ក្រោយក្រុម Manchester United យកឈ្នះ Aston Villa ៣-១ កាលពីចុងសប្ដាហ៍ ដែលធ្វើឲ្យបិសាចក្រហម ឈ្នះ ៥ប្រកួតជាប់ៗគ្នានៅ Premier League រួចមក ខ្សែបម្រើ Juan Mata បានលើកឡើងថា ក្រុមរបស់គេ នៅមានការងារធ្ងន់ត្រូវធ្វើបន្តទៀត ពោលគឺត្រូវគិតថា គ្រប់ការប្រកួតទាំងអស់ ដូចជាការប្រកួតវគ្គផ្ដាច់ព្រ័ត្រ។
កីឡាករអេស្ប៉ាញ Mata បានឡើងទម្រង់លេងដល់កម្រិតកំពូល ចំពេលសំខាន់របស់ក្រុម Man Utd នៅរដូវកាលនេះ ដែលត្រូវប្រកួតប្រជែងស្លាប់រស់ ដើម្បីដណ្ដើមកៅអី Champions League ដោយប៉ះសុទ្ធតែក្រុមខ្លាំងភាគច្រើននៅចុងរដូវកាលនេះ ខណៈដែលបិសាចក្រហម គ្រោងនឹងចាប់យកចំណាត់ថ្នាក់លេខ២ឲ្យបាន។
ខ្សែបម្រើវ័យ២៦ឆ្នាំរូបនេះ បានប្រាប់ដល់ MUTV ថា៖ “យើងចង់បញ្ចប់រដូវកាលនូវចំណុចមួយល្អបំផុត តាមដែលអាចធ្វើបាន ហើយខ្ញុំគិតថាយើងនឹងអាចឈ្នះការប្រកួតច្រើនទៀត បើយើងអាចរក្សាទម្រង់លេងបានល្អ ដូចពីរបីប្រកួតចុងក្រោយនេះ”។
អតីតតារាឆ្នើមរបស់ក្រុម Chelsea បានបន្ថែមថា៖ “យើងនឹងត្រូវប៉ះគូប្រជែងធំដូចជា Chelsea, City និង Arsenal ទៀត ដូច្នេះយើងត្រូវតែលេងនៅកម្រិតល្អបំផុត ដើម្បីយកឈ្នះពួកគេបាន។ គ្រប់ការប្រកួត គឺជាវគ្គផ្ដាច់ព្រ័ត្រ យើងត្រូវតែប្រយ័ត្នគ្រប់ការប្រកួតទាំងអស់ ដែលនៅសល់។
ដូច្នេះឥឡូវយើងកំពុងតែគិតពីការប្រកួតនៅថ្ងៃអាទិត្យ (ប៉ះ Man City) និងបន្ទាប់មក យើងនឹងគិតប្រកួតបន្ទាប់ទៀត។ គ្រប់ការប្រកួតទាំងអស់ គឺសំខាន់បំផុត រហូតដល់ចប់រដូវកាល”។
បិសាចក្រហម Man Utd ដែលឈរនៅចំណាត់ថ្នាក់លេខ៣ នឹងត្រូវប៉ះក្រុមគូប្រជែងធំនៅក្នុងទីក្រុង ដូចគ្នា (Manchester) ជើងឯកចាស់ Manchester City ដែលឈរនៅតំណែងលេខ៤ ខុសគ្នាតែ១ពិន្ទុ នៅថ្ងៃអាទិត្យចុងសប្ដាហ៍នេះ៕
កីឡាករអេស្ប៉ាញ Mata បានឡើងទម្រង់លេងដល់កម្រិតកំពូល ចំពេលសំខាន់របស់ក្រុម Man Utd នៅរដូវកាលនេះ ដែលត្រូវប្រកួតប្រជែងស្លាប់រស់ ដើម្បីដណ្ដើមកៅអី Champions League ដោយប៉ះសុទ្ធតែក្រុមខ្លាំងភាគច្រើននៅចុងរដូវកាលនេះ ខណៈដែលបិសាចក្រហម គ្រោងនឹងចាប់យកចំណាត់ថ្នាក់លេខ២ឲ្យបាន។
ខ្សែបម្រើវ័យ២៦ឆ្នាំរូបនេះ បានប្រាប់ដល់ MUTV ថា៖ “យើងចង់បញ្ចប់រដូវកាលនូវចំណុចមួយល្អបំផុត តាមដែលអាចធ្វើបាន ហើយខ្ញុំគិតថាយើងនឹងអាចឈ្នះការប្រកួតច្រើនទៀត បើយើងអាចរក្សាទម្រង់លេងបានល្អ ដូចពីរបីប្រកួតចុងក្រោយនេះ”។
អតីតតារាឆ្នើមរបស់ក្រុម Chelsea បានបន្ថែមថា៖ “យើងនឹងត្រូវប៉ះគូប្រជែងធំដូចជា Chelsea, City និង Arsenal ទៀត ដូច្នេះយើងត្រូវតែលេងនៅកម្រិតល្អបំផុត ដើម្បីយកឈ្នះពួកគេបាន។ គ្រប់ការប្រកួត គឺជាវគ្គផ្ដាច់ព្រ័ត្រ យើងត្រូវតែប្រយ័ត្នគ្រប់ការប្រកួតទាំងអស់ ដែលនៅសល់។
ដូច្នេះឥឡូវយើងកំពុងតែគិតពីការប្រកួតនៅថ្ងៃអាទិត្យ (ប៉ះ Man City) និងបន្ទាប់មក យើងនឹងគិតប្រកួតបន្ទាប់ទៀត។ គ្រប់ការប្រកួតទាំងអស់ គឺសំខាន់បំផុត រហូតដល់ចប់រដូវកាល”។
បិសាចក្រហម Man Utd ដែលឈរនៅចំណាត់ថ្នាក់លេខ៣ នឹងត្រូវប៉ះក្រុមគូប្រជែងធំនៅក្នុងទីក្រុង ដូចគ្នា (Manchester) ជើងឯកចាស់ Manchester City ដែលឈរនៅតំណែងលេខ៤ ខុសគ្នាតែ១ពិន្ទុ នៅថ្ងៃអាទិត្យចុងសប្ដាហ៍នេះ៕
Post a Comment