អ្នកលេងកណ្តាប់ដៃឥតស្រមោល ម៉ឺន សុភា សោកស្តាយមិនស្ទើរទេនៅពេលចៅក្រមទាំង៥រូបកាត់សេចក្តីឲ្យចាញ់ពិន្ទុអ្នកប្រដាល់ថៃ Singha Thorngnoy ខណៈកូននាគលេងកែងឆេះ វង្ស ណយ រកបាន៣ពិន្ទុយ៉ាងស្រួលពីកីឡាករថៃ Sam San Sor Samphong សម្រាប់ការប្រកួតវគ្គសន្សំពិន្ទុខ្សែក្រវាត់ខារ៉ាបាវនៅសង្វៀនបាយ័នកាលពីយប់មិញ។
ការប្រកួតរវាងជើងខ្លាំងកម្ពុជា ម៉ឺន សុភា និង Singha Thorngnoy ទទួលបានការចាប់អារម្មណ៍យ៉ាងខ្លាំងពីអ្នកទស្សនាយ៉ាងច្រើនកុះករដោយសារអ្នកប្រដាល់កម្ពុជា ម៉ឺន សុភា ដែលល្បីខាងប្រើកណ្តាប់ដៃបានព្យាយាមវាយសម្រុកទាំង៥ទឹកពេញ។
ចាប់ផ្តើមទឹកទី១សុភាបានទាត់ជើងក្រោមជាញឹកញាប់ ខណៈកីឡាករថៃព្យាយាមទាត់លើដងខ្លួន។ ទឹកទី៣ដល់ទី៥ សុភា បានប្រើកណ្តាប់ដៃផ្ទួនៗ ទោះជាត្រូវខ្លះ ខុសខ្លះក៏ដោយ ក៏មើលទៅសុភាហាក់មានប្រៀបជាងតិចតូច ប៉ុន្តែ Singha បានទាត់កន្តៀតក្អមសុភាគួរឲ្យកត់សំគាល់ដែរ។ ឆ្លងកាត់ទាំង៥ទឹកដ៏ស្វិតស្វាញ អ្នកទស្សនារំពឹងទុកថា ម៉ឺន សុភា នឹងបាន៣ពិន្ទុ ប៉ុន្តែលទ្ធផលបែរជាខកចិត្តដោយសារចៅក្រមកាត់ឲ្យចាញ់ពិន្ទុ។
ចំពោះកូននាគលេងកែង វង្ស ណយ វិញទទួលបាន៣ពិន្ទុយ៉ាងស្រួល។ ទោះបីជាមិនបានវាយដៃគូឲ្យសន្លប់ក៏ដោយ ក៏ជើងខ្លាំងកម្ពុជារូបនេះបានវាយសន្ធាប់ទាំង៥ទឹកតាមរយៈជង្គង់ហោះផ្ទួនៗលើពោះរបស់កីឡាករថៃ ហើយក៏ថែមកណ្តាប់ដៃ និងរន្ទះកែងគួរឲ្យកត់សំគាល់ផងដែរ។ ចំណែក Sam San Sor Samphong បានត្រឹមតែការពារខ្លួន ដកថយ និងវាយចេញកណ្តាប់ដៃបានតិចតូចប៉ុណ្ណោះ។ លទ្ធផល វង្ស ណយបាន៣ពិន្ទុយ៉ាងស្រួលសម្រាប់ការប្រកួតទីមួយរបស់ខ្លួន៕
ការប្រកួតរវាងជើងខ្លាំងកម្ពុជា ម៉ឺន សុភា និង Singha Thorngnoy ទទួលបានការចាប់អារម្មណ៍យ៉ាងខ្លាំងពីអ្នកទស្សនាយ៉ាងច្រើនកុះករដោយសារអ្នកប្រដាល់កម្ពុជា ម៉ឺន សុភា ដែលល្បីខាងប្រើកណ្តាប់ដៃបានព្យាយាមវាយសម្រុកទាំង៥ទឹកពេញ។
ចាប់ផ្តើមទឹកទី១សុភាបានទាត់ជើងក្រោមជាញឹកញាប់ ខណៈកីឡាករថៃព្យាយាមទាត់លើដងខ្លួន។ ទឹកទី៣ដល់ទី៥ សុភា បានប្រើកណ្តាប់ដៃផ្ទួនៗ ទោះជាត្រូវខ្លះ ខុសខ្លះក៏ដោយ ក៏មើលទៅសុភាហាក់មានប្រៀបជាងតិចតូច ប៉ុន្តែ Singha បានទាត់កន្តៀតក្អមសុភាគួរឲ្យកត់សំគាល់ដែរ។ ឆ្លងកាត់ទាំង៥ទឹកដ៏ស្វិតស្វាញ អ្នកទស្សនារំពឹងទុកថា ម៉ឺន សុភា នឹងបាន៣ពិន្ទុ ប៉ុន្តែលទ្ធផលបែរជាខកចិត្តដោយសារចៅក្រមកាត់ឲ្យចាញ់ពិន្ទុ។
ចំពោះកូននាគលេងកែង វង្ស ណយ វិញទទួលបាន៣ពិន្ទុយ៉ាងស្រួល។ ទោះបីជាមិនបានវាយដៃគូឲ្យសន្លប់ក៏ដោយ ក៏ជើងខ្លាំងកម្ពុជារូបនេះបានវាយសន្ធាប់ទាំង៥ទឹកតាមរយៈជង្គង់ហោះផ្ទួនៗលើពោះរបស់កីឡាករថៃ ហើយក៏ថែមកណ្តាប់ដៃ និងរន្ទះកែងគួរឲ្យកត់សំគាល់ផងដែរ។ ចំណែក Sam San Sor Samphong បានត្រឹមតែការពារខ្លួន ដកថយ និងវាយចេញកណ្តាប់ដៃបានតិចតូចប៉ុណ្ណោះ។ លទ្ធផល វង្ស ណយបាន៣ពិន្ទុយ៉ាងស្រួលសម្រាប់ការប្រកួតទីមួយរបស់ខ្លួន៕
Post a Comment