ប៉ាក់គីអៅ លើកដៃសំពះ សុំអង្វរដល់ ថ្នាក់ដឹកនាំ ប្រទេសឥណ្ឌូនេស៊ី លើការកាត់ ទោស ប្រហាជីវិត ជនជាតិហ្វីលីពីន

លោក ប៉ាក់គីអៅ ដែលជាកីឡាករប្រដាល់ជនជាតិ ហ្វីលីពីន និងជាសមាជិកក្នុងសភាផងដែរនេាះបាន ចេញសេចក្ដីសំណើរស្នើរសុំចំពោះ ប្រធានាធិបតិយ ប្រទេស ឥណ្ឌូនេស៊ី គឺ លោក ​Joko Widodo ដើម្បីធ្វើការសម្រាលទោសដល់ កម្មករចំណាកស្រុកជនជាតិ ហ្វីលីពីនម្នាក់ពីការកាត់ទោសប្រហា​ជីវិត ពីបទរត់ពន្ធ គ្រឿងញៀនដែលមានចំនួន ២.៦ គីឡូក្រាម ។

ក្មេងស្រីចំណាកស្រុងជនជាតិ​ ហ្វីលីពីនម្នាក់ បានត្រូវក្រុមប៉ូលីសរបស់ ប្រទេសឥណ្ឌូនេស៊ី រកឃើញគ្រឿង​​ញៀនក្នុងវ៉ាលីរបស់នាង ចំនួន ២.៦ គីឡូក្រាមកាល ពី ឆ្នាំ ២០១០។ ក្មេងស្រីម្នាក់នោះមានឈ្មោះថា​ ​​Mary Jane Veloso ហើយនាងក៏បានឆ្លើយបដិសេធនឹង អំពើខុសច្បាប់មួយនោះ ថានាងមិនបានប្រព្រឹត្ដនោះទេ។

Mary Jane Veloso ធ្លាប់បាន​ត្រូវ មេធាវីស្នើសុំឲ្យកាត់ទោសត្រឹមតែជាប់គុកបានហើយ ប៉ុន្ដែតុលាការសម្រេច សាលក្រមចុងក្រោយ ត្រូវកាត់​ទោសប្រហាជីវិត ។

ទន្ទឹមនឹងកាត់ទោសនេះ​ លោក ប៉ាក់គីអៅ បានចេញសំណើរស្នើដល់ លោក​ Joko Widodo ដោយលើកឡើងថាគាត់ ហ៊ានលត់ជង្គង់សុំអង្វរ ដោយ អស់ពីទឹក ចិត្ដ របស់គាត់ ដើម្បីឲ្យតុលាការសម្រាលទោសដល់ ក្មេងស្រីម្នាក់នោះ ។ ប៉ាក់គីអៅ បានបន្ដទៀតថា នេះគឺជាគុណបំណាច់មួយធំបំផុត ប្រសិនបើគាត់ព្រម សម្រាលទោសដល់ អ្នកទោសម្នាក់នេាះ ។

ហើយម្យ៉ាងវិញទៀត នេះក៏ជាកម្លាំងទឹកចិត្ដដ៏រឹងមាំបំផុត សម្រាប់​ថ្ងៃនៃការប្រកួត ដ៏ធំបំផុតក្នុងប្រវត្ដិសាស្រ្ដជាមួយ Floyd ។ រាជរដ្ឋាភិបាលប្រទេសហ្វីលីពីន​បានសម្រេចសេចក្ដីសំណើទី ២ ដើម្បីស្នើទៅកាន់ប្រទេសឥណ្ឌួនេស៊ី ដើម្បីសុំការអនុគ្រោះលើកលែងទោសដល់នារីម្នាក់នេាះ។