះ។ ចំពោះការប្រកួតលើកទី៣ ចាន់ រតនា បានផ្តួលកីឡាករហ្វីលីពីនក្នុងទឹកទី២។
៣-មូលដ្ឋានគ្រឹះក្បាច់យុទ្ធគុនខម ចាន់ រតនា ជាកីឡាករប្រដាល់សេរីមួយរូបដែលមានប្រភពដើមចេញពីក្បាច់គុនបុរាណខ្មែរគឺយុទ្ធគុនខមដែលមានមូលដ្ឋានគ្រឹះវាយលុកលើដៃគូទាំងផ្នែកលើ និងក្រោម។ ឪពុករបស់របស់គេគឺលោក ចាន់ ប៊ុនធឿន ជាគ្រូបង្ហាត់ប្រដាល់សេរី និងយុទ្ធគុនខមដែលបានផ្ដល់ឱកាសដល់ ចាន់ រតនាបានហ្វឹកហាត់។ តាមរយៈការចេះក្បាច់យុទ្ធគុនខមនេះហើយបានធ្វើឲ្យកីឡាកររូបនេះឧស្សាហ៍ប្រើក្បាច់ពិសេសប្លែកៗនៅលើសង្វៀន។ លើសពីនេះទៀត រនតនា ជាគ្រូក្បាច់យុទ្ធគុនខមនៅក្លិបប្រដាល់របស់ឪពុក និងបង្ហាត់-សម្តែងដល់ភ្ញៀវជាតិ និងអន្តរជាតិនៅក្លិបផ្ទាល់ខ្លួនឈ្មោះ«សិល្បៈ»ជិតផ្សារចាស់ទៀតផង ហើយក៏ធ្លាប់ចេញទៅសម្ដែងយុទ្ធគុនខមនៅប្រទេសបារាំងថែមទៀត។
៤-ចំណង់ចិត្តវ៉ៃ MMA ក្រោយបាត់មុខពីសង្វៀនប្រដាល់សេរីអស់រយៈពេលជាច្រើនខែ ចាន់ រតនា បានឲ្យដឹងថា រូបគេចង់ប្រកួតក្នុងព្រឹត្តិការណ៍គុនចម្រុះ MMA ទាំងកម្រិតជាតិ និងអន្តរជាតិ ជាពិសេសនៅ One Championship នៅពេលកម្មវិធីនេះមករៀបចំលើកដំបូងនៅប្រទេសកម្ពុជា។ ទីបំផុតបំណងប្រាថ្នារបស់គេបានសម្រេចម៉េច ខណៈរូបគេត្រូវបានផ្គូផ្គងឲ្យជួបនឹងកីឡាករកម្ពុជាដូចគ្នាគឺប្រាក់ ចាន់ស៊ីន មុនពេលប៉ះ សំអាង ឌុន នៅថ្ងៃទី១២ ខែកញ្ញា ឆ្នាំ២០១៤។ ចំណុចនេះហើយជាច្រកដើរដំបូងរបស់ ចាន់ រតនា ឆ្ពោះទៅរកការប្រកួតអន្តរជាតិដែលស្របតាមបំណងប្រាថ្នារបស់ខ្លួន។
៥- ស្នៀតប្រយុទ្ធពិសេសៗ ចាន់ រតនា ឧស្សាហ៍បានប្រើស្នៀតប្រយុទ្ធពិសេសៗដើម្បីសម្លាប់ដៃគូដែលជាចំណុចទទួលបានការចាប់អារម្មណ៍ខ្លាំងពីអ្នកគាំទ្រក៏ដូចជាអ្នករៀបចំកម្មវិធីប្រកួត។ ក្បាច់ប្រយុទ្ធដែលកីឡាកររូបនេះព្យាយាមប្រើជាញឹកញាប់គឺ «ច្រត់ឥសីដែកឈាន ឬហៅជាទូទៅថា «បែរត្រឡប់ធាក់ក្រោយ)»ដែលទទួលបានការចាប់អារម្មណ៍ខ្លាំងពីអ្នកទស្សនា។ រតនា ប្រាប់ថា ៖«បើសិនធាក់ចំចំហៀងទ្រូងខាងស្ដាំដោយប្រអប់ជើងពេញ អ្នកប្រដាល់ខ្លាំងយ៉ាងណាក៏មិនអាចស៊ូបានដែរ»។
បើនិយាយពីកម្មវិធី One Championship វិញលោក Victor Cui នាយកប្រតិបត្តិស្ថាប័ននេះបានប្រកាសថា កីឡាករណាវ៉ៃទទួលបានការចាប់អារម្មណ៍ខ្លាំងបំផុតពីអ្នកទស្សនានឹងទទួលបានប្រាក់រង្វាន់លើកទឹកចិត្ត៥ម៉ឺនដុល្លារ។ មិនត្រឹមតែប៉ុណ្ណោះស្ថាប័នប្រដាល់អន្តរជាតិមួយនេះបានសរសើរ ចាន់ រតនា ថា វ៉ៃបានល្អពេលឈ្នះកីឡាករហ្វីលីពីន៕
