Kei Nishikori ការពារ​តំណែង​ជើងឯក Barcelona Open បាន​សំរេច​

កីឡាករ​វាយ​កូន​បាល់​កំពូល​របស់​ជប៉ុន Kei Nishikori បាន​គ្រង​ជើងឯក Barcelona Open ជា​លើក​ទី​ពីរ​ឆ្នាំជាប់ៗ​គ្នា​ បន្ទាប់ពី​យកឈ្នះ​កីឡាករ​អេ​ស្ប៉ា​ញ Pablo Andujar នៅ​វគ្គ​ផ្តាច់ព្រ័ត្រ​ម្សិល​ម៉ិ​ញ​នេះ 6-4, 6-4​។

​​គឺជា​ជើងឯក​ទី 9 ក្នុង​អាជីប​ផងដែរ​សំរាប់​កីឡាករ​ជប៉ុន​រូបនេះ ក្រោយពី​បានបង្ហាញ​ពី​សមត្ថភាព​គួ​កត់សំគាល់​នៅ វគ្គ​ផ្តាច់ព្រ័ត្រ​លើ​កីឡាករ​លំដាប់​ទី 86 Pablo Andujar​។ ​ផ្តើម​ការប្រកួត​ដំបូង Andujar បាន​វាយ​ឈ្នះ Breakpoint ដំបូង​លើ Nishikori តែ​ក្រោយ​ទៀត​ទោះបី​ជាមាន unforced errors ដល់​ទៅ 13 លើក​ក៏ដោយ Nishikori តាម​ពីក្រោយ​យកឈ្នះ​សិត​ដំបូង 6-4​។

នៅ​សិត​ទី​ពីរ​កីឡាករជប៉ុន​រូបនេះ​មាន​កំហុស​ច្រើន​ធ្វើអោយ Pablo Andujar នាំមុខ 2-0 តែ​ក្រោយមកទៀត Nishikori បន្ត​វាយបក​និង​ឈ្នះ ពិន្ទុ Breakpoint បន្តបន្ទាប់មុន​ពេលដែល​កំហុស​ពីរដង​រឺក៏ Double Fault របស់ Pablo Andujar ធ្វើអោយ Kei Nishikori ឈ្នះ​សិត​ទី​ពីរ​នេះ 6-4 ទៀតដើម្បី​គ្រង​ជើងឯក Barcelona Open នេះ​។​​

កីឡាករ​ជប៉ុន Kei Nishikori ដែល​បានធ្វើអោយ​មានការ​ចាប់​អារម្មណ៍​ឆ្នាំមុន​គឺ​ឈាន​ចូលដល់​វគ្គ​ផ្តាច់ព្រ័ត្រ Grand Slam លើកដំបូង​នៅ U.S. Open នោះនឹង​ក្លាយជា​កីឡាករ​ចំណា​ប់ះ​អារម្មណ៍​ថា ​នឹង​អាច​គ្រង​ជើងឯក Grand Slam, French Open ខែក្រោយ​នេះ​នៅ​ប្រទេស​បារាំង​៕