បន្ទាប់ពីទទួលបានជោគជ័យសម្រាប់ការប្រកួតអន្តរជាតិខាងលើ ចាន់ រតនា នឹងមានឱកាសច្រើនទៀតសម្រាប់ប្រកួតជាមួយកីឡាករប្រទេសនៅស្ថាប័ន One Championship ជាពិសេសពេលស្ថាប័នមួយនេះវិលត្រឡប់មករៀបចំនៅលើទឹកដីប្រទេសកម្ពុជាលើកទី២នាចុងឆ្នាំនេះ។ ៥ចំណុចខាងក្រោមជាហេតុផលដែលអាចបញ្ជាក់ថា កីឡាករកម្ពុជាអាយុ២៩ឆ្នាំរូបនេះនឹងក្លាយជាកីឡាករល្បីឈ្មោះលើឆាកអន្តរជាតិ។
១-ការហ្វឹកហាត់ អ្នកប្រដាល់ដែលបានប្រឡូកចូលក្នុងពិភពគុនខ្មែរច្រើនឆ្នាំ ចាន់ រតនា បានព្យាយាមហ្វឹកហាត់ជាប្រចាំចាប់តាំងពីរូបគេទទួលបានឱកាសជាលើកដំបូងក្នុងការប្រកួតនៅកម្មវិធី One Championship ដែលរៀបចំនៅកម្ពុជាកាលពីខែកញ្ញា ឆ្នាំ២០១៤។ បន្ទាប់មករូបគេបានចេញទៅហ្វឹកហាត់នៅប្រទេសថៃ ហើយប្រកួតឈ្នះលើកីឡាករហ្វីលីពីនកាលពីពេលថ្មីៗនេះ។ រតនាបាននិយាយថា ៖«ខ្ញុំបានត្រៀមក្បាច់ក្រោមជាងក្បាច់លើ ព្រោះខ្ញុំជាកីឡាករប្រដាល់ MMA ថ្មី និងមានបទពិសោធន៍ច្រើនតែខាងវ៉ៃឈរ។ កាលទៅហាត់នៅថៃខ្ញុំទទួលបានចំណេះដឹងច្រើនពីលោកគ្រូបង្ហាត់នៅទីនោះ ហើយឥឡូវនៅតែហ្វឹកហាត់រហូត»។
២-បទពិសោធន៍គុនខ្មែរ ចាន់ រតនា ធ្លាប់បានប្រកួតប្រដាល់សេរីបានរហូតដល់៩០ដងក្នុងនោះក៏មានការប្រកួតជាលក្ខណៈអន្តរជាតិផងដែរ។ ក្រៅពីសាងកេរ្តិ៍ឈ្មោះល្បីលើសង្វៀនប្រដាល់សេរីអស់រយៈពេលជាច្រើនឆ្នាំ កីឡាកររូបនេះបានឃ្លាតឆ្ងាយពីប្រដាល់សេរី ប៉ុន្តែបែរជាលេចមុខប្រកួតក្នុងស្ថាប័នអន្តរជាតិ One Championship កាលពីខែកញ្ញាឆ្នាំ២០១៤។ ឆ្លងកាត់ការប្រកួត៣លើកក្នុងកម្មវិធីអន្តរជាតិនេះ ចាន់ រតនា មិនធ្លាប់ធ្វើឲ្យអ្នកគាំទ្រខកចិត្តម្តងណាឡើយដោយលើកទីមួយផ្ដួលម្ចាស់ខ្សែក្រវាត់ស៊ីធីអីន ប្រាក់ ចាន់ស៊ីន លើកទឹកទីពីរបានផ្ដួល សំអាង ឌុន ប៉ុន្តែត្រូវប្រកាសឲ្យចាញ់ដោយសារគណៈកម្មការប្រកួតយល់ឃើញថា វាយខុសបច្ចេកទេស។ ទោះជាយ៉ាងណាអ្នកគាំទ្រពេញចិត្តលើ ចាន់ រតនា ជាងដោយយល់ឃើញថា សំអាង ឌុនធ្វើពុតដើម្បីបានឈ្នះ។ ចំពោះការប្រកួតលើកទី៣ ចាន់ រតនា បានផ្តួលកីឡាករហ្វីលីពីនក្នុងទឹកទី២។
៣-មូលដ្ឋានគ្រឹះក្បាច់យុទ្ធគុនខម ចាន់ រតនា ជាកីឡាករប្រដាល់សេរីមួយរូបដែលមានប្រភពដើមចេញពីក្បាច់គុនបុរាណខ្មែរគឺយុទ្ធគុនខមដែលមានមូលដ្ឋានគ្រឹះវាយលុកលើដៃគូទាំងផ្នែកលើ និងក្រោម។ ឪពុករបស់របស់គេគឺលោក ចាន់ ប៊ុនធឿន ជាគ្រូបង្ហាត់ប្រដាល់សេរី និងយុទ្ធគុនខមដែលបានផ្ដល់ឱកាសដល់ ចាន់ រតនាបានហ្វឹកហាត់។ តាមរយៈការចេះក្បាច់យុទ្ធគុនខមនេះហើយបានធ្វើឲ្យកីឡាកររូបនេះឧស្សាហ៍ប្រើក្បាច់ពិសេសប្លែកៗនៅលើសង្វៀន។ លើសពីនេះទៀត រនតនា ជាគ្រូក្បាច់យុទ្ធគុនខមនៅក្លិបប្រដាល់របស់ឪពុក និងបង្ហាត់-សម្តែងដល់ភ្ញៀវជាតិ និងអន្តរជាតិនៅក្លិបផ្ទាល់ខ្លួនឈ្មោះ«សិល្បៈ»ជិតផ្សារចាស់ទៀតផង ហើយក៏ធ្លាប់ចេញទៅសម្ដែងយុទ្ធគុនខមនៅប្រទេសបារាំងថែមទៀត។
៤-ចំណង់ចិត្តវ៉ៃ MMA ក្រោយបាត់មុខពីសង្វៀនប្រដាល់សេរីអស់រយៈពេលជាច្រើនខែ ចាន់ រតនា បានឲ្យដឹងថា រូបគេចង់ប្រកួតក្នុងព្រឹត្តិការណ៍គុនចម្រុះ MMA ទាំងកម្រិតជាតិ និងអន្តរជាតិ ជាពិសេសនៅ One Championship នៅពេលកម្មវិធីនេះមករៀបចំលើកដំបូងនៅប្រទេសកម្ពុជា។ ទីបំផុតបំណងប្រាថ្នារបស់គេបានសម្រេចម៉េច ខណៈរូបគេត្រូវបានផ្គូផ្គងឲ្យជួបនឹងកីឡាករកម្ពុជាដូចគ្នាគឺប្រាក់ ចាន់ស៊ីន មុនពេលប៉ះ សំអាង ឌុន នៅថ្ងៃទី១២ ខែកញ្ញា ឆ្នាំ២០១៤។ ចំណុចនេះហើយជាច្រកដើរដំបូងរបស់ ចាន់ រតនា ឆ្ពោះទៅរកការប្រកួតអន្តរជាតិដែលស្របតាមបំណងប្រាថ្នារបស់ខ្លួន។
៥- ស្នៀតប្រយុទ្ធពិសេសៗ ចាន់ រតនា ឧស្សាហ៍បានប្រើស្នៀតប្រយុទ្ធពិសេសៗដើម្បីសម្លាប់ដៃគូដែលជាចំណុចទទួលបានការចាប់អារម្មណ៍ខ្លាំងពីអ្នកគាំទ្រក៏ដូចជាអ្នករៀបចំកម្មវិធីប្រកួត។ ក្បាច់ប្រយុទ្ធដែលកីឡាកររូបនេះព្យាយាមប្រើជាញឹកញាប់គឺ «ច្រត់ឥសីដែកឈាន ឬហៅជាទូទៅថា «បែរត្រឡប់ធាក់ក្រោយ)»ដែលទទួលបានការចាប់អារម្មណ៍ខ្លាំងពីអ្នកទស្សនា។ រតនា ប្រាប់ថា ៖«បើសិនធាក់ចំចំហៀងទ្រូងខាងស្ដាំដោយប្រអប់ជើងពេញ អ្នកប្រដាល់ខ្លាំងយ៉ាងណាក៏មិនអាចស៊ូបានដែរ»។
បើនិយាយពីកម្មវិធី One Championship វិញលោក Victor Cui នាយកប្រតិបត្តិស្ថាប័ននេះបានប្រកាសថា កីឡាករណាវ៉ៃទទួលបានការចាប់អារម្មណ៍ខ្លាំងបំផុតពីអ្នកទស្សនានឹងទទួលបានប្រាក់រង្វាន់លើកទឹកចិត្ត៥ម៉ឺនដុល្លារ។ មិនត្រឹមតែប៉ុណ្ណោះស្ថាប័នប្រដាល់អន្តរជាតិមួយនេះបានសរសើរ ចាន់ រតនា ថា វ៉ៃបានល្អពេលឈ្នះកីឡាករហ្វីលីពីន៕
Post a Comment